Baṅgla Nãwã Serma 1430 Pata Mela Ar Lolo Setoṅ

-Stephen Soren

By Santals Times Desk On Apr 30, 2023

Calaoen 14 tạrik Sokolbar din do tãhekana Baṅgla Nãwã Serma 1430 ar Pata mela. Ona din re iń soṅgeye tãhekana Dhaka khon hećlen mit́ official kạmi peṛa. Amnura khon Rajshahi airport te ruạṛ okte re horre nunạḱ hoṛaḱ calaḱ hijuḱ tãhekana je, disom re 40/45 degree Lolo Setoṅ do cet́ hõ bako moneaḱ kana.

Baṅgladisom redo calaoen 9 serma reaḱ jharla jhạrli lolo setoṅ doe parom akada. Nonkan lolo setoṅ re hoṛ hoponko do cet́ hõ bako moneaḱ kana; 14 tạrik do hoe purạuena Cobbis nogor pata mela ar dosar din do Jhalpukur mela. Onka leka goṭa Baṅgladisom re aema jaega re hoe purạuena Pata mela do. Nonkan botor lolo setoṅ re jhaḱ jhạbur lohot́ katet́ re hõ gogo baba boeha misera ar hopon gidrạko soṅge katet́ jiwire botor baṅ katet́ Pata mela teko seṭerlena. Iń soṅgeye tãhekana irạlgel mõṛẽ (85) umer ren haṛam hoṛ, adoye kulikedińa nunạḱ jharla jhạrli setoṅ re cedaḱ noko hoṛ hopon do pata mela teko calaḱ kana; ado roṛ ruạṛ do tãhekana; hoṛko soṅge ńapam ar rạskạ joṅ lạgit́. Ado nunạḱ lolo setoṅ? Hẽ nunạḱ lolo setoṅ rege. Ar Santali sereń doń disạ keda ariń gapalmarao adea;

Serma setoṅ dada jarat́ jarat́

Ot lolo dada rukuṛ dhiri

Serma setoṅ dadań sahaoa

Ot lolo dadań sahaoa

Jurie bạgiạń dada bạń sahaoa

Ạḍi ãṭ doe hahaṛayena. Inạ tayom ge ińren ạḍi sor mit́ hoṛ doń phone adea ariń kuli kedea okare menaḱ mea? Adoe lại adińa iń do Cobbis Nogor reaḱ pata ṭanḍi re. Uhh ạḍi lolo ar aema hoṛ doko jaroa akana, mela hõ ạḍi bes lagao akana. Santal hoṛ hoponko do ạḍi rạskạ selet́ mela re aema lekan jinisko kiriń eda; jom ńũ ar ạḍi rạskạ selet́ aema kạuḍi doko khorcaeda. Ar haire deku pusi tinạḱ rạskạ selet́ santal gogo baba boeha miserako ar gidrạko ṭhen khon sanam kạuḍi doko luṭuć hataoeda. Gubli reaḱ sanam kạuḍi caba katet́ ar hõ oṛaḱ teko ruạṛena; oṛaḱ khon hijuḱ ar calaḱ lạgit́ herel hopon leka Bhaṛate gạḍiko ạgu akada. Santalko, ạdibạsiko tinạḱ rạskạ!!!

Menkhan aboaḱ jumi jaega khon bon laga ocoḱ kana; jahan katha bạnuḱa; ạidạri babon khaṭao daṛeaḱ kana, Oloḱ paṛhao calao idi lạgit́ oṛaḱ re kạuḍi bạnuḱ tabona, khet baṛge cas bas lạgit́ kạuḍi bạnuḱa, oṛaḱ duạr benao lạgit́ kạuḍi bạnuḱa, bhageaḱ jom ńũ lạgit́ kạuḍi bạnuḱa; ruạ hasore paṛao lenkhan kạuḍi bạnuḱa; bhage kạmi hora purạu lạgit́ kạuḍi bạnuḱa; Somoe bạnuḱa; haire santal hopon delabon ruạṛ ma; bhage kạmire lạgit́ kạuḍi bon khorcai ma; ar darakan din lạgit́ bon ganḍon joṅ ma.

PDF

Sun	Mon	Tue	Wed	Thu	Fri	Sat
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30