Joseph Aćren Boehako Ṭhene Orom Ocoḱ Kana
Ona ańjomkate Joseph do ar bae sambṛao daṛeat́te raḱket́teye metat́koa, Iń do Joseph; ạpuń haṛam nit dhạbić jivet́ge menaea? Onko do botorenteko haemoekaṭena. Menkhan Joseph do dulạṛkateye galmaraoat́koa; jotoe coḱat́koa, ar Benjamin kokekedeteye raḱket́a.
Khangeye metat́koa, Ma hako pako sen hot́kate ạpuń haṛam lại got́aepe, iń do Misor disomren mạlik kạnạń mente, ar ạgu hodepe. Onko do oṛaḱte senkate noako joto akoren apatko lạiadea; menkhan Jakob reaḱ mon ṭakṭạkiyentaea, ente bae pạtiạuat́koa. Menkhan Josephe kol akawade gạḍi sagaṛ emanteaḱ ńelket́te, mon cerṭhayenteye menket́a, Niạge ḍhera! Ińren hopon Joseph jivet́ge menaea; senkateń ńelea ạuriń gujuḱre. (Gen. 45.)
Comments are closed.