Darakan 28 November SSC Ar Ona Man Reaḱ Bidạu Jo̠ Do̠ So̠do̠ro̠ḱa

SSC (Secondary School Certificate) ar ona man reaḱ biḍạu jo̠ do̠ darakana 28 November so̠do̠ro̠ḱa. Ente Sombar (21 November) Dhaka Madhomik ar Ucchomadhomik Sikhnạt board ren Chairman Topon Kumar noa khobor talate baḍae ocokeda.

Niạ lahare uni do̠ 28-30 November bhitrite biḍạu reaḱ jo̠ so̠do̠r daṛeaḱa mente lại lahaleda. Menkhan enrehõ arhõ pusṭaute lại sodorkeda je, onako din bhitrite mit́ṭen din bachao se niṭ akana. One ona do̠ 28 November ar enhiloḱge biḍạu jo̠ do̠ so̠do̠ro̠ḱa.

28-30 November bhitrite SSC Biḍạu Reaḱ Jo̠ So̠do̠ro̠ḱa

Secondary School Certificate (SSC) biḍạu reaḱ jo̠ do̠ darakan 28-30 November bhitrite so̠do̠ro̠ḱa mente Madhomik ar Uchomadhomik Sikhnạt board ren Chairman Topon Kumar Sarkar-e lại so̠do̠r akada.

Baḍaeabon je, SSC biḍạu do̠ jao sermage March cando hoe baṛaḱa Menkhan Niạ dhao do̠ korona virus ar jãhãn karonaḱtege okte nạpitre baṅkate ạḍi bilomtege hoe purạuena. Metaḱme nes reaḱ biḍạu do 15 September ehoṕlena. Ar ona biḍạure bergel (20) lakh bargel mit́ (21) hajar irạl sae turui gel irạl (868) goṭen pạṭhuạko bidạureko selet́lena. Ado ona bidạu reaḱ jo̠ do̠ 28-30 November bhitrite so̠do̠ro̠ḱ lạgidoḱ kana.

Teheń Khon Ehoṕena HSC Biḍạu

Teheń Robibar (06 November). Teheń khonaḱge goṭa disomre HSC (Higher Secondary School Certificate) biḍạu do ehoṕ akana. Korona mahamạ̃ri ar banbạsi/ḍubạ daḱ ar emanteaḱ karonaḱte biḍạu do okte nạpitre baṅkate Sarkar do amdaj eyae (7) cando tayom bidạu hataoe goṭa akada. Ar onka leka teheń khonge biḍạu do ehoṕena.

Niạ dhao HSC bidạure are (9) goṭen sikhnạt board, Madrasa,ar Karigori board mit́kate jotokote gel mit́ (11) goṭen sikhnạt board reaḱ tabere moṭre gel bar (12) lakh khon hõ ḍher pạṭhuạko noa biḍạureko selet́ akana. Napaete biḍạu hoe purạuḱ lạgit́ joto lekan bebostha hatao akana mente baḍae ocokeda Anto:sikha board somonoy committee ren ahobayok ar Dhaka sikhạnt board ren Chairman Topon Kumar Sarkar.

Primary School Re Mahasoe Hataoko Reaḱ Jo 1-15 November Bhitrite Sodoroḱa

Darakan 1-15 November bhitrite Sarkari Primary School re Mahasoe hataoko reaḱ hudis-bhabna menaḱa mente Prathomik Sikha Odidaptor ren Maraṅ ạḱyuriće lại sodor akada. Cedaḱje nit dhạbićte Mahasoe haotaoko reaḱ joto lekan bidạuko hatao purạu akana mente Prathomik ar Gonosikha Montronaloy ren socib Aminul Islam-e baḍae ocokeda. Aṭhawar hiloḱ (30 October) tikin ber songsilisto montronaloy reaḱ mit́ dupuṛuṕre senior socib noa kathakoe lạikeda.

Un okte Prathomik ar Gonosikha Protimontri Md:Jakir Hossen selet́ Montronaloy ar Daptar ren kạmiạko/ạpiser seṭerko tahẽkana. November talate Mahasoeko hatao reaḱ jo/result sodoroḱa. Noa lahare jo sodoroḱ reaḱ kathako tahẽkanre hõ jahan karonaḱte baṅ sodor akana. Menkhan ar bilom baṅkate, darakan 1-15 November bhitritege jo do sodoroḱa.

Ar Pạri Pạrite Baṅkate Primary Skul Reaḱ Kelas Mit́ Shift-tege Hoyoḱa

Disom reaḱ joto Sarkari Primary sikhnạt ṭhãonakore mit́ shift-tege kelas hoyoḱa mente Prathomik ar gonosikha socib Md:Aminul Islam Khan-e lại sodorkeda. Ar noa niạm se ạri do darakan serma reaḱ January cando khonaḱge ehoṕa.

Teheń Robibar (30 October) mit́ dupuṛuṕ talate noae baḍae ocokeda. Goṭa disomre Skulkore kelas do inạ mit́ okterege ehoṕ ar mucạt́ reaḱ kurumuṭu calaḱ kana. Arhõe menkeda je, Menkhan kelas oṛaḱ, pạṭhuạ gidrạko ar mahasoekoaḱ soṅkha hudis ganḍon katećge noa mit́ shift-tege kelas do ehoboḱa.

