Jitạu kate̠ no̠a se̠rma haparao̠ ko e̠to̠ho̠ṕ ke̠da Manchester city
Wolverhampton wanderers maṭh re̠ 1-3 goal te jitạukate̠ 2020-21 se̠rma re̠aḱ English premiere league haparao̠ ko e̠ho̠ṕ ke̠da Manchester city.2 hapta laha league haparao̠ e̠ho̠ṕ akan re̠hõ holano̠ḱ ńindạ akoaḱ pạhil khilạḍ ko khilạḍe̠na city. Khilạḍ re̠aḱ e̠to̠ho̠ṕ khonge gạkhuṛ e̠ne̠ć te̠ ạḍi e̠ṭke̠ṭõṛẽ re̠ko do̠ho̠le̠t́ koa wolves re̠n defender ko.khilạḍ re̠aḱ 20 miniṭ re̠ penalty te̠ de Bruyne aḱ goal te̠ ko lahale̠na city. Do̠sar goal lạgit́ hõ aema o̠kte̠ do̠ baṅ lagawat́ koa city.32 miniṭ re̠ Phil foden ńe̠lo̠ḱ le̠kae̠ goal te̠ 0-2 goal te̠ko lahale̠na city. Wolves hõ ạḍi ko kurumuṭue̠t́ kantahẽkana khilạḍ re̠ ruạṛo̠ḱ lạgit́.do̠sar talare̠ wolves se̠ć khone̠ goal ke̠da Jimeneze (74 miniṭ).me̠nkhan 95 miniṭ re̠ Gabriel jisuse goal ke̠t́ khan khilạḍ re̠ ar bako ruạṛ dareada Wolves.
Manchester city re̠ coach (khilạḍ cecet́ić) Pep Guardiolai me̠ne̠da, ạḍi mo̠ńj ko gate akana gidrạko.ạḍi muskil tahẽkana nonḍẹ jitạḱ me̠nkhan jitạu kate haparao e̠ho̠ṕ do̠ ạḍi rạskạ re̠aḱaḱ kangea.
Comments are closed.