Mo̠ṅgo̠l Hiloḱ Kho̠naḱ Nirdae Kelas Ehoṕa: Sikhnạtmontri

Darakan 15 March (Moṅgolbar) kho̠n disom reaḱ jo̠to̠ sikhnạt ṭhãonakore nirdae kelas ehoṕa mente Sikhnạt Montri Dipu do̠e baḍae ocokeda. Teheń Sanicar (12 March) Rajdhạni reaḱ Sher-e bangla balika mohabiddaloy reaḱ uḍhạure kho̠bo̠riạko noa kathae lạiwat́koa.

Montri do̠e menkeda, ‘ Ko̠ro̠na hal-halot khạtir nunạḱ din kelas baṅ ehoṕ akana. Menkhan nitoṅ ko̠ro̠na hal-halot rawal nõḱakana. Ar ḍher gidrạge ṭikạ tabereko he̠ćakana. Ona iạte 15 March kho̠naḱ ekal nirdae se̠ jo̠to̠ subject kelas hoyoḱa.

Arhõe baḍae ocokeda,  Madhomik re khaṭo silạbas lekate kelas hoyoḱa ar noa cetanrege bo̠cho̠r mucạt́ biḍạu hõ hoyogo̠ḱa.