Barcelonae aṛaḱeda Messi

Argeṭ̣ina reaḱ kho̠bo̠r sakam TYC ho̠lano̠ḱ ko lạikeda, Barcelona aṛaḱ lạgit́e hudis akada Leonel Messi. Nãwã hẽḱaḱ(Cukti) re calaḱ bae meneda Argenṭina phuṭbol do̠l ren Ạḱyurić (odhinnayok).

No̠a kho̠bo̠r do̠ ḍher gapalmarao̠ e̠ho̠ṕ akana champions league re jo̠kho̠n Bayern Munich ṭhen 8-2 golteko hirạen tayom. Nãwã Coach(gate cecet́ić ) Ronald Koeman hõ Messiaḱ mon bae bo̠do̠l daṛeaḱ taea.

Messi Barcelona aṛaḱ Sanayede kana,Noa ańjomte England ren sedae khilạḍiạ Gerry Lineker mit́ṭe̠n tweet rey menleda,Messi dol aṛaḱe menjoṅet́ kan  khan sen ocoaege le̠k kana.

Messiaḱ noa hudis re manot ar sarhao̠e emoḱ kana Barcelona ar Spainren mare captan Carles Puyol.

Noa khobor ańjom kate Barcelona Fc ren mukhiyạ Josep Maria Bartomeubirud re Hul (Andolon) reko pheḍena ona dol kusiaḱ kanko. Onkoaḱ kho̠jo̠ḱ do̠ jemo̠n dạyike aṛag.

20 serma Barcelona do̠l khonaḱ gate kate̠,33 se̠rma umer re no̠a hudiste unạḱ din reaḱ helmel/jopoṛao̠ to̠pago̠ḱ kantaya.

BBC ko meneda no̠a ucạṛo̠ḱ kạmi (transfer proses) re tho̠ṛa eṭke̠ṭõṛẽ reko paṛao̠ daṛeḱa Barcelona Fc. Karon do; Oltolre nonka menaḱa, Calao̠en 10 June  lahare do̠l aṛaḱe menlekhan free te ucaṛo̠ḱe (transfer) hatao̠ daṛekea.Ar nit ona o̠kte do paromena, no̠nka hõko men ocoeda barca.Menkhan Leonel Messi ar uniren ạn sabdaṕić do̠ kin men ocoe̠da ko̠ro̠na ajar iạte phuṭbol khilạḍ ko bo̠nd tahẽkante ona hẽḱaḱ (cukti) reaḱ mucạt́ o̠kte do 31 August dhạbíć baḍhao̠ ho̠yo̠ḱa.

Linekare meneda,Messi do̠ Barcelona itihãs ren mońj utạr khilạ̣ḍiạ kanae.Duk reaḱ katha kanrehõ, Messi go̠ṛo̠ae reaḱ jạruṛ menaḱa mente iń do̠ń hudiseda.