14 November Kho̠n SSC Biḍạu Ar HSC Do̠ 2 Disember Kho̠n Eho̠bo̠ḱa

Niạ bo̠cho̠r reaḱ (2021) Secondary School Certificate (SSC) ar Higher Secondary School Certificate (HSC) bidạu reaḱ okto Sarkar do̠e so̠do̠rkeda. Darakan November cando reaḱ 14 tạrik kho̠n SSC ar Disember reaḱ 2 tạrik kho̠n do̠ HSC biḍạu eho̠bo̠ḱa. Ko̠ro̠na mãhãmạri kạtirte hoṛmo hạṭiń reaḱ jo̠to̠ lekan ạn ạriko manaokate biḍạu do̠ hoyoḱa.

Biḍạu eho̠bo̠ḱ (30 miniṭ) adha ghonṭa lahare biḍạu e̠moḱko do̠ bidạu oṛaḱre bo̠lo̠kate nij nij duṛupaḱre duṛup hoyoḱ takoa. Biḍạu reaḱ okto do̠ hoyoḱ kana mit́ ghonṭa tala. Ar biḍạu do̠ hoyoḱa 10 baja kho̠n 11 baja tala hạbić. MCQ ar CQ hạṭiń reaḱ bidạu talare jãhãn jirạu baṅ tahẽna.

Source: Korotoa

Asian Women University re Santal kuṛi gidrạ koaḱ paṛhaoḱ reaḱ Ạt

Khagṛachoṛi Mong Rajaḱ Office reaḱ kuṛpaṛte Parbotto Chottogram re girobasoḱ kan “ Khumi, Mro, Bom, Lusai, Pankhoa, Kheyang, Chak ar Santal” jạti-gosṭhi khon Baṅgladisạm reaḱ mit́ṭen International mananaḱ Bissobiddaloy Asian University For Women ( AUW) re purạte Scholarchip Undergraduate se̠ Graduate re paṛhaoḱ reaḱ mit́ṭen maraṅ ạt́ do̠ ńamakana. 2008 sermare bandhao akan Asian University For Women (AUW) Baṅgladisạm reaḱ Chottogram re me̠naḱ mit́ṭen sạdhin, Inaternational man reaḱ Bissobiddaloy oka do̠ Asia re nãwãte nãhãḱ jugren ạḱyurko lạgit́ siknạt hameṭ joṅ reaḱe kurumuṭuet́ kana.

Niṭ akat́ Scholarship reaṅ bhạlạetet́ do noa: Tuition fee, Hostel subitạ, Jo̠maḱ, Prathomik sasthoseba hõ ńamoḱa.

Ardas reaḱ mucạt́ tạriḱ do̠: 30 September, 2021.

O̠koe do̠ noare ard̠as em se onḍe paṛhaoḱ sanakanko lạgit́ ardas do̠ Mong Rajaḱ Office re jạṛuṛaḱ kago̠jko são jo̠mae hoyoḱa ar baṅkhan Email kate kol hoyoḱa ([email protected] ) noare.

National NID baṅkhan Circel Cheif reaṅ Certificate Ar baṅkhan Passport reaḱ Photocopy ( jãhãṭaḱ mit́ṭen jo̠ma lekhange hoyoḱa)

Ardas lạgit́ kago̠j do̠ noa link khon download tabonpe.

https://drive.google.com/…/1xRuYAPllkD1jdOdC_JH…

November re SSC Ar Disember re HSC Bidạu Hoedạṛeaḱa

Sikhnạt Montri Dipu Moni do̠e me̠nkeda, Calaḱkan serma reaḱ November barabạri se̠ć SSC biḍạu ar Disember reaḱ pạhil se̠ć do̠ HSC bidạu hatao reaḱ hudis me̠naḱa.

Inạ chaḍa Arhõ uni do̠e me̠nket́a, pe̠ hapta tayo̠m Pre- Primary ren pạṭhuạko iskul calaḱ reaḱ babotre goṭa hoyoḱa me̠nteye baḍae ocokeda. Teheń (25 September) setaḱre Silpokola Academy re Boṅgobundhu- Bapu Digital Exibition akhṛare selet́kate noa khobor do̠e lạiket́a.

Source: Padmatimes

Haptare Bar Din kate Kelas Hoyoḱa Tesar ar Ponaḱ Kelas Reaḱ

Darakan hapta kho̠n tesar ar ponaḱ kelas ren pạthuạkoaḱ haptare bar din kate kelas hoyoḱa. Prathomik sikkha odhidaptor ren mit́ maraṅ Officer do̠ noa kathae lạiket́a.

