Serma seć ti tul kate
Juri gunṭhi ikṛum kate
Isor sarhaoebon dela,
Sirjạu kedae bir buru
Sirjạu kedae jharna gaḍa
Isoraḱ dan tinạḱ rilạmala.
Jo baha joto dare pereć
Ḍạr re cẽṛẽkowaḱ sereń ar cereć
Joto ge noa Isoraḱ dan,
Gogo baba ar boeha joto
Tinạḱ menaḱ ko gate peṛa joto
Isor baba geye em akan.
Lili bici coṭ serma ipil
Jiṛiṕ jiṛiṕ ńeloḱ gaṅga gitil
Ńeloḱ hahaṛa Isoraḱ sirjon,
Siń re lạgit́ menae siń cando
Ńut re lạgit́ menae ńindạ cando
Marsal kin emet́ coṭ serma khon.
Coṭ sermare ńeloḱ uḍạuḱ gạḍi
Daḱ cetan latar daḱ gạḍi
Benao lạgit́ babae emen daṛe
Sukre teheń manwa cehel cepel
Dhạrti pereć teheń bud ar ạkil
Joto ge Isoraḱ dan ar daṛe.
Comments are closed.