Chapainawabgonj Re Piknik Bas Ulṭạu Kate Ko Akhamena

image_pdfPDFimage_printPrint

Chapainawabgonj re piknik bas ulṭạute mit́ṭen koching centre ren amdaj mõṛẽ gel (50) goṭen pạṭhuạ gidrạko akham akana. Sạnicar (04 March) setaḱ 10 baja jokhen Chapainawabgonj sodor upạjilạ reaḱ Chapai – Amnura ḍahar reaḱ  Paowel ńutuman jaegare noa aorẽ gãoṛẽ (accident) do hoyena.

Baḍae ńam akana, Shibgonj upạjilạ reaḱ Dadonchok ṭoṭha reaḱ Genius koching centre khon 75 goṭen pạṭhuạ gidrạko piknik lạgit́ bas te Nachole upạjilạ reaḱ Shopnopolli ko calaḱkan tahẽkana. Menkhan calaḱkan jokhen paowel jaega ko tioḱket́re bas reaḱ pạ̃ihạ̃ do ṭhuyente dare são ṭạkićena ar ulṭạuena. Khan bas re tahẽkan ḍiver selet́ kom se kom 50 goṭen pạṭhuạ gidrạko akham akana.

Khobor ńam torage Fire Service ren dolko hećente ghoṭna jaega khon onko akham akanko udhạr kateć Chapainawabgonj jilạ haspatal teko ạguket́koa. Akham akan kodo onḍege menaḱkoa. Chapainawabgonj sodor model thana ren bharapon ạpiser (OC) Sajjad Hossen doe baḍae ocokeda, pạṭhuạ gidrạkoaḱ ona piknik bas do nit police aḱ asrae re menaḱa. Pạṭhuạ gidrạko ran ocoko ar seba jotonre police dol ko goṛo gopoṛo ko emoḱ kana.

image_pdfPDFimage_printPrint

Comments are closed.