Court Reaṅ Hukumte Bo̠ndo̠ḱ Kana Pubg Ar Free Fire Gatić, Tiktok- Likee Hõ.
Baṅgla disạmre Pubg ar free fire lekan ‘bagahi’ internet gatić reaḱ link do̠ bond akadako Telejogajog niyontrok songstha- BTRC. Adalo̠t kho̠n hukum ńam tayom BTRC noa bebosthae hatao akada. Commission vice chairman Subroto Ray Maitra Budhbar hoṛkoe metat́koa, Department Of Telecom (DT) noa babotre batlaoe e̠mlena. Pubg ar free fire bond akana. Arhõ e̠ṭaḱ ‘laksan’ app ko hõ bond reak dhara do̠ e̠hoṕ akana. Tiktok, Bego live ar Likee lekan app selet́ arhõ thoṛa app baṅgla disạmre bond lạgit́ hõ ko kurumuṭu kana me̠nte uni do̠e baḍae ocokeda. Nit app reaḱ link bond lekan hõ VPN teko calao daṛeaḱa me̠nte cal bo̠l kateće me̠nkeda, noa ko bond lekan aleaḱ jãhãn daṛe do̠ bạnuḱtalea. Niạko app ren mạliki ṭhen ciṭhi e̠mkateć bond lạgit́le nehõraea. BTRC ren mit́ officer do̠e baḍae ocokeda, lahare jãhãn app se̠ website bond hoyoḱ khan Internet Getway, Broadband ar Mobile Operator batlaoako jaruṛa. Calaoen 16 August disạm reaḱ online platform kho̠n pubg, free fire selet́ nonkan ‘bagahi’ jo̠to̠ gatić pe cando̠ bond reaḱe hukum akada Highcourt. Nonkanaḱ online gatić ar tiktok, likee lekan video strim app bond reaḱ hukum cedaḱ baṅ emo̠go̠ḱa, baḍae hatao lạgit́ ạri do̠ jạri akana.
Source: Sonali sangbad
Comments are closed.