Ohogeń Leṭećlea

Ohogeń leṭećlea,

Caḱ onka dom roṛet́a

Hoṛko daṛeaḱgea

Caḱ am bam daṛeaḱa?

Leṭejre hõ baṅre hõ,

Kurumuṭuime arhõ,

Mit́ dhaore baṅre hõ

Leṭejam sae dhaore tho!

Ohogeń leṭećlea,

Onka bam roṛ baṛaea;

Asket lelha gidrạge,

Bạnuḱtaea cet́ dhejge.

Iń doń ńelet́me kana,

Onkan gidrạm baṅ kana;

Cedaḱ adom monea,

Ohogeń leṭećlea.

Daḱtem bololen nạ̃hi

Paeraḱ cedam hako sik,

Mit́ bar dhao gurlen nạ̃hi!

Taḱṛam cedam hoṛ sik,

Khaṭaolen bam caṭaoa?

Casle nạ̃him arjaoa.

Ma tobe nit moneme

Alom hapeḱ dhurạuḱme.