ḌAHAR

Bhul ḍaharte taṛam taṛamte

Oktei jurite kunạmi bagwan bạgikate

Ạḍi jhạliń laha hećen

Bạń oromet́ kan!

 

Terdeć marsal bạgikate

Iń okoreń teṅgo akan?

Noa ma ińaḱ ḍahar baṅ kan

Tobe cekate rilạmala ḍaharteń ruạṛa?

Ńu-bul pharnao hoṛmo lekań

Aṭkaret́ kan.

 

Ińaḱ daṛema bại-bạite cabaḱkan

Bạń baḍae jạdu-mantarte-

Nit ińma sãota teṅgo kate

Sãota juḍạsi hoe ma

Bạń bis kate Bhiṛkạu kane.

 

Baṅkhan iń ma sãota-gãota ren

Dulạṛiạko metạńkan tahen

Menkhan nui dare nạ̃ṛĩ sãotege

Bạń baḍaea tinạḱ jugiń

Ekal sãotaren bạiri hoe kate

Hiskạ umul latar re

Tạṅgiń tahena-

Noa joto eṛe-toṛe khon

Bańcao ḍahar do cet́

Eset́ cabaena?