HUSIẠR RẠSKẠ

Rạskạ do Sumie metadera, “Iń do aema dare rohoe iń menet’ kana. Iń do aema jo dareako rohoe iń menet kana. Enḍekhan alaṅ ṭhen aema joko hoyok’a. Alaṅ do dak’ oka khonlaṅ ńama?”

Rạskạ do ac’ak’ puthi arhõe paṛhaokeda. Puthire olakan tahẽkana: Dak’ do pe lekate ńam dareak’a. Mit’ lekate dak’ do kũi khon ńam daṛeak’a. Dosar lekate dak’ do nohor khon ńam daṛeak’a. Tesar lekate dak’ do bijli reak’ kũi khon ńam daṛeak’a.

Rạskạ do Sumie metadea, “Abo atore do kũi khonge dak’ bon ńameda. Abo do nohor khon dak’ bańbo hatao daṛeak’a. Abo atore do nohor bạnuk’a. Abo atore do bijli reak’ kũi bạnuk’a. Abo do cet’bon cekaea?”

Rạskạ do ar hõ puthíe paṛhaokeda. Puthire olakan tahẽkana: Judi oka atore nohor bạnuk’ khan, enḍkhan kũi khon dak’ pe ńam daṛeak’a. Mit’ lekan kũi bijli reak’ kũi menak’a. Noa kũi reak’ dak’ do bijli reak kũi benao ocoepe.

Judi nohor bạnuk’ khan enḍekhan bijli reak’ kũi benao ocoape.

Rạskạe menkeda,

“Abo at sorre nohor bạnuk’a. Abo do sarkar hotete bijli reak’ kũi bon benao ocoeya.” Ona iạte Rạskạ do sarkari apis té calaoena.

Rạskạ do ạpis babuye metadea, “Ale do bijli reak’ kũi jạruṛale kana.” Apis bạbu doe menkeda, “Noa kũi lạgit’ bijli jạruṛa. Ạpe ato sorre bijli bạnuk’a. Ḍher bochor tayom bijli ko ạguya. Bijli a̠guire ḍher bochor lagaok’a, Rạskạ do Sumie metadea, “Apis bạbuye menet’ kana. Noa kũi lạgit’ bijli jạruṛa. Ape ato pheḍre do bijli bạnuk’a. Ḍher bochor tayom bijli ko ạguya. Ona iạte ạḍi bochor dhạbic’ abo do bijli reak’ kũi baṅbo ńam daṛeak’a. Abo do kũi nitok’ jạruṛabon kana. “In do dare rohoe ińmenet’ kana. Iń do cet’ iń cekaeã?”

Rạskạ do ar hõ puthiye paṛhaokeda. Puthire olakan tahẽkana: Judi bijli bạnuk’ khan, enḍekhan kũi laeme. Judi nohor bạnuk’ khan, kũi laeme.

Rạskạ doe menkeda, “Iń do kũi iń láa. Kũi la ocoe lạgit’ iń ṭhen paesa menak’a.” Rạskạ do kũie lakeda. Enḍekhan baganre jo dae ko lạgit’ aema dak’ hoena. Uni do sarkari ạpis ṭhen khon kạṭic’ dareye ạgukeda. Uni do pạpita reak’ mõṛe gel kạṭic’ dareye ạgukeda. Uni do ul reak’ mõṛe gel kạṭic’ darée ạgukeda.

Uni do amsopori reak’ mõṛe gel kạṭic’ dareaye ạgukeda. Uni do bar moka osar ar bar moka khạndri ghaḍlak’e lakeda. Uni do ghaḍlak’re sea akan khote up’keda. Uni do pạpita reak’ mõṛe gel kạṭic’ dareye rohoekeda. Uni do ul reak’ mõṛe gel amsopori dareye rohoekeda. Rạskạwak’ bagan do ạḍi mońj boena. Rạskạwak’ baganre ạḍi mońj jo dare ko hoena.

