HOṚMO HẠṬIŃ

PDFPrint

Manwa do ạḍi budanko kanako. Hoṛaḱ do barea jaṅga menaḱa. Jaṅgate dobon taṛama. Baṅ taṛam daṛeaḱ hoṛ do leḍha hoṛko metakoa. Leḍha hoṛ do lạcuḱ lạcuḱ ko taṛama. Barea ti menaḱtabona. Tite dobon kạmia. Mimit́ tire mõṛẽ goṭeć kạṭuṕ menaḱa. Kạṭuṕre do rama menaḱa. Ramate do jãhãn jinisbon itić kuṭrạ daṛeaḱa.

Mit́ṭen bohoḱ menaḱtabona. Bohoḱre do hende uṕ menaḱa. Uṕte do reaṛ ar setoṅbon aḍoḱ kana. Mit́ moca menaḱtabona. Mocate do jomaḱbon joma. Mit́ goṭeć alaṅ menaḱtabona. Alaṅte do heṛem, jojo, haṛhat́ ar sebelbon aṭkar daṛeaḱa. Mocare denebanar ḍaṭa menaḱtabona. Jomaḱ samṭaote jom lạgit́ cetan latar luṭi menaḱtabona. Barea mẽt́ menaḱtabona. Mẽt́te dobon ńeńela. Mẽt́ bạnuḱtako hoṛ do kãṛã hoṛko metakoa.

Mit́ goṭeć mũ menaḱtabona. Jivet́ tahẽn lạgit́ mũte dobon sahẽda. Goṭa hoṛmo do hartate eset́getabona. Joto hoṛmo hạṭińko sapha sạphi doho hoyoḱtabona. Sapha baṅ tahẽlenkhan aema lekan rog ńam daṛekebona.

Tumạl: Baḍaejoṅ Hor (Pạhil Hạṭiń)

PDFPrint