BANGLADESH: Baṅgla Nãwã Se̠rma, Ramadan ar Lockdown

Teheń do̠ hoyoḱ kana Baṅgla 1428 se̠rma re̠aḱ Pạhil Bạishạk, pạhil din se̠ nãwã se̠rma. Teheńaḱ noa din re̠do̠ Baṅgali jạtrẹnko ạḍi rạskạ se̠le̠t́ baṅgla se̠rmako ataṅ darama Me̠nkhan ne̠s do̠ ạḍi bhabna se̠le̠t́ me̠n hoyoḱ kana je̠, Korona le̠kan maraṅ rog he̠ć bo̠lo̠ akan te̠ ar teheń khon ge diso̠m re̠ kajak lockdown calaḱ kante̠ Baṅgla Se̠rma rạskạ se̠le̠t́ manao̠ ganao̠ ar ataṅ daram do̠ baṅ hoe̠ le̠nre̠hõ, apnar gharo̠ńj re̠, facebook page re̠, live te, mobile sms te se̠le̠t́ phonte̠ baṅgla nãwã se̠rma re̠aḱ jo̠har kathako e̠m hạṭiń jo̠no̠ḱ kana.

Noa din do̠ Baṅgladiso̠m ar Bharo̠t diso̠m re̠aḱ pạchim boṅgore̠ baṅgla nãwã se̠rma re̠ ạḍi rạskạ se̠le̠t́ dinko manao̠ ganao̠a. O̠na se̠le̠t́ Tripura re̠ thamgạḍi akanko hõ noa baṅgla re̠aḱ he̠lme̠l re̠ko se̠le̠do̠ḱ kana. O̠na te̠bon me̠n daṛe̠ke̠a je̠, Noa do̠ Baṅgali koaḱ maraṅ po̠ro̠b hisạbte̠ manao̠ ganao̠ hijuḱ kana. O̠nate̠ de̠labon teheńaḱ din Baṅgla nãwã se̠rma rạskạ se̠le̠t́ ataṅ ade̠r te̠, apnar lạgit́, gharo̠ńj re̠nko lạgit́, ato o̠ṛaḱre̠nko lạgit́, so̠maj re̠nko lạgit́, diso̠m re̠nko lạgit́ se̠le̠t́ diso̠m barhe̠ re̠ me̠naḱko lạgit́ tahe̠n kana Baṅgla nãwã se̠rma re̠aḱ ạḍi mano̠t gunman jo̠har. Abore̠n sisirjạuić ṭhe̠n tahe̠n kana jo̠to̠ko lạgit́ suluk nirại ho̠ṛmo̠ ar dhạrti jiṅgiye̠ dan abon ma.

Baṅgla Nãwã Se̠rma lạgit́ Baṅgladiso̠m re̠n ho̠ṛko lạgit́ ạḍi mano̠t ar dulạṛ jo̠hare̠ e̠m hạṭiń akada Amerika diso̠m re̠n President Jo Baiden ar o̠ṛaḱ ho̠ṛ jil baiden. Teheń Budbar 14 April America President aḱ veriphayed tuitar account se̠ćte̠ noa jo̠har katha do̠e̠ baḍae̠ oco akada.   

O̠nka ge teheń do̠ hoyoḱ kana diso̠m re̠n Muslim dho̠ro̠m re̠n muslạ jạtiạriko lạgit́ RAMADAN. Noa mit́ cando do̠ upạs dinko manao̠ ganao̠a. Ramadan do̠ pạńji le̠kate̠ are (9) cando ar Islam dho̠ro̠m le̠kate̠ ạḍi so̠no̠t cando kana, bise̠s kạete̠ ‘Eka, Daya-maya, suluk ar ko̠e̠jo̠ṅ’. Ạḍi so̠no̠t se̠le̠t́ noa cando re̠do̠ maraṅ simraḱ khon e̠ho̠ṕ kate̠t́ cando ạuriye̠ hạsuro̠ḱ hạbić jo̠to̠ le̠kan jo̠m ńu se̠le̠t́ sanam le̠kan bạṛić kạmiko sạṅgiń re̠ko tahe̠na. Noa katha do̠ Arabite̠ ‘SIAM’ ko me̠taḱ kana; ar Baṅgladiso̠m re̠do̠ ‘ROJA’ me̠nte̠ ho̠ṛko baḍae̠a.

Teheń khon diso̠m re̠ e̠ho̠ṕ akana ạḍi kajak lockdown. E̠nte̠t́ dinạm ge ho̠ṛko gujuḱ re̠aḱ so̠ṅgkha do̠ laha se̠ć geye̠ dạṛ idiye̠da. Teheń Pạhil baṅgla nãwã se̠rma re̠ diso̠m re̠ teheń hạbić te̠ jo̠to̠ khon bạṛti (96) ho̠ṛ do̠ ko go̠ć akan ko̠ro̠na te̠. Diso̠m re̠aḱ jo̠to̠ ṭhạire̠ news se̠ćte̠ ńe̠lo̠ḱ kana je̠ ạḍi kajak lockdown do̠ calaḱ kana.

Noa lockdown re̠ diso̠m sarkar re̠aḱ Police department do̠ pass status se̠ć te̠ ạḍi jạruṛ lạgit́ barhe̠te̠ calaḱ re̠aḱ ạtko ńama. O̠nkate̠ ae̠ma lạṭu hudạko̠re̠ kạmikan ko ae̠ma le̠kate̠ calaḱ kan dinre̠ko koclon oco akana. Lockdown do̠ ce̠t́ le̠ka bhage kana diso̠m hoṛko lạgit́, onka ge tho̠ṛa muskil hõ kan gea emergency kạmikan ho̠ṛko lạgit́ ar o̠na se̠le̠t́ e̠mo̠ḱ hoyoḱ kana ae̠ma jo̠rimana hõ. Noa lockdown re̠ jo̠to̠ko be̠s tahe̠n tabonpe̠, diso̠m sarkaraḱ ạnko manao̠ ganao̠ tabonpe̠, abore̠n maraṅ sisirjạuić ṭhe̠n koe̠joṅ tabonpe̠, je̠mon ạḍi usạra arhõ mo̠ńj so̠moe̠, o̠kte̠, din he̠ć se̠ṭe̠ro̠ḱ te̠ dhạrti ṭunḍạṅgre̠ mońjte̠bon khe̠mao̠ daṛe̠aḱ.