Rạskạ aḍepaseren hoṛko menkeda, “Rạskạwak’ bagan do ạḍi mońja. Rạskạwak’ baganre aema amsopori, ul ar pạpita dare ko menak’a. Rạskạ do ạḍi husiạr hoṛ kanae. Rạskạ ṭhen do aema paesa menak’a. Rạskạ ṭhen do mońj kũi menak’a. Rạskạ doe paṛhao daṛeaka. Rạskạ do husiạr hoṛ kanae.”

Aḍepaseren hoṛko do Rạskạ ko metadea, Rạskạ ale do bagan lagao cet’ aleme. Ale do dare rohoe cet’ aleme. Ale do, ul ar pạpita dare ko rohoe cet’ aleme.”

Rạskạ doe menkeda, “Iń do ape bagan lagao iń cet’apea. Iń do ape paṛhaok’ iń cet’apea. Iń do ape paṛhaok’ iń cet’apea. Paṛhao lekhan ape hõ pe husiạrok’a.”

SSC Biḍạu Reaḱ Jo̠ So̠do̠rena

Nes bo̠cho̠r 2025 reaḱ SSC biḍạu reaḱ jo̠ so̠do̠rena. Teheń Lukhibar (10 July) tikin 2:00 baja o̠ktere noa biḍạu jo̠ do̠ so̠do̠rena. Dhaka sikhnạt board reaḱ bạisi (meeting) oṛaḱre biḍạu reaḱ jo̠e so̠do̠rkeda Baṅgladisạm Anto:sikhka board ren ạyurić ar Dhaka board ren Chairman Professor Dr.Khandokar Ehsanul Kabir.

Nes bo̠cho̠r SSC biḍạu reaḱ pas har 68.45 ar GPA-5 ko ńam akat́ pạṭhuạ koaḱ soṅkha do̠ 1 lakh 39 hajar 32 goṭen. SSC biḍạu do̠ calaoen 10 April ehoṕlena ar 13 April do mucạt́ena. Ona biḍạu reaḱ jo̠ teheń bar (2) cando bhitrite so̠do̠rena.

Are (9) goṭen sadharon sikhnạt board, Baṅgladesh Madrasa sikhnạt board ar Baṅgladesh Karigori sikhnạt board reaḱ tabere moṭre 19 lakh 4 hajar 86 goṭen pạṭhuạ gidrạ SSC biḍạu ko emleda.

Lukhibar (10 July) SSC Biḍạu Reaḱ Jo̠ So̠do̠ro̠ḱa

2025 serma reaḱ SSC biḍạu do̠ calaoen February cando reaḱ 15 tạrik kho̠n ehoṕlena ar May cando reaḱ 15 tạrik do̠ mucạt́ena.

Niạ dhao SSC biḍạure are (9) goṭen sikhnạt board reaḱ tabere 14 lakh 90 hajar 142 goṭen pạṭhua gidrạ bidạureko selet́lena. Madrasa board re biḍạu emoḱ koaḱ soṅkha do tahẽ̠kana 2 lakh 94 hajar 726 goṭen. Ar Karigori board reko tahẽ̠kana 1 lakh 43 hajar 313 goṭen.

Noa kho̠bo̠r do̠ Moṅgolbar (8July) Baṅgladisạm Anto:Sikha board ren ạyurić ar Dhaka sikhnạt board ren Professor Dr.Khandokar Ehsanul Kabir aḱ suhiat́ mit́ ḍhạrwạḱ hotete lại laha akana. Lukhibar (10 July) tikin 2:00 baja okte goṭa disạmre jo̠to̠ board reaḱ website ar sikhnạt ṭhãonare mit́ dhaote biḍạu jo̠ do̠ so̠do̠ro̠ḱa.

Eho̠ṕena HSC Biḍạu

Nes bo̠cho̠r 2025 reaḱ HSC biḍạu do̠ eho̠ṕena. Teheń Lukhibar (26 June) setaḱ 10:00 baja kho̠n goṭa disomre mit́ jo̠mo̠kte eho̠ṕ akana. Biḍạu do̠ tikin 1:00 baja mucạdo̠ḱa.

