Hopon Bạbu

Aleren dulạṛ hopon bạbu

Oṛaḱren jotogiye koa kạbu,

Katha hõ thoṛa bae ańjom

Jel utu chaḍa daka bae jom.

Iskul calaḱ bae reben

Baskeaḱ bela chaḍa bae ebhen,

Paṛhaoḱe duṛuṕ ceṭe ceṭe

Gogo soṅgeće reṭe peṭeć.

Mobile reye gatić free-fire

Roṛae uni phaṅka phayaṛ,

Aleren hopon bạbu cạṭuạ

Bapla reye dona nạṭwạ.

Sanam ghạṛi lạṭ kuṭạ

Gog baṛayae parkom kuṭhạ,

Raṅgaolen khane bok boko

Usạtlen khane pok poko.

Aleren hopon bạbu jhẽṭ beṭa

Kạmi kotae do eken eṭaḱ eṭaḱ.