Arhõ noa babotre odhidaptor ren Maran ạḱyurić Alomgir Muhammod Monsurul Alom (21 September) Moṅgol hiloḱ noa kathae me̠nket́a, hukum kate noa bisoiko baḍae ocoḱa. Me̠nkhan calaḱkan serma ar darakan sermaren SSC, HSC pạthuạkoaḱ ar mõṛeaḱ kelas ren pạthuạkoaḱ do̠ din hiloḱ kelas hoyoḱ kantakoa.

Ar e̠ṭaḱ e̠ṭaḱ kelas ren pạthuạkoaḱ haptare mit́ din kate kelas hoyogo̠ḱkanre hõ noa do̠ bại bạite bạṛti calaḱ kana.

Source: Padmatimes

Sikhnạt Gaota Reaḱ Hapta Chuṭi Ḍheroḱ Kana

Robibar (19 September) Jatiyo ar paṭhopustok board (NCTB) member () Professor Moshiuzaman khoboriạ ko noa kathae lạiat́koa.

Primary kho̠n College hạbić re maraṅ utạr bo̠do̠lte̠t́ ạgui reaḱ hudis cintạ calaḱ kana. Oka do̠ 2023 sikhnạt serma kho̠n bại bạite purạu idiḱa. Dr. Moshiuzaman do̠e me̠nket́a, nãwã syllabus lekate pạṭhuạkoaḱ hapta reaḱ chuṭi bar din do̠hoyet́kana ko. Pạṭhuạko je̠mon apnar kusi-sana leka thoṛa okto ko khemao daṛeaḱ ona lạgit́ge noa do̠ goṭae hoyoḱ kana.

Uni do̠e me̠nkeda, khạli Mahasoe ar kelas tayomre dạṛtege unkoaḱ din do̠ paro̠m idiḱ kantakoa. Onkate paṛhao reaḱ ạḍi ucạṭ do̠ onkore paṛaoḱ kana. Noa khạtir pạṭhuạ gidrạko lạgit́ hapta chuṭi mit́din baṅkate bar din e̠m hoyogo̠ḱ kana. E̠nḍekhan chuṭi hiloḱ pạṭhuako do̠ Apnaraḱ kusi sana leka dinko khemao daṛeaḱa. NCTB ren member ko me̠net́kana, hapta re bar din sikhnạt gaotako reaṅ chuṭi tahẽnre hõ jatiyo mãhãkore do̠ sikhnạt gaotako jhićge tahẽna, ar mimit́ mãhã kodo̠ manaoḱa. Noa dinkore pạthuạ gidrạko aema lekan haparaoreko selet́ daṛeaḱa.

Noa din lạgit́ aema lekan haparao do̠ sapṛao tahẽna. Ar gidrạkoaḱ haparaore mimit́koaḱ seledoḱ cetanre namber ko emakoa. Ar ona namber do̠ bo̠cho̠r mucạt́ reaḱ biḍau ar e̠ṭaḱ biḍạuko são lekha midoḱa.

Source: Somoynews

Jo̠to̠ Sikhnạt Gãota Bond Reaṅ Ạnạri Parwana

Ko̠ro̠na mãhãmạri ạuri cabaḱ dhạbić disam reaḱ jo̠to̠ sikhnạt gãotako bond do̠ho̠e lạgit́ sarkar ren o̠koe do̠ noare jopoṛao menaḱko onko ṭhen ạnạri parwanako kol akada.

Teheń Lukhibar (16 September) Supreme court ren muktạr Khondokar Hasan Shahriar Prathomik ar Gonosikha Montronaloy ren sucib se̠le̠t́ turui (6) ho̠ṛko ṭhen noa parwana do̠e kol akada.

Parwanare eyae (7) din bhitrite sikhnạt gãota jhić reaḱ goṭawaḱ bạtilkate ḍhạrwạḱ so̠do̠r ar porcar lạgit́ nehõr hoeakana. Baṅkhan niạ babotre jut lạgit́ Highcourt re likhạl dạyiroḱa me̠nte parwanare ulek akana.

Tumạl: Banglanews24.com

HSC Reaḱ Form Purun Okto ko Ḍherkeda

Calaḱkan sermaren Higher Secondary School Certificate (HSC) pạthuạkoaḱ Form purun reaḱ okto ko ḍher akada. Nãwãte e̠makan okto lekate Form purun lạgit́ niṭ akan tạrik do̠ 22 September dhạbić. Ar 26 September dhạbić fee e̠moḱ reaḱ ạt́ menaḱ akada. Jãhãe pạthuạ gidrạ niṭ akan oktore form bae purun daṛeaḱ khan, sikhnạt gãotaren mukhiạ do̠ noa dạyiḱ hatao hoyoḱtaea me̠nte sikhnạt board do̠e baḍae ocokeda.