Niạ dhao ge̠l mit́ (11) go̠ṭen sikhnạt board reaḱ tabere 12 lakh 51 hajar 111 go̠ṭen pạṭhuạ biḍạureko duṛuṕ akana. Biḍạure duṛuṕ akan koṛa pạṭhuạkoaḱ so̠ṅkha 6 lakh 18 hajar 15 ar kuṛi pạṭhuạkoaḱ so̠ṅkha do̠ 6 lakh 33 hajar 96 go̠ṭen. Ar Biḍạu do̠ 2 hajar 797 go̠ṭen centre re hoyoḱ kana.

Gapa kho̠n Eho̠bo̠ḱ Kana HSC Biḍạu

Niạ serma 2025 reaḱ HSC biḍạu do̠ gapa Lukhibar (26) June kho̠n eho̠bo̠ḱ kana. Gapa setaḱ 10:00 baja kho̠n biḍạu do̠ eho̠bo̠ḱa. Biḍạu reaḱ pạhil dinre Bangla pạhil po̠tro̠ hoyoḱa. Gapa kho̠n ehoṕkate darakan 10 August dhạbić calao idiḱa.

Niạ serma do̠ moṭ 12 lakh 51 hajar 111 goṭen pạṭhuạ gidrạ buḍạureko seledo̠ḱ kana. Goṭa disomre 2 hajar 797 goṭen centre re biḍạu hoyoḱa. Calaoen serma khon niạ dhao do̠ 81 hajar 882 goṭen pạṭhuạ gidrạko ko̠m akana.

Bidạu jemon napaete hoe purạuḱ ona lạgit́ disom reaḱ joto koching centre 15 August dhạbić bond tahẽn kana.

HSC Form Purun Reaḱ Okto Ḍherena

Calaḱkan serma reaḱ Higher Secondary School Certificate (HSC) biḍạu reaḱ form purun okto ko ḍher akada. Fom purun reaḱ okto do ḍherena 19 June dhạbić. Ar noa form purun kạmihora do 18 June khonge ehoboḱa. Dhaka Madhomik ar Ucho Madhomik sikhnạt board reaḱ website re mit́ ḍhạrwạḱ hotete noa khobor sodorena.

Ḍhạrwạḱ re men akana, noa sermaren HSC pạṭhuạkoaḱ form purun okto do darakan 18-19 June dhạbić niṭ akana. Noa em akan oktorege form purun reaḱ joto lekan kạmi do purạu hoyoḱa. Ar noa ko sanamaḱ do sikhnạt ṭhãonaren maraniće ńel juta.

SSC Biḍạu Emoḱ Pạṭhuạko Udgạu Ar Sikhnạt Jinisko Ńamkeda

Chapainawabgonj jilạ reaḱ Amnura Mission re SSC bidạu emoḱ santal pạthuạko udgạu ar sikhnạt jinisko ńamkeda. Budhbar (09 April) Amnura Mission Primary School re udgạu ar sikhnạt jinis em hạṭiń do hoyena.

Udgạu emoḱ akhṛa do St. Andrew’s Junior High School ren bharapon maraṅ mahasoe Sontosh Tudu aḱ ạyurte, pạṭhuạko udgạu salaḱ kathae roṛkeda, NAGR ren ạyurić Mn.Stephen Soren, Khoboriạ se Reporter Shaharia Shahadat, NAGR ren Program Manager Prodip Hembrom, Amnura Mission Jubo soṅgho ren sabha mukhiạ Jeheskel Murmu selet́ arhõ eṭaḱko.

Inạkatet́ hõ Madokdrobo Niyontron Odhidaptor, Rajshahi seć khon santal pạṭhuạko jemeti baks, kolom, scale, file baks ar jạruṛ jinisko ńamkeda.

Ehoṕena SSC Biḍạu

Nes bochor 2025 reaḱ Secondary School Certificate (SSC) biḍạu do ehoṕena. Teheń Lukhibar (10 April) setaḱ 10 baja khon biḍạu do goṭa disomre mit́ dhaote ehoṕ akana. Biḍạu do tikin ber 1:00 dhạbić calao idiḱa. Niạ bochor 19 lakh 28 hajar 281 goṭen pạṭhuạ gidrạ SSC bidạureko selet́ akana.

