Meskoć
Meskoć
Ram do din hiloḱ ać bạhu sãoe jhogṛaḱa. Ente uni do jaoge pạura ńute bulkoḱa. Mit́din Ram do bulkate oṛaḱe hećena. Ado ać bạhu do raṅgaote metadea, pạurạ ńute nunạḱ rạskạ ar mońjem tahẽn kana, enḍekhan cedaḱ ińem bapla kedeńa. Pạurạ sãogem tahẽ daṛeaḱkea. Noa katha ańjomte Ram do mit́ṭen gilạs re thoṛa pạurạ dul kate ać bạhui emadete metadea, ne ńu legaeme.
Khange Ram ać bạhu do mocare idiket́ sãote bahre dạṛkeda are giḍi oṭokeda. Ado heć kateće meneda, cekate nunạḱ bạṛić jinis doyem ńueda?
Ado Rame menkeda, cedaḱ, thoṛa lahagem metadińạ, ạḍi mońj ar rạskạte boleń ńueda, enḍekhan nitem bujhạukeda tinạḱ kosṭote pạurạń ńueda. Inạkate Ram ać bạhu doe menkeda, teheń khon ar tisge pạurạ ńu bạń baronmea. Ać bạhuaḱ katha ańjomte Ram do mone monete menkeda, “daḱ begor mesalaḱem ńu lekhan do nonkage hoyoḱa”.
Comments are closed.