Budget ar Budget re̠ Ạdibạsi ko̠aḱ Eṛan

Ńel akadabon, 2021-22 kạuḍi serma re̠aḱ budget jatio soṅsod re̠ uduḱ akana ar manwakoaḱ jion- jibikạ rạkhi jogao lạgit́  lại uduḱakan budget re̠ goṛoe e̠m akada montri sabha. Ortho montri Ahom mustopha hotete jạhir akan 2020-21 kạuḍi se̠rma re̠aḱ budget do̠ hoyoḱ kana 6 lakh 3 hajar 689 kạroṛ kạuḍi . Calaoen 2020-21 kạuḍi se̠rma lạgit́ 5 lakh 68 hajar kạroṛ kạuḍi re̠aḱ budget do̠ jo̠to̠ ko̠ mit́ mot katcćge hatao  hoylena.No̠a katha ko̠ hudis baṛakate ale do̠ aema bhorsale ńam ke̠da je̠, Diso̠m re̠aḱ mońj somaj ko̠ Rastrio budget re̠ ạdibạsiko̠ nisṛạu ocoḱan bisoi ạḍi dạyiḱ se̠le̠t ko̠ samal akada. Nisṛạu ocoḱ kan ạḍibạsikoaḱ jion jiṅgi lahanti lạgit́ onkoaḱ as se̠ khojteaḱ uduḱ lạgit́ ạdivạsiko̠ seć kho̠n ona do̠e sodor akada. Mońj somaj re̠n noko budan hoṛko ṭhen kho̠n ạdibạsikoaḱ jion lạṛhại, nisrạu ar be̠rajạṛi hisạbtei todaroḱ akada. Noko hoṛko̠ khojkoa vote se̠ election hećlen khange. Me̠nkhan e̠ṭaḱ din ko̠ do̠ akoaḱ gharońj calao re̠ ạḍi bhiṛ ko̠ tahe̠na. calaoen thoṛa din lahare̠ mit́ bar ạdibạsi hoṛko̠ são budget babo̠d re̠ katha roṛ re̠aḱ do̠ń kurumuṭule̠da. Me̠nkhan sạrige Rasṭro babo̠dre̠ onkoaḱ jahan go̠ro̠j ge̠ bạnuktakoa. Tahole̠ bujhạuk kana – Rasṭro do̠ acaḱ dhorom re̠aḱ lạgti kho̠nge ạdibạsi ar nacar hoṛko̠ lạgit́ge boraddo akada, menkhan ona re̠ thora pharaḱ do̠ tahe̠yena.  Somaj re̠n thoṛa budan hoṛko̠ do̠ no̠a ńut hor marsal ruạṛ lạgit nij nij obostha kho̠n sarkar ko̠ udgạuede kana. Budget jạhir lahare̠ sarkar re̠n montri, soṅsod ar mońj somaj re̠n nahal ko̠ akoaḱ concern ko̠ baḍae ocolena me̠nkhan kạmi okte do ulto̠geń ńel akada. Rastro re̠aḱ badget ko̠ bạrtilen re̠ hõ ạdibạsikoaḱ bisoi do̠ ńutrege taheyena.

1.Porikolpona Montri M.A Mannan do̠e me̠nleda, Aboaḱ do̠l re̠aḱ commitment me̠naḱa. Thoṛa sạri bisoiko̠ me̠naḱa okaṭaḱ do̠ field re̠ se̠n kateć deal lagaḱa. Un okte poristhiti khạtir jo̠to̠ do̠ babon daṛeaḱa. Kạmiạ thạ̃i ko̠ se̠ć ạdibạsi ko̠ laha ko̠ hoyoḱa. Ạdibạsikoaḱ khojteaḱ ko̠ jate̠ć budget re̠ tahẽn o̠na kurumuṭui hoyoḱa.(Baṅgla Tribiune, 2 May,2021)

2. Saṅsod Rased Khan Menon budget galmaraorei me̠nkeda,Budget babo̠d re̠ jao se̠rmage nonkanaḱ galmarao hoy baṛaḱa. Nitoń udjog hataoge maraṅ bisoi.Ạḍi dạyiḱ se̠le̠t no̠a re̠aḱ borrado baṛhao ar boraddo me̠naḱa se̠ baṅ ona ńelge nit́aḱ asol kạmi. Maraṅ montri aema johar, no̠a suk sạnti chukti lạgit́,me̠nkhan mit́te̠n por mit́ṭen udjog re̠aḱ katha me̠n hoy akana, me̠nkhan nit́ hõ ar baṅ hoy purạuḱ kana. Aboaḱ lạṛhai jạri do̠ho̠e hoyoḱa.(Baṅgla Tribiune 2 May, 2021)

3.Sabek to̠t́tabodhayoḱ sarkar re̠n upạdesṭha Rasheda Choudry do̠ budget samaṅre̠ do̠ho̠ kateć ạdibạsi flatform re̠aḱ suparis hudạ gapalmarao rei me̠nkeda, Tayom akan hoṛko̠ siknạt re̠aḱ odhikar e̠mako hoyoḱa. (Somokal,May 10, 2021)

4.Debprio Bhottacharjo me̠nkeda, Ko̠ro̠na khạtir okako̠ kạuḍi sećte motlob re̠aḱ udjog hatao hoy akan, Ona ḍherge dena paona ar nacar dosa re̠ menaḱko̠ hoṛko̠ lạgit́ goṛo ńam ạḍi thoṛa. Nonkanko̠ re̠ńgeć hoṛko̠ lạgit́ najjo borraddo baṛhao hoyoḱa. (Somokal, May 10, 2021)

