Uḍhạuena Topa Ṭanḍi Reaḱ Simạ Pạcri Eset́ Kạmihora
29 Tạrik Budbar setaḱ 8 baja Chapainawabgonj reaḱ Amnura Lutheren Mission re santal hoṛkoaḱ Topa tạnḍi simạ pạcri eset́ kạmihora ko uḍhạukeda. Topa tạnḍi eset́ kạmihora komiṭiren sompadok Prodip Hembrom doe baḍae ocoakana, Amnura Lutheren Mission do ạḍi mare Mission kana. Noa Mission Baṅgladisạm phurgạl lahare ehoṕlena ar nonḍe hõ nit 300 cetan hoṛko bosotoḱ kana. Sedae re niạ Mission do mońjge pạcri eset́ tahẽkana. Menkhan nit aema lekan eṭkeṭõṛẽ te niạ pạcri do rạput́ caba akana. Onate niạ do nawate aro ruạṛ kạmihora kana.
Amnura Mission reaḱ Topa tạnḍi simạ pạcri do 465 feet menaḱa; Ona modre pạhil dhapte 165 feet reaḱ simạ pạcri eset́ kạmihora do ehoṕ hoyena ar bại bạite joto hoṛaḱ goṛo gopoṛote sareć kạmi hõ purạuḱa mente asle dohoyeda.
Niạ topa ṭanḍi simạ pạcri eset́ kạmihora uḍhạu kạmihora do Amnura Mission manḍer ren Mạńjhi Haṛam Silip Soren aḱ ạyurte maraṅ peṛa hisạbte seṭere tahẽkana 03 no Jhilim Union Parisod ren Panel Chairman-01 ar 02no.word Member Mohammad Masud Parvej, Bangladesh Northern Evangelical Lutheran Church (BNELC) Trust Board Secretary Hingu Murmu, Amnura Lutheran Mission Church ar topa tạnḍi ạyur lahanti komiṭiren Chairman Josep Hembrom, Secretary Nelson Mardy, Amnura Mission manḍer ren ạyurić David Dhonai Hembrom ar manḍer Member Horidas Hembrom, Amnura Mission juạn club ren chairman Jiheskel Murmu, gãota sompadok Samuel Hembrom selet́ atoren hoṛko.
Niạ topa tạnḍi eset́ kạmihora lahanti do Bangladesh sarkaraḱ TR fund ar ato hoṛaḱ goṛote etohoṕ hoyakana. Niạ do ạḍi maraṅ kạmihora kana ar aema kạuḍi reaḱ jạruṛ menaḱa mente baḍae ocoakan komiṭiren Chairman Silip Soren. Niạ oka goṛo ńamakan onate do eken great beam ar khunṭi reaṅ kạmi hoe purạuḱa. Onate sanam dayawan hoṛko ṭhen goṛo khojoḱ reaṅ nehõrko doho akada.
Comments are closed.