Arhõ baḍae ńam akana biḍạu e̠moḱ lạgit́ fee do̠ goṭa hoeakana. Science bibhạgren kodo̠ 1160 ṭaka ar Human ar Commerce sikhnạt bibhạgren kodo̠ 1070 ṭaka e̠mo̠go̠ḱ hoyoḱ takoa.

Tumạl- Jagonews24.com

2023 Serma Kho̠n PSC Ar JSC Biḍạu Baṅ Tahẽna, Tesar Kelas Dhạbić reaḱ Bạrsik Biḍạu Hõ Baṅ Tahẽna

Sikhnạt Montri Dipu Momi do̠e menket́ae, 2023 serma khon Prathomik Somaponi reaḱ biḍạu (PSC) ar Junior Sshool Certificate (JSC) bidạu do̠ baṅ tahẽna. Tesar kelas dhạbić do̠ bo̠cho̠r mucạt́ reaḱ (barsik) biḍạu hõ baṅ tahẽna. Nawate ro̠ṛ so̠do̠r akan jatiyo sikhnạt curriculum lekate are-gel (Nine-Ten) kelas re pạṭhuạko bako bibhạgkoa, karigori sikhnạtge bạṛtiko mo̠ne̠aḱa.

Teheń tikin sikhnạt Montri noa kathae ro̠ṛkeda. Uni do̠ arhõe me̠nkeda, Secondary School Certificate (SSC) bidạu do̠ hoyoḱa e̠ken gel kelas reaḱ selebas cetanre. Higher Secondary School Certificate (HSC) reaḱ jo̠ (result) do̠ hoyoḱa gel mit́ ar gel bar kelas reaḱ bo̠cho̠r mucạt́ bidạu reaḱ jo̠ milạukate. HSC reaḱ ńutum ar grading dhara do̠ bo̠do̠l daṛeaḱa.

Tumạl- Bangladesh protidin

17 Cando Tayom Jhicyena Iskul

Ko̠ro̠na mãhãmạri khạtir calaoen serma reaḱ 17 March khonaḱ disạm reaḱ jo̠to̠ Skul college do̠ bond tahẽkana. Me̠nkhan 17 cando tayom teheń kho̠n Skul- College reaḱ duạr jhić akana. Skul- College calaḱ lạgit́ sanam pạṭhuạ gidrạko tạṅgi se̠ koyoḱ horreko tahẽkana. Unạḱ din kho̠n uihạr ar tạṅgire tahẽkanaḱ do̠ teheń sumạr akana.

Teheń kho̠n Disạm reaḱ Primary, Secondary ar High Skul ãṭre menaḱ sikhnạt gãota kore jo̠to̠ lekanaḱ hoṛmo hạṭiń reaḱ ạnko manao salaḱ kelas do̠ eho̠ṕ akana. Onate ạḍi rạskạ ko ạikạuet́ kana pạṭhuạ gaidrạko. E̠nte teheń do̠ mimit́ gate ko são ńapam ńepel do̠ hoyoḱ kantakoa.

Me̠nkhan jo̠to̠ pạṭhạu gidrạko mask ho̠ro̠ḱ kate ar Mahasoe koaḱ batlao lekate kelasteko bo̠lo̠yena.

Source: Bangladesh-protidin

Jatiyo Bissobiddaloy re Honors Pạhil Bo̠cho̠r Professional Course re Bhurti

Jatiyo Bissobiddaloy re 2020-21 sikhnạt serma reaḱ pạhil bo̠cho̠r snatok se̠ graduation (soman) professional course re bhurti do̠ eho̠poḱ lạgit́. Online re pạhil ardas do̠ darakan 12 September ạyuṕ ber 4 baja okte eho̠boḱa. Ar noa ardas do̠ 28 September ńindạ okte 12 baja dhạbić calaḱa. Ona course re bhurti reaḱ jãhãe pạṭhuạkoaḱ kusi-sana menaḱ khan, Jatiyo Bissobiddaloy reaḱ bhurti babotre menaḱ Website (www.nu.ac.bd/admissions khon Form do̠ purun hoyoḱa. Ardas lạgit́ fee do̠ College hotete niṭ akat́ mobile Banking talate 29 September bhitrire joma e̠moḱ hoyoḱa. Niạ sikhnạt sermare bhurti kan pạṭhuạkoaḱ online kelas do̠ 20 October khonge eho̠boḱa.

Source: Prothom alo