Iń ren menae kukmũ rạni
Ńutum tae do Suru Dhạni.
Jaogiń ńapam jạpit́ okto
Iń do uniren ạḍi bhokto.
Aenom kajar mẽt kuṭi
Golap baha tae roṅ luṭi.
Lutur re tae jhạmkur pagra
Uni lạgit́ ińma pagla.
Hoṭoḱ re tae toa mala
Tire tae sona bala.
Mũ tae ma meru ṭhonṭa
Ona ńelte ińma koṅka.
Landa tae ma muluć muluć
Sạṅgiń khoniń ńele poloḱ poloḱ.
Muṭhạn tae ma ạḍi coṛoḱ
Ńel lekhanem ạḍi bhoṛoḱ.
Roṛ tae ma keneć doṛeć
Rạskạ monre kedeć kedeć.
Beṅget́ tae ma dulạṛ pereć
Ńapam toraliń coḱ cereć.
Nui monren kukmũ rạni
Tis bae hoyoḱ ińren sạri juri.
Comments are closed.