SSC Biḍạu Ehoboḱa 10 April

Darakan Lukhibar (10 April) SSC ar ona man reaḱ biḍạu ehoboḱa. Biḍạu do 10 April khon 13 May dhạbić calao idiḱa. Sikhnạt board doe jạhir akada je, Biḍạu okte joto lekan koching centre ko bond tahẽna. Anto:sikha borad ren korḍineṭor Khandakar Ehsanul Kabir doe meneda, SSC biḍạu do baṅgla pạhil paper khon ehoboḱa. Biḍạu emoḱ ko do 30 miniṭ lahare biḍạu centre te boloḱ hoyoḱa.

Gidrạko Paṛhaoḱre gạkhuṛko lạgit́ jạruṛteaḱ

Pạhil cecet́ge aema gidrạkoaḱ akel hameṭ reaḱ etohoṕ kana. Kạṭić gidrạko nijaḱ pạrsi cetanre hudis bhabnako sodoroḱ lạgit́ ańjom roṛ ar oloḱ paṛhaoḱ hameṭ daṛeaḱ lekage noa puthiko sapṛao hoe akana, sanamaḱ cetanre joto lekan hudis-ganḍon ńam lạgit́ jãhã jạruṛkan onako modre paṛhaoḱ do mit́ṭen ạḍi jạruṛanaḱ kana. School re gidrạkoaḱ sikhnạt etohoṕre jahan ponthako laṛcaṛoḱ rehõ onko do akhor, katha roṛ noako do cet́ tege jạruṛakoa. Pạhil sikhnạt cet́akore jạli hataṅ gidrạko lạgit́ aema lekan pontha se dhara do mit́ṭen mahasoe hatao jạruṛaea, arhõ ńeloḱa je, gidrạko school calaḱ maṛaṅrege aema lekan aṛaṅ, saḍe ar cinhạ ko sãoko do ako aḍepase khonko cet́ akada, noako pạhil cecet́aḱge gidrạwaḱ tayom daram din reaḱ lahanti lạgit́ maraṅ goṛo kana.

Go-babawaḱ dạyik: kạṭić gidrạ oloḱ paṛhaoḱ cet́ lạgit́ mon sećte sapṛaoko do go-baba ar aḍepase sãotage mit́ṭen ạḍi jạruṛanaḱ kana. Kạtić gidrạko do din reaḱ ḍher somoe ge go-baba sãoko tahena, aema oktere go-babage gidrạko oloḱ paṛhaoḱ cet́ akoko ehoṕakoa onate onkoge pạhil mahasoe kanako. Gidrạko tinre akoaḱ aḍepase reaḱ aema jinisko ńela unre go-babage onako sanamaḱ sãoko oporom kakoa. Joto jinis ko reaḱ ńutum go-baba do bar bar ńum kate akoren gidrạko cet́ akoa ạuriko cet́ hạbić jemon, gogo, baba, didi, daka, utu, emanteaḱaḱko.

Onate okoe go-baba koaḱ bidiạ menaḱ onko do akoren gidrạ ạḍi usạrate akhorko ar ucrạnko cet́ daṛeakoa, menkhan disạ dohoe hoyoḱa gidrạ okae cet́ae kan, ona do jemon rạskạ ar hameṭ daṛe lekanaḱ hoyoḱ ar baṅ khan gidrạko ona bako disạ dohoea. Gidrạko jãhãnaḱge jormoṭte se botor oco kate cet́ ocoko do baṅ hoyoḱa nonka lekhan do gidrạkoaḱ monre eken botorge janamoḱa. Onate gidrạko ṭhen do dulạṛte rạskạ selet́ algate sanam oprom jinisko saṕ rakaṕ hoyoḱa jemon do onko onako mońj ar napaete ko hameṭ arko saṕ doho daṛeaḱ, gidrạ ko são sanam oktere gate leka soṅgeḱ hoyoḱa, jemon ona hewa tahente tayom daram gidrạko school re mahasoe ko são bin botor ar khulạsa monteko soṅge daṛeaḱ.

