SETOṄ LOLO
-Markus Murmu
Ạdi jarat setoṅ lolo
Bạt bạihạrre tahen dorloe
Noa setoṅ thoradin laha
Horko lạgit tahẽkan daya.
Setoṅ reak elaṅ tinạk
Horko monre kosto unạk
Koyok horre tinre hijuk
Hormore Hisit hoe do bhijạuk.
Lolo setoṅ dea kate
Manwa ko duk sahao ate
Kạmi kajre hormo sanam
Alae edako jonom jonom.
Jiwi jiṅgi napae lạgit
Hãs rạskạ begor sạbit
Kadae kadae loso pondo
Khataok ako gelbar cando.
Jharla jhạrli cạt bạisak
Horko monre as hilạuk
Hạriạr horo bạtre landae
Unre joto kostoe cabae.
Comments are closed.