Disomre Jo̠to̠ Lekan Juluaḱ Sunum Reaḱ Dam Liṭer re Mõṛẽ (5) Ṭaka Ko̠mena

Digel, Octane ar Kerosene reaḱ dam do thoṛagan rehõ ko̠m akana. Metaḱme Sarkar do liṭer re mõṛẽ (5) ṭaka kateć ko̠m reaḱe goṭa akada. Noa do bijli bạti (current) ar Khonij sompot ren Protimontri Nasrul Hamid noa khobore baḍae ocokeda.

Baḍaeabon je, calaoen 5 August khon disomre joto lekan juluḱ sunum reaḱ dam ko ḍherlena. Metaḱme Ḍigel ar Kerosene reaḱ dam liṭer re 34 ṭaka ḍherente 114 ṭaka, ar  Peṭrol hõ onkage liter re 44 ṭaka ḍherente 130 ṭaka kateć paṛaoena. Ar Octane reaḱ dam hõ liṭer re 46 ṭaka ḍherente paṛaoena 135 ṭaka liṭer.

Enḍe khan joto lekan sunum dam ḍherente hoṛ dejok gạḍiko reaḱ bhaṛa ḍher são são hạṭiạ bajar re dinạm din jạruṛaḱ jinis pạti buluṅ, sunum, ututeaḱ selet́ joto ko reaḱ dam ko ḍherena. Khan noa reaḱ dosa reṅgeć nacar hoṛko talare heć paṛaoena.

Menkhan nit́ nãwãte emen dam lekate, mõṛẽ ṭaka komente digel ar kerosene do liṭer re mit́ sae are (109) ṭaka, petrol reaḱ dam do mit́ sae bar gel mõṛẽ (125) ṭaka ar Octane reaḱ dam hõ mit́ sae pe gel (130) ṭaka kateć paṛaoena.