Gel Mit́ (11) Kilạsre Bhurtiḱ Reaḱ Tesar Dhapte Ardas Ehoboḱ Kana
2026-2027 sikhnạt serma reaḱ gel mit́ kilạsre online re bhurtik reaḱ tesar dhapte ardas ehoboḱ kana. Darakan 26 October khon ehoṕ kate 27 October ńindạ 8:00 baja dhạbić ardas calao idiḱa. Sạnicar (17 October) Anto:sikha board somonoi komiṭi koaḱ mit́ ḍhạrwạḱ hotete noa khoborko baḍae ocokeda.
Onare menakana, 2026-2027 sikhnạt serma reaḱ gel mit́ kilạsre online re pạṭhuạkoaḱ bhurtiḱ reaḱ noa do mucạt́ se tesar dhap lekate lekhaḱ kana.
Niṭ akan bhurti website (https://xiclassadmission.gov.bd) pańja kate pạṭhuạko do kom se kom 5 goṭen ar ḍherte do 10 goṭen ṭhãonare ardas emoḱ hoyoḱa.
30 October 2026 ńindạ 8:00 baja jo sodoroḱa. 30 October jo sodoroḱ tayom khon 31 October ńindạ 8:00 baja dhạbić bachnao kạmi do calao idiḱa. Noa bhitrite baṅ nisṭan lekhan bachnao ar ardas do bạtiloḱa.
Ḍhạrwạḱ lekate, noa dhapte Migration reaḱ jo do 1 November ńindạ 8:00 baja okte sodoroḱa.
Ḍhạrwạḱre arhõ menakana, okoe pạṭhuạ do laha bako ardas akat́, se ardas katet́ hõ college bako ńamakat́ se college ńamkatet́ rehõ nisṭan se bhul koṭa nenḍa khạtir bako bhurti daṛeakat́, onko hõ noa mucạt́ dhapreko ardas daṛeaḱa.
Okoeko pạṭhuạ dosar dhapte ardas katet́ hõ college bako ńamakat́, onko do nawate online ardas fee 220 ṭaka emoḱ hoyoḱtakoa. Menkhan lahare nisṭan akan pạṭhuạko noa dhapre ardasko menjoṅkan khan darakan 27 October ạyuṕ bela 4:00 baja bhitrite board re seṭerkate lahatenaḱ nisṭan bạtil hoyoḱtakoa.
Ḍhạrwạḱre arhõ menakana, niṭ akan oktere bhurti kạmihora purạureko bertha lenkhan tayom daram noa dosa khạtir board mukhiạ do bae dạyiḱa.
Comments are closed.