LẠUṚIẠ

Iń bạń ńel akada

East India Company aḱ harket́,

Bạń ńel akada iń

Pakistani aḱ saset́.

Ńeledaiń kombṛo baṭpaṛ,

Lạṭkuṭạ aḱ karbar;

Capeḱ kan hirkhạ bo̠to̠r ruṕ.

Iń do̠ bạń ńel akada

Sidu-kạnhu aḱ lạṛhại.

Ńel akadạń nãwã bạhu-jãwãeaḱ

Bańcao lạgit́ lo̠lo̠-setoṅ kạmi.

Iń do̠ maraṅ kipisạ̃ṛ hoṛko são

Oprom cinhạu bạnuńa

Oprom cinhạu menạń

Nalha tumạl nacar

Kạmi bańcao kurumuṭu

Hor̠ko são.

Ekal nãwã bidạu

Samkasạṭi são.

Ado iń do

Lạuṛiạ baṅdo Ạuṛiạ.