GANDHI SULUK SIROPAE EM OCOYENA BOṄGOBONDHU

Jạtiarire̠n Baba Boṅgo bondhu Shekh Mujibur Rahman do̠ 2020 Se̠rma re̠aḱ Gandhi suluk Siropatey Manot ocoyena. Bharo̠t re̠aḱ ạricạli Montronaloe̠ do̠ teheń somber tayo̠m be̠la no̠a siropae̠ lại jạhir ke̠da. Mahatma Gandhiaḱ uskurte̠ mon lagao̠te̠ Baṅladiso̠m phugạl kate̠ diso̠m re̠aḱ são̠ta,Kạuḍi niti,rajạri khon te̠ṅgo rakabo̠ḱ re mońj ar bhạlại kạmi re̠aḱ jo hisạbte̠ Boṅgo bondhu noa Siropa doe̠ em ocoye̠na.

Boṅgobondhu Shekh Mujibur Rahmanaḱ janam Mãhã ar Baṅladiso̠m re̠aḱ phurgạl reaḱ diḱsạ maṛaṅre̠(Suborno joyonti) noa siropa do̠ lại jạhir hoena. Bharot re̠n Maraṅ Montri Norendro Modi Baṅladiso̠mte̠ saphor daṛan hijuḱ re̠aḱ ṭhik laharege BonCgobondhuaḱ noa Siropa ńam do̠ ạḍi asolaḱ kangea. Noa do Banar Diso̠m re̠aḱ jopoṛao arhõ bhageḱ re̠aḱ mit́ṭe̠n nạmuna kangea.

Gandhi Suluk Siropare̠n Baḱchaokore̠n Mukhiạ Bharotre̠n Maraṅ Montri Norendra Modi. Maraṅ Montri chaḍa hõ ona Baḱchao gãotare̠n e̠ṭaḱ rạsiạ ko do̠ko hoyoḱ kana Mạńjhi Biḱcạrić S K Bobde, Lo Sabhare̠n Birodhi dolre̠n Maraṅić, Lok Sabhare̠n Speaker Om Biṛla ar Sulobh Intenational Seba Soṅsthare̠n Beret́ić Bindhessor Paṭhok. Calaoe̠n Sokol Hiloḱ re̠aḱ dupuṛuṕre̠ Biḱcạr ko do̠ 2020 Serma re̠aḱ Siropa sãote̠ 2019 Serma re̠aḱ Siropa ńamke̠t́aḱ ńutum hõko go̠ṭa keda. 2019 Serma re̠aḱ Siropa do̠e̠ Em ocoye̠na Omanre̠n Hanapuri akan Sultan Bin Sayed Al Sayed.

Siropa re̠aḱ kạuḍi dam do̠ hoyoḱ kana Indian 1 Kạruṛ Rupee.Sãote̠ em hoe akana Man- Sakam ar Mare ti-te̠aḱ benao̠ beohar jinisko. 1995 Se̠rma khon noa Siropa do̠ em ạgu hoyoḱ kana.

Noa Lahate̠ Gandhi Suluk Siropa Hameṭanko modre̠ menaḱkoa Tanjania re̠n Mare Presiḍenṭ Julias Nayar, Nelson Menḍela, Arch Bishop Ḍesmonḍ Ṭuṭu, Ram Krisno Mission, Baṅgladesh Grameen Bank.

Maraṅ Montri Norendro Modi 17 March Boṅgobondhuaḱ Janam Mãhãre̠ Twit reye men akada, Boṅgobondhu Shekh Mujibur Rahman do sanam Bharotre̠n hoṛ ko ṭhe̠n mit́ ṭen bhage nạmuna kanae̠. Bharotre̠n hoṛko ṭhe̠n uni doe̠ birbanṭa kana. Uni doe tahẽ kana manwa koaḱ hok emako ar phurgạl re̠n hohorhoić.

Gandhi Suluk Siropar  Boṅgobondhu disạ teye menkeda, phurgạl Baṅgladiso̠m re̠aḱ rehet́ doe̠ benao leda Shekh Mujibur Rahman. Diso̠mr mońj ar sanamaḱte nirạye̠ doholeda. Uniaḱ bhage kạmite̠ benao̠ rakaṕlena Bharot- Baṅgladiso̠m re̠ak mońj suluk helmel re̠ak rehet́. Benao̠ena Upo Mahadiso̠m re̠aḱ Suluk ar alo kurudoḱ re̠aḱ mit́ṭe̠n gãota.

Source- Dainik Prothom Alo