Primary School Jhić re̠aḱ sapṛao̠ḱre̠ 9 go̠ṭe̠n ạn e̠m akana
Sarkari Primary Iskulko jhić dohṛae̠re̠ ol uduḱ ạn le̠kate̠ sapr̠ao̠ḱ lạgit́ mit́ olaḱ hukum do̠e̠ pasnao̠ akada Prathomik ar Gonosikkha Montronaloe. Niro̠po̠n ho̠ṛmo̠ ạn manao̠ kate̠ Siknạt gão̠tako jhić dohṛae̠ lạgit́ sapṛao̠ḱ kạmi ho̠ra hatao̠ kate̠ 9 go̠ṭe̠n ạn e̠m akat́ mit́ hokum do̠ e̠m hoe̠ akana.
Bud hiloḱ Montronaloe re̠n sẽṛa socib Md. Akram-Al-Hossen sạhiaḱ mit́ o̠laḱ jạhir hoe̠ akana.
No̠a lahare̠ calao̠e̠n 3 September dohṛate̠ Iskul jhić ruạṛ lạgit́ niạm ạrikoe̠ be̠nao̠ le̠da Prathomik ar Gonosikkha Montronaloe, no̠a o̠laḱ manao̠ kate̠ Primary Iskul jhić lahare̠ okako sapṛao̠ḱ re̠aḱ jạruṛ ona hatao̠ lạgit́ hukum e̠m hoe̠le̠na. Apnar ṭhạ̃i re̠ge jạruṛo̠ḱ jinisko kiriń ar Iskul racako ar sanam be̠ohar jinisko sapha sạphie̠ re̠aḱ hõ men hoe̠le̠na.
O̠na o̠laḱte̠ me̠n ho̠e̠ akana Covid-19 Mãhãmạri te̠ṅgo daram lạgit́ go̠ṭa dhạrti re̠aḱ Iskulko le̠ka Baṅgladiso̠m re̠aḱ Primary Iskul kohõ bo̠ndge me̠naḱa. No̠a karo̠nte̠ kilạs re̠aḱ sanam kạmiko se̠le̠t́ kạṭić gidrạ koaḱ cecet́re̠ gạkhuṛo̠ḱ cetanre̠ mit́ṭen akoṭaḱ hoe̠ paṛao̠ akana.Bise̠s kaete̠ re̠ṅgeć o̠re̠ć gidrạko tinạḱ Iskul bahre̠ re̠ko tahena,Iskulte̠ ruạṛo̠ḱ re̠aḱ as do unạḱge ko̠mo̠ḱa.
O̠nate̠ Niro̠po̠n ho̠ṛno̠ ạn manao̠ kate̠ daṛe̠aḱ bhor usạra Iskulko jhić dohṛae̠ do̠ ạḍi jạruṛa , Ar onate̠ dohṛate̠ Iskulko jhić lahare̠ sapṛao̠ḱ kạmi ho̠rako purạou hõ ạḍi jạruṛanaḱ kana. No̠a motlob te̠ge 3 Sepṭe̠mber Covid-19 halo̠t re̠hõ Niro̠po̠n ho̠ṛmo̠ ạn manao̠ kate̠ Iskulko dohṛate̠ jhij lạgit́ mit́ṭe̠n hukum do̠ hoe akana ar o̠na le̠ka sanam kạmi ho̠ra hatao̠ kate̠ kạmi re̠aḱ me̠n hoe le̠na.
Ponaḱ primary siknạt lahanti kạmiho̠ra (PEDP) re̠aḱ modre̠ paṛao̠ḱ kan Iskulko talare̠ lahanti kạmi ho̠ra (slip) be̠nao̠ ar kạmire̠ purạu re̠aḱ goḱṛo ạri le̠kate̠ apan ạpin Iskul re̠ge apnar kạmi ho̠ra be̠nao̠ ar kạmi purạu do̠ hoe hijuḱ kana. Nit do̠ Covid-19 halotre̠ o̠na goḱṛo ạn le̠kage apan ạpin Iskulko jhić re̠aḱ sapr̠ao̠ kạmiko do̠ hatao̠ hoyoḱa.No̠a khạtir Iskul re̠ slip Fundte̠ ạidari le̠kate̠ kạmiko hatao̠ daṛe̠aḱa.
Gão̠ta j̃ahã ce̠kae̠ hoyoḱ takoa:
- Paṛhao̠ḱ kandha são̠ sanam raca ko jao̠ge sapha ar be̠gor teju (jibanu mukto) dohoe̠ hoyo̠ḱa.
- Iskul re̠aḱ sanam le̠kan jinisko jao̠ o̠kte̠ge sapha sạphi do̠ho̠e̠ ar be̠go̠r teju (jibanu mukto) do̠ho̠e̠ hoyo̠ḱa.
- Ho̠ṛmo̠ re̠aḱ lo̠lo̠ so̠so̠ṅaḱ mesin (Inflared thermometer) apnarte̠ kiriń hoyoḱa.
- Sạbun Bliciṅ paoḍar e̠manteaḱ kiriń.
- Ạbuk saphaḱ ar ṭoele̠ṭ jao̠ge sapha sạphi doho.
- Mog ,Jog ar Bạlṭin kiriń.
- Tho̠ṛa din lạgit́ ti ạruṕ jaega be̠nao̠ ar ti ạruṕ lạgit́ jạruṛ daḱ,daḱ bahre̠ḱ re̠aḱ be̠bo̠sta dohoe̠.
- Sapha sạpha lạgit́ jạruṛre̠ kạmiạ do̠ho̠ko.
- Covid-10 o̠kte̠re̠ Interne̠ṭ kiriń (judi no̠are̠ kharca lạgit́ bạnuḱ khan)
Source: Sonali sangbad
Comments are closed.