Mańja Baha (Kolhe Onoṛhe)

Jhamka jhạkur baha kạnić

Bela hõ rakaṕ kane

Belawaḱ chaṭatege,

Melae mańja leloḱ kạniḱ.

Tot lakage sanaṅ seniḱ

Ạyạ tege baṅ totso lidiṅe,

Ạyạ jạkhni duruḱ kane.

Daka uti laḱ

Iṅ tạkhni dạr kạdiṅ

Baha tot laḱ.

Jạkhni ạyạ baṛe kede totkạdiṅ baha

Tạkhni ạyạte saṕkate

Makat́ tiṅe bar thapa.

E – GO

E – go

Se̠rma kho̠ne̠m hećle̠n am

Ruạṛ calaḱ am – baṅ o̠ka hilo̠ḱ,

Un hilo̠ḱ e̠ke̠n do̠ho̠ o̠ṭokam,

Duk haso ińaḱ o̠nto̠r pereć.

E̠ – gạu

Kạṭić re̠naḱ o̠na kukmu sriti

Disạyạń ińaḱ mo̠nre̠.

E̠ – gạu

Suk sạntim e̠mle̠dińa,

E̠m le̠dińam hoṛmo̠ pe̠re̠ć dulạṛ.

E̠ – gạu

Am judim calao le̠nkhan

Baṅ, baṅ tahe̠n tiń cet́ hõ.

E̠ – gạu

Un hilo̠ḱ am iń ṭhe̠n

Ekal tahe̠nam mit́ to̠ho̠ṕ

Mońj so bahare̠.

Jo̠har –jo̠har –mano̠t jo̠har –gạu.

Ḍ A H A R

Bhul ḍaharte taṛam taṛamte

Oktei jurite kunạmi bagwan bạgikate

Ạḍi jhạliń laha heć en

Kạṛuṅ ńutre noa ḍahar ma iń

Bạń oromet́ kan!

Terdeć marsal bạgi kate

Iń okoreń teṅgo akan?

Noa ma ińaḱ ḍahar baṅ kan

Tobe cekate rilạmala ḍaharteń ruạṛa ?

Ňu-bul pharnao hoṛmo lekań

Aṭkaret́ kan.

Ińaḱ daṛema bại-bạite cabaḱ kan

Bạń baḍae jạdu – mantarte —

Nit ińma sãota teṅgokate

Sãota juḍạsi hoe ma

Bạń bis kate

Bhiṛkạu kane.

Baṅkhan iń ma sãota-gãota ren

Dulạṛiạko metạń kan tahen

Menkhan nui dare nạṛi sãotage

Bạń baḍaea tinạḱ jugiń

Ekal sãotaren bạiri hoe kate

Hiskạ umul latar re

Tạṅgiń tahena—

Noa joto eṛe- toṛe khon

Bańcao ḍahar do cet́

Eset́ cabaena?

Mengeạń iń ol

Ru katege ḍhol.

Oka rebań chapae

Noṅka tegeń gapae.

Oloḱ hoṛma menaḱkoge

Sadhuram murmu khon hõ bhage

Oloḱ pạilạre aema jol

Okaṭaḱ horop tebań ol.

Olciki, Roman baṅ do Baṅgla

Okaṭaḱte bań ol iń thoṅla.

Noa bhạbit te baṅ hoelen ol

Ạuri ru rege tapaṕen ḍhol.

D I B I ṬẠ N Ḍ I

Tiyạḱe̠na dibi

Dense sinduk cạbi.

Calaḱạń dibi ṭạnḍi

Kirińạń botol hạnḍi.

Ńuyạń ḍho̠k ḍho̠k

Roṛạń bo̠k bo̠k.

Gidrại me̠ne̠t́ kiriń boll.

Ar mit́ jo̠nae̠ kiriń ḍho̠l.

Baba jonae̠ ńui hạnḍi

Go̠go̠ bae̠ ńamle̠t́ khạnḍi.

Ńu lạgit́ hoyoḱ ṭaka

Baṅ kulạḱ jo̠m daka.

Baṅko ńame̠t́ mo̠ńj utu

Jo̠m akat́ ko se̠taḱ guhum sạtu.

Hae̠re̠ rạskạ dibi hạṭi

Baṅ hoyoḱ lạḍu mit́ bạṭi.

Rạskạ mo̠ne̠ do̠ sereń

Tumdaḱ saḍe dhạtir – tiṛiń.

Ńõ~hõ~ṛ macha tiriạ oroṅ

Go̠go̠e̠ huṛuṅ ḍhiṅki ḍhoṛoṅ.

E̠nte̠ re̠hõ hạsi – khusi

No̠a lạgit́ o̠koe̠ do̠si .

Nacar no̠a re̠ṅgeć jio̠n

Jage kulạu me̠naḱ tabon.

Nẽhõr mabon kisạṛ koṛa

Hạṭiń mabon rạskạ thoṛa.