HSC Bidạu Reaḱ Nawa Routine So̠do̠rena

Nes bo̠cho̠r reaḱ HSC (Higher Secondary School Certificate) bidạu reaḱ nawate sudhrạu akan routine so̠do̠rena. Dhaka madhomik ar ucchomadhomik sikhnạt board khon so̠do̠ren Nawa routine lekate darakan cando November 6 tạriḱ dọ bidạu eho̠bo̠ḱa. Ar onka leka 13 December dhạbić calao idiḱa.

Niạ dhao jo̠to̠ bisoe cetanre bar ghonṭa talate bidạu hoe purạuḱa. Seteḱ 11 baja khon ehoṕ kate tikin 1:00 baja dhạbić, ar tikin ber 2:00 baja khon ehoṕkate 4:00 baja do̠ mucạdoḱa. Bidạu eho̠bo̠ḱ 30 miniṭ lahare bidạu oṛaḱte bo̠lo̠ḱ hoyoḱa.

Teheń Khon SSC Biḍạu Ehoṕena

Teheń Lukhibar (15 August). Goṭa disomre teheń khonaḱ SSC (Secondary School Certificate) bidạu do ehoṕ akana. Teheń khon darakan cando 1 October dhạbić bidạu do calao idiḱa.

Baḍaeabon je, Jao sermage February cando SSC bidạu do hoe baṛaḱa. Menkhan banbạsi se ḍubạ daḱ ar jãhãn karonaḱte biḍạu do ạḍige bilom akana. Unạḱ din khon koyoḱ horreko tahẽkan SSC bidạu emoḱ koaḱ teheń khon bidạu ehoṕ akantakoa.

Niạ dhao gota disomre SSC bidạu ko emet́ kana 20 lakh 21 hajar 868 goṭen pạṭhuạko. Ar inạ chaḍa hõ are (9) goṭen sadharon sikhnạt board, Madrasa ar Karigori sikhnạt board reaḱ tabere goṭa disomre bar gel are (29) hajar, mõṛẽ sae gel are (519) goṭen sikhnạt ṭhãonaren pạṭhuạko pe hajar 790 goṭen centre re Dakhil ar SSC (Vocational) bidạureko selet́ akana.

Niạ Bo̠cho̠r Reaḱ HSC Ar Ona Man Bidạu Reaḱ Routine So̠do̠rena

Niạ bo̠cho̠r reaḱ Higher Secondary School Certificate (HSC) bidạu darakan November cando reaḱ 6 tạrik khon ehoṕ lạgidoḱ kana. Ente madhomik ar Uccho sikhnạt board do bidạu reaḱ routine-e so̠do̠rkeda.

Anto:sikhnạt board ren bidạu ńel jujutić committee ren convener Professor Md.Abul Basar aḱ suhiat́ mit́ ḍhạrwaḱ talate bidạu reaḱ routine ko so̠do̠rena. Aṭhwar hiloḱ (6 November) do baṅgla pạhil potro te bidạu ehoṕa. Bidạu do setaḱ 11 baja khon 1:00 baja dhạbić hoyoḱa. Eken bar ghonṭa talate bidạu do hoe purạuḱa.

Ona iạte ḍhạrwaḱre arhõ lại lahayena je, pạṭhuạ ko akoaḱ apan ạpin admit card ko jogaṛjoṅ ma.

Darakan 12 September Khon 2 October Disom Reaḱ Jo̠to̠ Coaching Centre Bond Tahẽna

Sikhnạt Montri Dipu Moni do̠e baḍae ocokeda darakan 12 September khon 2 October dhạbić disom reaḱ jo̠to̠ coaching centre ko bond tahẽna. Ente darakan 15 September khonaḱ Secondary School Certificate (SSC) ar ona man reaḱ bidạu do ehoṕ lạgido̠ḱ kana. Teheń Sombar (05 September) Socibaloy re mit́ dupuṛuṕ talate noa khobore baḍae ocokeda.

Baḍaeabon je, SSC bidạu do̠ jao sermage February cando ar HSC biḍạu do̠ April cando hoe baṛaḱa. Menkhan korona rog karonaḱ te noa bidạu ko okte nạpitre baṅ hoe akana se jãhãtinre bạtil akana. Nẽs reaṅ SSC ar HSC bidạu hõ niṭ akan oktere baṅ hoe akana. Ona iạte jãhãtinạḱge tayom akan rehõ darakan 15 September khon biḍạu ehoṕ lạgit́ niṭ akana.

HSC Biḍạu Reaḱ Arhõ Registration Ehoṕena

Baḍaeabon je, banbạsi se ḍubạ daḱ ar eṭaḱ jãhãn karonaḱte goṭa disomre Higher Secondary School Certificate (HSC) biḍạu do baṅ hoe akana. Onate arhõ niạ 2022-sermaren HSC pạṭhuạko registration lạgit́ ạt emena. Metaḱme okoe pạṭhuạko okte nạpitre baṅko registration daṛeakat́, onko lạgit́ mit́ṭen mońj ạt́ do emena. Cedaḱje arhõ mit́ dhao biḍạu emoḱ reaḱ ạt́ko ńamkeda. Teheń Lukhibar (01 September) khon ehoṕ kate darakan 7 September dhạbić registration reaḱ okto ḍherena.

Dhaka sikhnạt board ren biḍạu ńel jujutić Professor Abul Basar aḱ suhiat́ mit́ ḍhạrwạḱ hotete noa khobor lại jạhirena.