BURU BO̠ṬKO̠Ć

Cạriạkona buru bo̠ṭko̠ć,

Ńe̠loḱ jiạṛ hạriạṛ mõ̠ńjo̠ko̠ć,

Cedaḱ hale mo̠ne baṅ so̠ko̠ć,

Jharna jhinuk gạḍiạ ro̠ko̠ć.

Bir buru cẽ̠ṛẽ̠ ciprut́ sereń aṛaṅ,

Gại ḍaṅgra me̠ro̠m ghạnṭi ṭaṛaṅ,

Gupi koṛa tirio ńõ̠hõ̠ṛ aṛaṅ,

Rãwãoḱ usul co̠po̠t́ ḍhopko daṛaṅ.

Co̠ṭ mutul sarjo̠m dare,

Gupi koṛa tirio raha phe̠nṭo̠ṛ banam;

Jivir juḍạsi ańjo̠m haere!,

De̠ćakane buru lodam dare karam.

Me̠ro̠m ṭo̠ṭko̠ gại ghạnṭi ṭhiṛiń,

So̠ho̠r bajar tahẽ̠ kateḱ cekań hiṛiń,

Bo̠ho̠ḱre he̠ćạń disạ iń,

Cekań hiṛiń kudum kisạ teheń.

Bir jan-janwar cẽ̠ṛẽ̠ go̠ć,

Jharna ḍạḍi hako co̠ḍgo̠ć,

Lade me̠se̠ rapaḱ ṭo̠go̠ćjem

Haere! sebel caṭo̠ḱ mo̠ṭo̠ćjem.