O̠koe̠ kodo̠ kiriń kede

Bhạdại daka jom laḍe̠.

Baṅdo̠ okoe̠ maraṅ sạnḍi

Bondok kate̠ suti khạnḍi.

Rosogo̠lla jilapi

Jo̠m kedae̠ uni rapi.

Alta ,sono- pauḍar

Taka lạgịt́ e̠m cuḍar.

Baḍae̠ e̠na ṭaka bạnuḱ

Raḱ ke̠dam khunuḱ khunuḱ.

Rit pit ar bạnuḱ ạkil

Hạnḍim ńuyet́ gujuḱ dhạkhil.

Tinạḱ din bam bagiy hạnḍi

Unạḱ din baṅ kulạḱ khạnḍi.

Nana hunạr ae̠ma do̠kan

Papoṛ, boṛa hae re sokan

Dãsãe koṛa tumdaḱ ṭamak

Hanko ńel̠kom damak damak.

Teṅgun duṛuṕ hoṛaḱ bhiṛ

Calaḱ hoṛ do̠ hir hir .

Katha tahẽle̠n dibire̠ ne̠s

Sajaoḱae̠ nãhãḱ raj be̠s.

E̠nre̠hõ dibi rạskạ tege

Paro̠m calao̠e̠n ạḍi bhage.

Landa ke̠dae̠ kheṭe̠ kheṭe

Rạskạ kedae ạḍi ate.

Cekayam e̠nte̠ re̠ṅgeć hoṛ

Kạmi lạgit́ o̠koe̠hõ bako roṛ

Baṅ molin le̠n e̠nrehõ mẽt́

Onate ban rạskaya ce̠t́

Dibi ṭanḍi dãṛã o̠kte̠

Mon do̠ pase̠ć se̠rma coṭte̠.

Kạṭić gidrạwaḱ duluṅ gạḍi

Ṭhe̠pe̠ ṭhepe̠ hae̠re̠ sạḍe.

Jage kulạḱ biṛi cuṭi

Ce̠kayam bạnuḱ jel kuṭi.

Ne̠s nãhãḱ thoṛa thoṛa

Kalo̠m nãhãḱ jo̠to̠ pe̠ṛa

Jo̠mabo bhage̠ bhage̠

Sanam nãhãḱ mońj tege.

Jilạpi khạjạṛi ro̠so̠go̠lla

Aṅgro̠p jhaṅga ḍhilạ ḍhala.

Pạńci paṛhãṭ chapa sạṛi

Daṛanabon kuṭum baṛi.

Tayo̠m

Santal ho̠po̠n tayo̠me̠nako,

O̠lo̠ḱ paṛhao̠ḱre̠

Santal koko tayo̠me̠na

Kạmi kaj kore̠ge

Beret́pe jo̠to̠ santal ho̠po̠n

Mo̠n re̠aḱ jạpit́ khon

E̠ṭaḱ jạtikoko Lahaḱ kana

Abo do̠ tayo̠mge.

T O̠ P O̠ L

Hape hape duk do̠

Aṛerem teṅgo̠ḱkan

Hara – hiri jiwi

Taṛam ḍahar re

Acka ge thiro̠ḱ mo̠n.

ạṛić eṭaḱ bhabna ge

Bhiṛkạuae ạḍi jhạl hante

Eṭaḱ bilạn seć.

Serma ipil bhitri re

Co̠ko̠ o̠na as

Ar bae gupiete

Mo̠n o̠nto̠r do̠e hapeḱ

Dhasaḱ bo̠hel jo̠to̠ kukmu kumbạ.

Serma – tapaṕ kate juạn bayar

Uḍạu calaḱako̠ ạḍi jhạl

Bar dinaḱ no̠a

Helmel hulạs re

Rạskạ hutạs mo̠n .

So̠ – baha nạṛi re

An – mo̠na ko̠ḱam hahaṛa te .

Haere diglạ ḍigli dhuṛi dhạrtire

khange hudis ruạṛạń

Mo̠ha – muhim renaḱ katha,

O̠ka reba bạṛić menaḱ

Mit́ mit́te jo̠to̠

Duk do̠ jarwaḱ

To̠ro̠ć to̠pa seṅgel leka

Mo̠n o̠nto̠r do̠ lo̠ḱ.

