Rajawaḱ Pukhri
-Subash Baskey
Mit́ten Raja acaḱ disom re aćren porjako niạ, mit́ten pukhri laye goṭakeda. Pukhri la sạten khan Rajai ḍhạrwạḱ keda, teheń mit́ ńindạ bhitrite ona pukhri towate pereć hoyoḱa. Khan ona disom ren joto porja joto hoṛ mit́ mit́te mit́ gilạs kate oṛaḱ khon towa ạgukate ona pukhri dul pereće metat́koa. Jate uni Raja do dosar hiloḱ ạḍi setaḱre aćaḱ oṛaḱ pinḍạ khon towate pereć akan pukhri jemone ńel ńam .
Joto hoṛ ṭhen Rajawaḱ katha seṭerena. Mit́ hoṛe cintạyeda, joto hoṛma oṛaḱ khon gilạste towako ạguia , Jodi eken aćtet́ge noa ńindạ ńut oktere towa bodol daḱe dul lekhan okoe hõ ohoko bujhạu daṛeaḱa.
Ar uni hoṛ do joto hoṛ soṅge mit́te senkate eṭaḱ hoṛ baṅko aṭkar daṛeaḱa monekate mit́ gilạs daḱ ona pukhrirei dul oṭokeda.
Dosar hiloḱ setaḱre Raja aćaḱ pinḍạre teṅgo kateć pukhri seć beṅget́ kateće hae haeoḱ kana. Aćaḱ sadher pukhri eken daḱte pereć akana, onare mit́ phoṭa towa hõ bạnuḱa.
Sikhạuna : Bhage kami reaḱ ạt tahẽlen khan amge ehobme, eṭaḱko ṭhen do alom bhorsaḱa.
Comments are closed.