Bapla Sogoy

Bapla din do nenḍayena

Ato koṛako umjhạuena,

Tinre hijuḱ ona ghạṛi

Sogoy sanakan ghane ghạṛi.

 

Tumdaḱ ṭamak  jomkạo saḍe

Mạndạṛiạ ma  jaṅga laḍe,

Tirio murli ar phet́ banam

Manḍwa latarre koṛa haṛam.

 

Tumdaḱ saḍekan tińdạṇ chop

Eneć kuṛiaḱ hilạuḱ ehoṕ,

Kaṛba ḍabaṅ ḍobe ṭamak

Kuṛiko kosae chamak chamak.

 

Tayom mucạt́re sogoy koṛa

Tiriạu akanko hanko tora,

Ti thayo ar ḍanḍa hilạu

Ńeloḱ kanko ekal milạu.

 

Santal somajre bapla sogoy

Mone jiwiye romoj rijạu,

Akhṛa ehoṕre sereń rãwãḱ

Sogoy koṛawaḱ jhãwãḱ.

 

Bapla sogoyre santal rạskạ

Duk bhabna sanam ikạḱ,

Bul hoṛma thayo ghaňjeṛ

Rạgạu mente hoho pajheṛ.