Daḱ Jạput́

Daḱ jạput́ Cạt bạisạk

arhõ Saon bhado̠r

O̠na talate̠ ro̠ho̠e̠ hoṛo

tale belehõ ńuruḱ

siń ńindạ daḱ ke̠da

ce̠he̠l ce̠pe̠l pe̠re̠ć gaḍa

ạtu calaḱ ńalaḱ ńalaḱ

ko̠yo̠ḱ daram gate salaḱ

huḍur bijli haere̠ saḍe

lo̠ho̠t́e̠n tiń nãwã khanḍi

gidạr pidạr juri pạri

baṅ hoele̠̠n calaḱ gaḍa aṛe

daḱ jạput́ sahan sakam

re̠ṅgeć ho̠ṛko jobe̠ akan

haere̠ jạput́ tise̠m cabaḱ

gidrạ ante̠ park-iń calaḱ

Go̠go̠

Go̠go̠ ce̠daḱ se̠taḱ bam ho̠ho̠ be̠re̠t́ le̠deńa

Iń tạṅgirez me̠naḱa amaḱ no̠a katha ańjo̠m lạgit́

Go̠go̠ ce̠daḱ am iń paṛhao̠ḱ bam metạń kana?

Ińaḱ paṛhao̠ḱ lạgit́ mo̠n chaṭpaṭao̠ḱ kantińa.

Go̠go̠ am do̠ ce̠daḱ iskul calaḱ baṅe̠m metań kana?

Iń je, iskul calaḱ sanayedeń.

Go̠go̠ am ce̠daḱ iń iskul re̠aḱ tiffin o̠kte̠ re̠aḱ jo̠maḱ baṅem te̠arạń kana?

Iń je ṭiffin somoy ạḍi ạ̃ṭ re̠ṅge̠ćjińa.

Go̠go̠ am ce̠daḱ́ ạri cạli bam cet́ạń kana?

Iń je amaḱ sikhạunaḱ tege lạṭuḱ hoyoḱ sanayedeń!

Go̠go̠ am ce̠daḱ jahanaḱ ce̠ka lahare̠ bam baro̠ne̠dińa?

Iń amaḱ diḍạuić hoyoḱ sanayedeń.

Go̠go̠ am ce̠daḱ ạyuṕ o̠kte̠ o̠lo̠ḱ paṛhao̠ ar kudum lại bam cet́ ạń kana?

Te̠he̠ń do̠ am be̠gor iń do̠ ạḍi e̠skarge,

Iń le̠ka be̠batao̠ić ko̠ṛa gidrạ,

Amaḱ khub jạruṛ me̠naḱtama.

Ale Ato

Hane̠ ńe̠lo̠ḱ kan tale dare

O̠nḍe̠ge ale̠aḱ o̠ṛaḱ

O̠nḍe̠gele̠ tahēna

Ae̠ma jạtre̠n ho̠ṛ

Bale̠ baḍae̠ o̠lo̠ḱ paṛhaoḱ

Bale̠ baḍae̠ Santal ạri cạli

O̠na te̠gele̠ tae̠no̠m akana

Ale̠ jo̠to̠ ho̠ṛ

Kurumuṭu me̠naḱ tale̠a

Bại bại laha se̠ć calaḱ lạgit́;

O̠lo̠ḱ paṛhao̠ḱ bạnuḱte̠

Ae̠ma se̠ć le̠kate̠le̠ tae̠no̠m akana,

Dho̠ro̠m re̠aḱ so̠sto̠r kathako

Bale̠ baḍae̠

O̠nate̠ dho̠ro̠m ko̠ro̠m se̠ćte̠le̠

Nijo̠r akana

O̠nate̠ dho̠ro̠m o̠lo̠ḱ paṛhaoḱ do̠

Ạḍi jạruṛa,

O̠na khon babon nijo̠ro̠ḱ ma.

Oloḱić:

Samoly Murmu

Ato ńutum: Bikrampur

Upojila: Kaharol

Dist: Dinajpur

O̠LO̠Ḱ O̠KTE̠

Santals times re̠ iń do̠ o̠lo̠ḱ o̠kte̠

Disạ kedạń jo̠m ńu re̠aḱ kathako bại bạite̠

Baṅgladisạm re̠ abo manwa jo̠to̠koge

Ae̠ma le̠kanaḱ bon jo̠m ńua jao̠ din rạskạge

O̠ṛaḱ re̠bon jo̠m ńuye̠da daḱ, daka, utu

Dokan re̠do̠ pan, biṛi arhõ ca lạḍu,

Gateko so̠ṅge jo̠m ńu hạnḍi pạura ar tạṛi,cuṭi,

Oṛaḱ re̠do̠ hoyoḱ kana jao̠ge jhogṛa jhạṭi,

Nitoḱ abo ae̠ma le̠ka jo̠m ńu e̠da bon no̠a hana

Jo̠m abon ńu abon ar rạskạ re̠bon tahẽna,

jharna ḍạḍi daḱ le̠ka sapha tahe̠n ma mo̠n o̠nto̠r

Babon kạphariạḱ santal gharo̠ńjre̠ tahenabon sontor,

Alo gebon kạphạriḱa sona santal so̠majre̠

Tul rakap mabon sona somaj sanamko talare̠,

Dhạrtire̠n ho̠ṛko soṅge̠ taṛamabon hara hạri

Jo̠gao̠abon jotonabon aboaḱ santal jạtiạri