Nú Bubulaḱ Oprom Ar Bạṛićtet́
Ńu bubulaḱko se nisạ do niạ jugre goṭa dhạrtire mit́ṭen ạḍi maraṅ ruạ kana. Noa ruạ do hoṛ khon somaj, somaj khon disạm seć ạḍi usạrai dạdạṛ kana. Nisạ ńutuman noa ruạ khon bańcao ńam lạgit́ goṭa dhạrti ạḍi ãṭe kurumuṭu kana. Jao bochor nisạ birud (Madok Protirodh dibos) din ko manao ạguieda. Enrehõ niạ do somaj khon baṅ cabaḱ kana. Boroṅ din dinte arhõ bạṛti calaḱ kana. Nisạ do khạli hoṛmo reaḱ do bae khotia. Noa do ṭaka poesa reaḱ hõ maraṅe khotia. Somaj reaḱ ạn-ạri ko cetanre hõ maraṅ probhab paṛaoḱ kana. Nisạ reaḱ bạṛti probhab do paṛaoḱ kana somaj ren juạn-juạniko cetanre. Noa nisạ karonte goṭa dhạrti ren koṭi-koṭi juạn-juạni koaḱ jibone nosṭoeda.
Ńu bubulaḱko se nisạ oprom:
Ńu bubulaḱko se nisạ modre hạnḍi, tạṛi, gãńja, hiroin, phensidil, koḍin, pethiḍin, aphim, morphin yaba, jạpit́ buṛi, traṅkuijar noako jinis lạgit́ bạṛti ko beohareda.
Ńu bubulaḱko oprom:
Ńu buluḱ koaḱ cạl-colon se cinhạ do bạṛti katete noako ńelogoḱa-(1) Ńindạ mońjte bako jạpida siń marsal ko dudṛuma, (2) Mońjte bako galmarao daṛeaḱa, (3) kạruć-bạrućko jom ńuia, (4) Alaṅ ar luṭiko rohoṛoḱtakoa (5) Monko ạḍi mońj baṅ tahen takoa, (6) Ghaneko thiroḱa-ghane ạḍi bạṛti kathako roṛa, (7) jãhãnaḱ cintạre monojog komaḱ takoa (8) duṛuṕ duṛuṕ ạuṛiaḱ somoeko nosṭoea, (9) Ạuṛiaḱte ạḍi utạr ṭakako khoja, (10) Bạibạite hoṛmoko rańjaoḱtakoa.
Mit́ hisạbte ńelakana mit́ṭen ńu bul hoṛ babotre din hiloḱ goṛre 87/= ṭakai khoroceda. Joto lebel se shreniren hoṛge noa ńu buluḱ nisạ reko boloḱ kana. Reṅgeć hoṛge bạṛti kaeteko noa nisạeda. Juạnko modre noa nisạ do ạḍi usạra ṭhạiye ńameda. Ar juạn koṛa-kuṛiko do noako nisạ ńu kate aema bạṛić kạmi jemon- khun, kombṛo, ḍakati, chintai, emanteaḱko kạmieda. Thoṛa din laha reaḱ ghoṭona bon ńelle khan oisi do jaoge nisại ńuet tahẽkana. Ar noa nisạ ńu baron karonte uni do ać gogo-baba goćkin hõ bae digdhạlena. Nonkan aema ghoṭona do ńu buluḱko hotete hoyoḱ kana.
Ńu bubulaḱre boloḱ reaḱ karon:
Porikha-nirikkha kate ńelakana okako karonte hoṛ ńu bubulaḱre bon boloḱ kana se ona rebon soṅgeḱ kana ona kodo hoyoḱ kana-orthonoitik karon, gharońjre jhogṛa-jhạṭi, ńu legae reaḱ sana, dhorom reaḱ ạn-ạri baṅ manao gateko são bạṛti somoe khemao, bạṛti rạskạ reaḱ as, noako karonte abo do bạṛti bubulaḱ rebon boloḱkana.
Ńu bubulaḱ se nisạ pasnaore akoṭaḱ:
1990 sermare madok drobbo niyontron odhidoptor benaoen tayom noa protisṭhan do ńu bubulaḱko bond lạgit́e kạmi edieda madok drobbo niyontron ạn benaoen tayom ńu bubulaḱ benao, ạkhriń, beohar, noare selet́ko ạnre soprot́ko do ạn reaḱ aotare benao akana madok niyontron board. Noa board do sorkari ar besorkari ar besorkari office são gãota kateye kạmieda. DC se jela proshasok mukhiạ kate noa komiṭi doe kạmieda. Noako nisạ bond lạgit́ ạn reaḱ soṭhik beohar, bises adalot benao ar noako cetanre hoṛ udgạuko reaḱ kạmi do jạruṛ menaḱa.
Comments are closed.