Hạni ńeloḱkan

Pagla hạti,

Hijuḱ kane abo seć

Delabon dạṛa oṛaḱ seć,

Dada hećkate dal kedea

Ńir calaonae pathar seć.

Rajshahi bajarre Joysing

Joy pane hohoyeda (2)

Ańjom hijuḱkan mońj disạm

Sona disạm

Ạdibạsi Jharkhanḍ

Haere sona disom deko tire.

Kạṭić Cẽṛẽ Ṭunṭuni

Sereń ạcurae gunguni,

Don donte calaḱkan tahẽna

Mon reaḱ sukte jomet́ tahẽna.

Hoṭhat mit́din hoe hećena

Rạput́ena uniaḱ oṛaḱ.

Nitoḱ uni okare tahẽna?

Baṅge hudis ńamet́.

Jãhãlekate paromkeda ńindạ,

Hećena nawa setaḱ

Benaokedae nawa oṛaḱ,

Tahẽn reaḱ sana

Nijeraḱ oṛaḱ nije leka,

Jione khemao sukte

Kuṛhiạ uni baṅ kana.

Sereń rãwãḱ Tirio sạḍe,
Sogoe koṛama liḍa laḍe.
Ṭamak ḍubu, tumdaḱ dhạtiń,
Sạntal hoṛaḱ rạskạ seteń.

Baha bạgwanre bhãwãr leka,
Santal rạskạm huṛiń ceka.
Tirio oroń rughuṛ  sạḍe,
Mon do hilạuḱ dulạṛ gate.

Disom ato sãota tala,
Sanam hoṛge rạskạ jhola.
Reṇgeć tetaṅ duk bhabna,
Rạskạ ṭhen ma hiṛińena.

Baṇ do be-jom baṅ do jomte

Enhõ rạskại orme onte,

Rạskạ tege sanam ghuṛi

Tahen kanabon juri pạri.

Alobon hiṛiń abonaḱ dosa

Menaḱ bona nit be bhorsa,

Beṇ̇gedabon nit dhạrti puri

Lahaḱ kan ko sanam hara hạri.

Oloḱ ạkil hameṭ sãote

Marsalabon santal gãota,

Rạskạ dobon rạskaḱ jãhãe

Sãota sagaṛ debon lahae.

Esel kuṛi sasaṅ sạṛi

Bandere ma alak jạ̃ṛi,

Ńeloḱ rema serma rạni

Jhalkaoedae sorog puri.

Juạn kuṛi bapla umer

Seṭeren taea juri duạr,

Pạhil ńapam juri sãote

Ato gãota somaj sãota.

Dạuṛa cetan juri jota

Jog mạńjhiaḱ sonot loṭa,

Ul sakamte chiṭkạu jạṛi

Bande kate sasaṅ sạṛi.

Sasaṅ gedo utui soṛom

jel utu karahire doṛom,

Sasaṅ gedo sanam okte

Nãwã aroe hoṛmo mone.

Sasaṅ roṅma sạgun cinhạ

Sasaṅ cẽṛẽ peṛa piạ,

Sunum sasaṅ ojoḱ orońj

̕Ehoṕedae nãwã gharoń.

Setaḱ́ Simraḱ Kisni cẽṛẽ

Mat́ darere cero bero,

Tahen kanko Sãota sote

Joṛa joṛage horo boro.

Gudṛi cetan busuṕ kạnḍi

Menae take araḱ sạnḍi,

Maraṅ simraḱ auri aṅgaḱ

Araḱ sạnḍimae jạpit́ laṅgaḱ.

Disạ torage kukṛicut́te

Jạpit́ hoṛe jagwar mete,

Ańjom tora aṭet́ rege

Beret́ lạgit́ onte note.

Araḱ simaḱ nunạḱ aṛaṅ

Kukṛu idiay ekal haraṅ,

Maraṅ simraḱ huḍiń simraḱ

Kukṛu tege marsal setaḱ.

Toyo donkeda sạnḍi saṕ,

Sạnḍi raḱ keda seta bhuḱ keda bhuḱ bhuḱ

Bạbu roṛ keda

E go toyo hijuḱkan.

Jạpit́ joto hoṛaḱ bhaṅgaoena.

Bạburen sạnḍi bạnuia.

Oṛaḱ sorre rel gạḍi

Poṅkate paromena.

Ạḍi setaḱre toyoaḱ raḱ

Hukạ huạ ańjomena.

Bạburen sạnḍi dare khoć raḱ kedae

Kukṛukuḱ.

Ạdi jarat setoṅ lolo

Bạt bạihạrre tahen dorloe

Noa setoṅ thoradin laha

Horko lạgit tahẽkan daya.

Setoṅ reak elaṅ tinạk

Horko monre kosto unạk

Koyok horre tinre hijuk

Hormore Hisit hoe do bhijạuk.

Lolo setoṅ dea kate

Manwa ko duk sahao ate

Kạmi kajre hormo sanam

Alae edako jonom jonom.

Jiwi jiṅgi napae lạgit

Hãs rạskạ begor sạbit

Kadae kadae loso pondo

Khataok ako gelbar cando.

Jharla jhạrli cạt bạisak

Horko monre as hilạuk

Hạriạr horo bạtre landae

Unre joto kostoe cabae.

Rimil rakaṕna,

Hoe-daḱ hećna.

Ḍaṅgra merom topaḱnako,

Hoṛ oṛaḱ boloenako.

Ceṭer huḍurna,

Hoe-daḱ thirna.

Kurus khunṭi goḱkate,

Jạnum ṭupri Horoḱkate

Okate dulạṛ Jisum mohnḍayena,

Hane ńeloḱkan Golgatha usul buru

Manwa lạgit́ge jiwi alae.