TẠṚI ŃU ME̠RO̠M

-Asaṅ Poḍa

By Santals Times Desk On Jan 21, 2021

Iń do̠ tho̠ṛa din lahare mit́ṭe̠n namḍak kombṛore̠n sordar re̠aṅ kạhniń lạiat́pe̠ tahẽkana, o̠ne̠ uni do̠ mit́t̠en Raj ho̠pon aćre̠n gutie̠ hoe̠ ocokede ar unre̠̠ń lạikeda baṅma, tạṛi se̠ hạnḍi se̠ pạurạ se̠ barandi noako ho uni kombṛo le̠kanaḱ kangea.

Acha ape do̠ tạṛiye̠ ńule̠t́ Me̠ro̠m re̠aḱ kạhni jãhãtispe̠ ańjo̠m akada? Iń do̠ ona gam iń lạiapea.

Mit́ din mit́ṭe̠n kisạ̃ṛ hoṛ ar unire̠n sãotenko do̠ uni kisạ̃ṛ hoṛaḱ oṛaḱ pinḍạre̠ duṛuṕ kateko gal-golpo̠ kan tahẽkana ar tho̠ṛa thuṛi kae̠ra ar e̠manteaḱ jo̠ ko jo̠jo̠m kan tahẽkana. Mit́ṭe̠n Merom hõ onḍeye̠ hećena ar onkoko giḍi akat́aḱe̠ jo̠jo̠m kan tahẽkana. Khan onko do̠ onḍe̠ khon sor re̠aḱ mit́ṭeć tạṛi godamte̠ko calaoe̠na ar uni Me̠ro̠m hõ onkoe̠ pańja idike̠t́koa. Tạṛi godamre̠ senkate̠ onko do̠ tạṛi ńuńuko e̠hoṕe̠na. ar ḍhe̠r tạṛiko ńuket́ tayo̠m onko mo̠dre̠n mit́ hoṛ do̠ uni Merom onḍe̠ sorre̠ye̠ ńe̠l ńamkedea, ar ać sãote̠nkoe̠ me̠tat́koa baṅma nui Me̠rom tạṛie̠ ńule̠ khan ạḍi tamasa hoe̠koḱa. Onko jo̠to̠ge landa kate̠ko me̠nke̠t́a ṭhikgem me̠ne̠da bul Me̠ro̠m ńe̠ljoṅ do̠ ạḍi rạskạbon ńama pase̠ć.

Khange onko do̠ tạ̠ṛi do̠kandar mit́ṭe̠ć karahiko koe̠kedea ar onare̠ tạṛi dulkate̠ uni Me̠ro̠m samaṅre̠ko do̠ho̠ke̠da. Me̠ro̠m do̠ onkoko e̠made tahẽkan joko ạḍi se̠be̠le̠ jo̠mle̠t́te̠ usạrate̠ karahi ṭhe̠ne̠ calao̠ go̠t́e̠na ar tạṛiye̠ ńuke̠t́a.

Mit́ ghạṛi tayo̠m khange uni doe̠ bule̠na ar kanḍe manḍe̠ kanḍe manḍe̠ hante̠ calaḱ nate̠ calaḱ, ghane̠ doe̠ don baṛae̠ kana ar ghane̠ doe̠ dạṛ baṛae̠t́ kana ar sesre̠ doe̠ guṛdạu got́e̠na ar goćić le̠kae̠ gitić hape̠ye̠na.

Kisạ̃ṛ hoṛ ar unire̠n gate̠ko do̠ ạḍi ãṭko landa arko thayo̠ke̠t́a. Do̠sar hiloḱ onko do̠ arhõ tạṛi godamte̠ko calao̠e̠na ar onko mo̠dre̠n mit́ hoṛ do̠ uni Mero̠me ńe̠l kede khan onḍeye̠ ho̠ho̠ sorkedea.

Mit́ṭe̠ć maraṅ tạṛi ṭukuć o̠tre̠ko doṛom akat́ tahẽkana. Me̠ro̠m do̠ o̠na oyoṅkate̠ye̠ bas ạikạuke̠da khan Me̠rom Me̠ro̠mko tạpiń le̠ka bo̠hoḱte̠ o̠na tạṛi ṭukuć ạḍi ãṭ ṭhakroḱ marte̠y tińkeda ar ṭukuć do̠ bogoće̠nte̠ sanam tạṛi o̠tre̠ buhe̠le̠na ar ać do̠ onḍe̠ khone̠ dạṛke̠da.

Ol calao idika/Ol toṅgeḱa……………

Tumạl hoe̠ akana; Koṛa ar Kuri Sote̠ Tahe̠n Puthi khon.

PDF

Sun	Mon	Tue	Wed	Thu	Fri	Sat
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
31