Sher-e Bangla Sona Reaḱ Siro̠pae Ńamkeda Rajshahi Ren Merina Hasda

Sãota reaṅ mimit́ kạmihorakore maraṅ utạr cikhnạ se̠ bhage bhage kạmi ńutumte Sher-e bangla so̠na siro̠pa-2022 rey man manot ocoyena Ạdibạsi ạḱyurić Merina Hasda. Uni do̠ Rajshahi Damkura hạṭ reaṅ besorkari unnoyon songstha Masaus ren nirbahi ạḱyurić kanae. So̠ko̠lbar (4 march) ńuhum okte Dhaka reaḱ Bijoynogor Hotel-71 threister hollroom re mit́ akhṛa talateko man manotkedea.   

Noa akhṛare manotan peṛakoaḱ tite crest, uttorio ar certificate hõe ataṅket́a. Sher-e Bangla A.K Fazlul Hoqe gobesona porisod, South Asia Social Aducation Foundation ar 71 media vision noa akhṛae bo̠ndo̠bo̠sleda. Man manot ńutumte Masaus ren sanam kạmiạko Merina Hasda joharko em caladea. Ado̠ thoṛako kuklikedere nonkae menkeda Merina Hasda, Uni do̠ aema din khonaḱge ạdibạsi jạt-gosthi koaḱ mạnmi ạidạri, pạrsi ar legcar paltur rạkhi jogao jo̠to̠n ar ona sãote aema lekan kạmi hudạ benao rakaṕre ạḍi muruḱe kạmi idikana.

Eṭaḱ eṭaḱ ạdibạsi jạtiko akoaḱ ạidạri hamet́ lạgit́ hõ miljule kạmi kana. Nonkae man manoten iạte sạrige uniaḱ kạmire arhõ jhũḱ mon he̠ćadea me̠ntey baḍae ocokeda. Ona ṭhaõnaren sanam kạmiạko gạhir mo̠n kho̠ne sarhaoket́koa.