Boḍa Biń Ar Muć
Mit́ṭen birre boḍa bińe basoḱkan tahẽkana. Boḍa biń do ạḍi bisane tahẽkante uni pheḍ calaḱ okoege bako rebenkan tahẽkana. Onate biń do ạḍi gorobe aṭkaret́ tahẽkana. Apnarte ạḍi dil ar daṛeane hudisoḱkan tahẽkana.
Mit́din boḍa bińe tạṅkhikeda, aćaḱ bhugạḱ pheḍre mit́ dol mućko bhugạḱ akada. Ona ńelte ạḍi ãṭe edreyena. Adoe menkeda, muć aḱ nunạḱ maraṅ sạhũs, ińaḱ bhugạḱ pheḍreko bhugạḱ akada! Ado onko muć laga ocoḱko lạgit́ boḍa biń do onko upạrte dhawakeda. Mit́ okte muć do akoaḱ jiwi bańcao lạgit́te boḍa bińaḱ hoṛmoreko ger bit́ena. Khange boḍa biń do hasote kiriṛ kiriṛ kikiạue dhurạuena. Enrehõ onko muć do bako aṛaḱledea. Mucạt́ dhạbićte boḍa biń do muć khon bańcaoḱ khạtirte bir khone dạṛkeda.
Comments are closed.