Mahasoe koaḱ dạyik: Asokaete gidrạkoaḱ umer tinre pon/mõṛẽ serma tahena unre gidrạko do mahasoe ko sãoko ńapamoḱ kana, Gharońj khon maraṅ ar phaelao ńoḱge gidrạ doe bujhạueda, Gidrạwaḱ monre do niạ okterege apnaraḱ nij pạtiạu janam ocoe hoyoḱa oka do uniaḱ darakan jiṅgire maraṅ dạyike goḱ daṛeaḱa, sapha ar soṛa cecet́aḱ talate mit́ṭen gidrạwaḱ aće khojogoḱ/asoḱ ḍaharte ạyur idiye hoyoḱa, mit́ṭen mahasoe do gidrạko ṭhen botoranić do menkhan mit́ṭen gate leka tahen jạruṛa jemon onko gidrạ kodo jãhãnaḱ baḍae se bujhạu hatao lạgit́ khulạsa monteko senoḱ, aema oktere ńeloḱa gidrạko do usạrate bako saṕ se bujhạu daṛeaḱa unre ạṛis se asket baṅkate sahao hoyoḱa.

Jãhãtinre jahan cecet́aḱ se tulạu kathako lạiako oktere disại jạruṛa, jaoge jemon jãhãe namḍak se disạye hoṛaḱ jion cạrit ar bhage kạmiko sodor hoyoḱa jemon onkoaḱ mon rehõ onkan bhage mon se bhageaḱ kạmi reaḱ ahkaoḱtet́ sagenoḱ, Gidrạko ṭhen jãhãnaḱge jạṛ se kạhni lekate lại sodorre disại hoyoḱa, ona kodo jemon onkanaḱ cecet́aḱ hoyoḱ one ona ańjomte gidrạkoaḱ monre arhõ ańjom sana seteńoḱ, gidrạko jãhãnaḱge baḍae sana tahen tako onate daṛeaḱ bhor mit́ṭen mahasoe do kurumuṭu kate bujhạuako hoyoḱa, tin rehõ begor lại se bujhạu kate do baṅ ruạṛko hoyoḱa, ar school reaḱ sanam paṛhaoḱ ko hõ onko ṭhen cet́ dharate lại se bujhạu ako khan onko ona usạra se alga teko hameṭ daṛeaḱ ona hudis kate cet́akore onka sapṛaoḱ hoyoḱa gidrạ koaḱ school oṛaḱ rehõ bhage sãoha jaega do benao tahen jạruṛa. Jemon gidrạko do onḍenaḱ ona jaegako kusiaḱ ar onḍe hijuḱ lạgit́ sana tahentako ar mońjte onḍe duṛuṕ se tahẽkate mahasoeaḱ kathako ańjom daṛeaḱ, gidrạko lạgit́ mahasoe do bhage gate ar school do jemon onkoaḱ kukmu disom hoyoḱtako, onḍenaḱ poribes ar puthiko reaḱ paṛhaoḱ bisoeko tinre gidrạko ṭhen akoaḱ lahare cet́ akat́ jinisko são juriḱa unre onko do arhõ bạṛti rạskạ selet́ paṛhaoḱre akoaḱ monko lagaoa. Onkatege tayom dram dinre aboren darae kan mońj ar bhage se gạkhuṛ ạyurkoko oḍokoḱa.

Mucạt́: Sanam bhageaḱ ko ńam lạgit́ do pạhilre sapṛaoḱ reaḱ jạruṛ menaḱa, onate abo kohõ nit aboren gidrạ bhage sahitte oloḱ paṛhaoḱ bon cet́ ocoko khan onko lạgit́ bhage sapṛaoḱ reaḱ jạruṛ menaḱa. Jemon, onkan poribes, onkan paṛhaoḱ puthi, ar ona são sãote mahasoe koaḱ hõ onkan cecet́aḱ se training tahen jạruṛ menaḱ. Onate sikhnạt etohoṕre sorkar se okako hoe purạu ocoyet́kan jotoko dạyik kana ona sanamaḱ hudis kate, sanamaḱ saṕṛao, tobe do aboren gidrạko oloḱ paṛhaoḱreko gạkhuṛoḱa.