Bo̠so̠t Bhiṭạ Kho̠n Laga Ńir Bo̠to̠rre Me̠naḱkoa Santalko

By Santals Times Desk Last updated Aug 28, 2021

13 sermare birgajaṛ reaḱ loksan man 61.61 persent. Birgajaṛ rạkhi jogao khạtir ḍhip (soikot) dhasaoḱ́ kan babotre teṅgo daram lạgit́ goṭaedako co̠lo̠nti ko. Prossason do̠e me̠ne̠t́ kana, Gaibandha reaḱ Gobindogonj re Rangpur ciniko̠l reaḱ jumire Export Prossesing Zone (EPZ) hoelen khan aema silpạkạrkhana do̠ benao rakaboḱa. Ar o̠nḍe kạmi lạgit́ ạt ko ńama santal ko hõ. Me̠nkhan noa katha do̠ bako hetaoaḱ kana. Santalko me̠neda, noa jumi do̠ bapa-purkhạ takoaḱ kana. Nonḍe EPZ hoylen khan onko do̠ jumi khonko laga ńir ocoḱa. Sanamaḱ at kate horre duṛuboḱ hoyoḱ takoa. EPZ birudre Moṅgolbar do̠ maṭh reko tahẽkana santal ko. Noa ko ṭoṭha hiri idikeda EPZ ren mạliki ren nirbahi Chairman. Rangpur re ciniko̠l me̠naḱ ona jumire EPZ benao reaḱe goṭa akada Sarkar. Maraṅmontri aḱ hukum ńam tayom kạmi ko eho̠ṕ akada Bepza. Me̠nkhan noa jumi se̠ hasare hoyoḱ kante ạḍi raṅgao ar bo̠to̠r re̠ menaḱkoa o̠nḍenko santalko. Rangpur ciniko̠l ṭhe̠n kho̠n baḍae ńam akana, 1953 sermare Gobindogonj upạjilạ reaḱ Mohimagonj ṭoṭhare Rangpur ciniko̠l do̠ benaolena. Ciniko̠l ren mạliki 1954 sermare upạjilạ reaḱ Sapmara union reaḱ Sahebgonj Baghda Firm ṭoṭhare 1 hajar 832 akor jumi bhar ko hataokeda. Un kho̠nge o̠nḍe do̠ ạk cas abado̠ḱ kana. Ciniko̠lrege ạk do̠ dal hoyoḱ kan tahẽna. Me̠nkhan ạk baṅ kulạuḱ kan khạtir calaoen sarma do̠ ciniko̠l bond reaḱ sarkare jạhirakada. Aḍepase̠ se̠ o̠nḍenko santalko do̠ bapa- purkhạ jumi me̠nteko dạbi kana. 2016 serma reaḱ talamala okte Ando̠lolon ko benao rakaṕkeda. Jumi rạkhi jogao lạgit́ benao rakaṕena Sahebgonj Baghda Firm Bhumi Uddhar Committee. Ona sermage 6 nambar jumi reaḱ ạk get́ khạtir ciniko̠l mạliki são santalkoaḱ lạṛhại hoyena. Ar Santal jạti-gosṭhi ren pe hoṛko goćena ar polis selet́ 20 hoṛko akaham akana. Inạ tayom ciniko̠l ren mạliki do̠ tarte beṛhae kate jumi akoaḱ do̠kho̠leda. Me̠nkhan (3) pe serma lahare santalko do̠ ona tar beṛha rạput́kate jumi ko do̠kho̠lleda. Un khonge onḍe do̠ aema lekan pho̠so̠l ko casa bad ạ̣guiet́ kana. Noa khạtir santal hoṛko do̠ Gobindogonj- Dinajpur ṭoṭha reaḱ ḍaharre Sahebgonj ṭoṭhareko manobbondhonkeda. Noa kormosuci se̠ program ạyurkedae Barnabus Tudu. Santal ko do̠ aḱ- ãpạri ante EPZ bond lạgit́ upạjilạ hoṛko baner ante Gobindogonj so̠ho̠r reaḱ carmatha ṭoṭhare ko manobbondhonkeda.

Source: Prothom alo

PDF

Sun	Mon	Tue	Wed	Thu	Fri	Sat
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30	31