Iran birudh reko jitạuena iṅgleṇḍ

Bissokap Ṭurnameṇṭ reak̕ dosar khilạḍ rege Gol reak̕ ḍubạ dak̕ ńelena. Iran birudhre 6-2 golte jitạu katet̕ bisso̠kap lạṛhạiko eto̠ho̠p̕keda iṅgleṇḍ . Joṛa gole emakada Bukao Saka . Juḍ beliṅham, jek grilish, rahim isṭarliṅ, mạrkus rashphorḍ takoak̕ golte ḍubạdak̕re ko ạtu calaoena iran.

 Jirạu laharege 3 golko ho̠jo̠m utạrkeda iran .  35 miniṭre Beliṅham pạhil gol do̠e sạrdileda. Ona tayo̠m isṭarliṅg , Saka  jirạu(biroti) laharege 3-0 golte iṅgleṇḍko laha idiket̕koa .

Iṅgleṇḍ ar Iran e̠ne̠c̕ aema kakhante khilạḍ laha kho̠n ge kho̠bo̠r kago̠jre tahẽ̠kana . Iṅgleṇḍ ren phuṭbolarko ONE LOVE armbeṇḍ ho̠ro̠k̕ lekhange sạsti reak̕ jhuki tahẽ̠kantakoa. Note , iran disạmre maejiu laṛanao lạgit̕ jahan sombat sandesko emok̕kana se baṅ , onte hõ̠ ho̠ṛkoak̕ ko̠yo̠k̕ tạṅgi tahẽ̠kana .

Hijab baṅ bandek̕ reak̕ doste disạmren Mowlobadiko ṭhen jivi calaoen taea Mahsa Aminiak̕ .  Noa niạte disạm re goṇḍogol calak̕kana. Note , jo̠nto̠r reak̕ bhejal kakhante do̠rso̠kko niṭ akat̕ okte laharege maydanre ko bo̠lo̠ena .

 Noṅkan saṅge ghoṭona khilạḍre iran do̠ bisso̠mo̠ńco̠ re lajaoreko paṛaoena turui gol jomkatet̕ .  Pạhil bhag rege iran ren golkipar Ali Reja Beiranbhand do̠ bo̠ho̠k̕ reye bajao ocoente maydane bạgiada isṭrecar te . Ac̕ren saotenic̕  Mojid Hoseini sao teye tạkic̕ daramente bo̠ho̠k̕ reye bajao ocoena .

Jirạu tayo̠mge arhõ̠ mit̕ṭen gol katet̕ Bukao Saka jitạu reak̕ pharake bạṛti oṭokada. Iṅgleṇḍ ren Mạrkus Rashphorḍ ar Jek grilish arhõ̠ barea gol katet̕  bebodhankin ḍherkeda . Nunạk̕ ḍher gol ho̠jo̠mre hõ̠ gol reak̕ pharake komaoakada Iran ren Mehedi Taremi . Khilạḍ reak̕ 65 miniṭ re jhakas mit̕ṭen gole ạdạileda. Ona tayo̠m penalṭi kho̠n arhõ̠ mit̕ṭen . Nasenak̕ jạrsi o̠r sap̕ khạtir iṅgleṇḍ birudhre penalṭi reak̕ hursele o̠ro̠ṅkeda Rephari . Ona penalṭi khon dosar gole ạdạikeda Mehedi Taremi.

Mucạt̕ sec̕ iran ren mesi ńutuman Sordar Ajmown arhõ̠ mit̕ṭen gole ńam daṛekea. Menkhan ạḍi taogar gole bańcao ocokeda iṅgleṇḍ ren golkipar Jorḍan Pikphorḍ . Iṅgleṇḍ do̠ 6-2 golte jitạute ạḍi rạskạko do̠n kocoṛkeda .

Sombat halaṅ tumạl:  Somoy Tv news

Torjoma: Ńele Rasa