5. Hoṛko̠ lạgit́ Fundation nirbahi ạyurić Shahin Anam do̠e me̠nleda, Budget sećte ko̠ tayom akan hoṛko̠ laha se̠n hijuḱ re̠aḱ ạt́ e̠mako̠ hoyoḱa. Ạdibạsi,hạlua haron,nijor,kẽoṭa ko̠ lạgit́ okulanaḱ ko̠ boraddo jạruṛa. (Somokal,May 10, 2021)
6. Dhaka Bissobiddaloy itihạs bibhab re̠n oddapok Mejbah Kamal do̠e me̠nkeda, Baṅgladiso̠m aema jạtikoaḱ diso̠m kana. No̠a katha ghane ghane loṭom hoy akana. Okaṭaḱ bhạlai abo ńam jạruṛ ona do̠ babon ńameda.No̠a se̠rma re̠aḱ budget re̠ o̠koe do̠ so̠nmuk jạt kanko̠ onkan ko̠ bạṛti ńel ko̠ jạruṛa. Somotol re̠n ạdibạsiko̠ ạḍiko̠ nisṛau ocoḱ kana. Montronaloy bar bhag te hoylen khan somo̠to̠l ar pahaṛ re̠n ạdibạsi,  taho̠le so̠mo̠tol re̠n ạdibạsi hõ mạn ko̠ ńan daṛeaḱa. (Baṅgla Tribiune, 02 May, 2021).

7.Maraṅ kạuḍinity (orthonity) Barkat do̠e me̠nakada, ko̠ro̠na khạtir ḍherko̠ kho̠ti akana nacar hoṛko̠. Darakan din ko̠ re̠ ko̠ro̠na arhõ ḍher idi len khan niạ disom re̠ hoṛ ḍher ko̠ kho̠tiḱa. Calaoen se̠rma kho̠n no̠a mit́ se̠rma re̠ nãwãte̠ re̠ngeć re̠ ko̠ paṛao akana ½  kho̠n bar double hoṛko̠. (Bonik barta, May 30,2021).

2020-21 kạuḍi se̠rmare̠ Budget saṕ hoylena 5 lakh 68 hajar karoṛ kạuḍi. Un se̠rma hõ aema hoṛge ạdibạsi, hoṛko̠ ńel ko̠ lạgit́ sarkar ṭhe̠n suparis le̠dako̠. Jãhã tin re̠ mone mena, Ạdibạsiko̠  babo̠dre̠ sarkar do̠ ạḍi ogoroj.

1. Ạdibạsi ko̠ babo̠d re̠ soṅsodio Caucasus re̠n ahobayok (convener) sonsod Fhajle Hasan Badsha me̠n akada, ạdibạsi modre̠ 20 lakh hoṛ ko̠ lạgit́ 80 kạroṛ kạuḍi boraddo do̠ asole cet́ge baṅ kana. Onko ko̠ lahanti lạgit́ montronaloy le̠kate budget boraddo jaruṛ. (Prothom alo 12 june, 2020).
2. Sarkari soṅgoṭhon ALRD re̠n nirbahi ạyurić Shamsul huda me̠nkeda, okoeko̠ lạgit́ no̠a budget kana onko̠ ko̠ no̠a são bako jopoṛao len khan cet́ lab ge̠ bạnuḱan. Amla nirvor budget baṅ kateć diso̠m re̠n jo̠to̠ pisa re̠n hoṛko̠aḱ mot le̠kate̠ budget nirdharon re̠aḱe dạbi keda. (Prothom alo 12, 2020).

 Jonosokha anupatik hare  lekate ạdivạsi ko̠ lạgit́ boraddo budget do̠ thoṛa gea. 2019-20 kạuḍi se̠rmare̠ niạ khat re̠ 50 kạroṛ kạuḍi tahẽkana. Mimit́ hoṛaḱ bhag re̠ borrado tahẽkana 250  kạroṛ kạuḍi kateć.Baṅgla diso̠m ạdibạsi forum re̠n sadharon sompadok Sonjib Drong do̠e me̠n akada, Jao se̠rmage budget do̠ baṛhao calaḱkana.Hoy daṛeaḱa mit́ din 10 lakh do̠e parom idiya aleaḱ budget. Orthomontri budget galmarao mucạt́ se̠će re̠y me̠nkeda. Aboaḱ niạbar re̠aḱ budget re̠ diso̠m ar jạtikoaḱ lahanti  soṅge soṅge odhikar ko̠ ńamed tayom akan hoṛko̠ hõ- nacar hoṛ ko̠ ar akoaḱ jion jibikạ. Alele moneyeda, Ạdibasiaḱ lahanti re̠ sarkarge bhạlaiaḱ ko kạṭić babostha hatao hoyoḱ taya. Budget kạmikore ạdibạsiaḱ jahan selet́ bạnuḱa me̠n lekhać ge ganogoḱa.  Ạdibạsi ko̠ ar nacar hoṛko se̠le̠t len khan sarkar do̠e lab kea.

Orthomontri Ahom Mustopha Kamalaḱ pạrsite bon mena- Aboaḱ janam diso̠mre jạti re̠n janam datawaḱ kukmu baṅgla diso̠m re̠ hoypurạu ar lahanti re̠ ḍher kho̠n hõnaema ḍher lahanti ạyuroḱa jaoge