Daḱ leka saḍar – suḍuṛ
Sạḍgur – bạḍgur hạnḍi,
Kạńji kasa jembet́ hoṅgor.
Cakhna sim sạnḍi.
Nana hunạr hạnḍi ńutum
Sodae bodae mońja,
Matkom caole guhum reaḱ
Jhar arda doja.
Pạurạ tạṛi dạru arhõ
cạḍi hạnḍi menaḱ
Lạlu bạcu koyoḱ daram
hoṛo benḍar rạnu.
Neõta peṛa ato gharna
joto geko ńue.
Cand begar kukmu kumbạ
saram leka mẽt́
Awaṭapa saõta sushạr
Baṅ daṛeaḱ cet́.
Anduṛ mạnduṛ setaḱ ạyuṕ
ńu tegebon tahen.
Nit dhạbić saõta – gaõta
taenom idiyen.
Baṅdo hạnḍi asol gate
Baṅdo orom bạiri.
Laweroḱ ko haṛam buḍhi
jạsti koṛa- kuṛi.
Jiwet́ jion ṭarhao lạgit́
onkoge ạyuriạ.
Hạnḍi baṅa hoyoḱ mabon
manwa dulạṛiạ.
Abo joto santal hopon
pạrsi muṭhạn baṅ hạṭiń
Goṛo –gopoṛo kạmie mabon
am maraṅ iń huḍiń.
Comments are closed.