Mohadevpur re Ạdibạsikoren Ạyurić Alfred Soren Aḱ Topa Ṭhạ̃ire Lahantian/Boge Kạmiko Lạgit́ Uḍhạuena

image_pdfPDFimage_printPrint

Alfred Soren do ạdibạsi koren ạḱyurić kanae. Naogaon Jilạ Mohadevpur ren soman otre basok kan ạdibạsi koaḱ jumi jaega cetanre ạidạri ńam babotre jumi jaega dokhol bạrịć (diko) tite goć ocolena. Aṭhwar hilok (25 September) Alfred Soren aḱ ato Birbhumre aćaḱ topa ṭhạ̃i re lahantian kạmiko lạgit́te uḍhạu hoyena. Noa uḍhạu kạmi do Chatroneta disom phurgạlren phurgạliạ  Altaful Hoqe Chodhury hotete hoe purạuena.

Altaful Hoqe Chodhury aćaḱ nij puńjite noa lahantian kạmiko hoyoḱ lạgidoḱa mentey lại sodorkeda. Onḍe tikin ber mit́ṭen jarwaḱ do hoelena. Khan ona jarwaḱre Altaful Hoqe Chodhury aḱ ạyurte mit́ bar kathako roṛket́ modre Bas ren kendrio neta Wazed Parvej, jila somonoyok Joy nal Abedin Mukul, Johir Raihan cholochitro songsod ren neta Raihan , khoboria Faridul Karim, Alfred ren misera Rebeka Soren, sangbadik ar film ren benaoić Azadul Islam Azad hõ seṭere tahẽkana.

Ona uḍhạu akhṛa se jarwaḱre pạhilre Alfred Soren aḱ topare baha ko emket́teko manotkedea. Inạkate noa jarwaḱre Joynal Abedin doe menkeda, uniaḱ topa ṭhạ̃i namḍak ar lahatian são sãote nonḍe mit́ṭen Pre-primary school ar library, ona sãote adibạsi jạtigosṭhikoaḱ gobesok/tojbij ko tahẽn bakhrate gest house benao rakaṕ reaḱ hudis bhabna menaḱ akada. Nonkate jemon uniaḱ topa ṭhạ̃i se dander do uni disạ salaḱ manotoḱ ma.

image_pdfPDFimage_printPrint

Comments are closed.