Bạń meneda dulạriń tege hoyoḱa

Tobe jahae muluć machae landawạń ma

Bạń meneda dulạriń tege hoyoḱa

Tobe jahae ńapamlenre

Kulińma cet́leka menama?

Bạń meneda dulạriń tege hoyoḱa

Tobe dulạṛiạtińạ metạńma

Cedaḱ johareaḱ gocu baṅem hoyoḱkana?

Bạń meneda dulạriń tege hoyoḱa

Tobe jahae barhe khoniń hećlenre daḱtaṅ katey sorạńma.

Bạń meneda dulạriń tege hoyoḱa

Tobe jahae daka lu-kate iń lạgit́e tạṅgińma.

Bạń meneda dulạriń tege hoyoḱa

Tobe jahae roḱ-nạkić kate

Aynom- kajra ar ṭiklite sajaoatey koyoḱ horeńma

Bạń meneda dulạriń tege hoyoḱa

Menkhan ińaḱ duk-sukre sorrey tahen ma.

Bạń meneda dulạriń tege hoyoḱa

Tobe jahae moneạń khan

Thoṛa do baṅ aema

Aema ińak dulạṛ re tirejugeń dohoyea.

Bahamoni mae kạmi kan
Ehoṕ kateḱ bajar dokan.

Vạlại kạmire kurumuṭu,
Sãota susạrre ạḍi lạṭu.

Sãota re tinạk Bahamoni,
Jhijakaḱko aema kompạni

Sim-sukri mehũ-merom,
Pharam tako rasa terom.

Iskul kolej policy mekar
Nurse, Doctor, Engineer.

Ato peṛa urom didi moni,
Nit hoe akhrińet́ pagla-pạni.

Bahamoni am do phulmoni
Tisdom hoyoḱa sonmoni,

Jiạṛ dohoe pe bahamoni
Sãota judạsi jharna khoni.