Goṭa dhạrti re̠ ko̠ro̠na rog do̠ ḍheo le̠ka baṛhao idiḱ kana. No̠a rog te̠ jạbun kateć gujuḱ soṅkha hõ baṛhao calaḱ kana. No̠a do̠ ko̠ro̠na re̠aḱ dosar dhap ko̠ me̠taḱ kana. Dhaka re̠ ko̠ro̠na rog ńam akat́ ko̠ modre̠ ḍelṭa rog 68 percent. Rajsahi re̠ porikha akat́ 40 percent nạmuna re̠ ko̠ro̠na virus ńel ńam akana. Sastho odhodoptor do̠e dharonaeda, nonḍege ḍelṭa rog do̠ ḍher akana.

Nit́ no̠a ḍelṭa lekanaḱ ko̠ro̠na rog so̠ho̠r ar ṭola-paṛa re̠ pasnao akana.Nacar hoṛko̠ no̠a rog ńametko̠ soṅkha do̠ 30 percent amdajoḱ kana. Songslisto ko̠ ṭola-paṛa re̠n horko̠ lạgit́ ạḍi bhabna ko̠ so̠do̠r ke̠da.Nacar dosare̠ me̠naḱ ko̠ hoṛko̠ sasthobidhi cet́leka ko̠ eṛaṅeda, onkage akoaḱ dinạm din kạmi kateć jo̠m lagao akoa. O̠na khạtir o̠ṛaḱ kho̠n bahre calaḱ hoyoḱ takoa. O̠na iạte onḍenaḱ aso̠laḱ chubi baḍae ńam lạgit́ nạmuna porikha re̠aḱ e̠ṭaḱ upại bạnuḱa. Khange rog re̠aḱ cinhạ ko̠ ạ̣ḍi bạṛti ko̠ ạikạuet́ khan cikit́sa lạgit́ ko̠ hijuḱ kana ar mũskil ko̠ bujhạuet́ kana. July cando kho̠n ṭikạ emoḱ kạmihora e̠hob re̠aḱ katha menogoḱ kana,me̠nkhan no̠a poristhiti samal lạgit́ jo̠to̠ seć kho̠n sapṛao tahen jạruṛa. Jạruṛ kana jo̠m ar kạuḍi sećte go̠ṛo̠ emoḱ. Inạ chaḍa hõ nacar hoṛko̠ talare̠  ko̠ro̠na porikha baṛhao hoyoḱa. O̠raḱ o̠ṛaḱ, ṭola-paṛa re̠ nạmuna porikha kateć mońj cikit́sa ar sasthobidhi se̠ hoṛmo joton kạmi ko̠ manao khạtir jạruṛaḱ be̠bostha ko̠ hatao daṛeaḱ khan te̠saraḱ ḍheo mokabelai lạgit́ sujog ńam daṛeaḱa.

Te̠he̠ń diso̠m Ar bahre diso̠m re̠aḱ aema khilạḍ ko̠ maedan re̠ guḍrạuḱa.

Cricket

ICC Test Championship (Final)

Bharot-New Zealand (Dosaraḱ din)

Be̠la 3:30

Gazi Tv

Pạkistan Super Lig

Karachi kings- Quetta Gladiators

Ạyuṕ 7:00

Islamabad United- Multan Sultans

Ńindạ 12:00

Sony ten 1, ten cricket, te-sports

Football

Euro 2020

Hungary-France

Ạyuṕ 7:00

Portugal-Garmany

Ńindạ 10:00

Spain-Poland

Ńindạ 1:00

Sony ten, Sony Six

Ńir haparao se̠ (Race)

Formula

Ńindạ 11:00

Star Sports Select 2

Simraḱ setaḱ kho̠n,

Ce̠t́ co̠ ḍhipcum raḱjo̠ṅkan?

Ńuiaḱ baṅ do̠ jo̠maḱ dho̠n,

Niạ lạgit́em ko̠ejo̠ṅkan.

Dayagem rag ḍipcu,

Mãyãgem ho̠mo̠ra;

Suć-sućem gọl ḍipcu,

Setago̠ḱem ko̠yo̠ḱ ho̠ra.

Uḍạuḱam ạpiram,

Poṇḍ rimil serma co̠ṭ;

Be̠ṅge̠t́aḱam ko̠yo̠ḱaḱam,

Hạriạṛ dare dhạrti o̠t.

Amaḱ raḱ ańjo̠mte ḍipcu,

Baco̠ jạpido̠ḱ mẽ̠t́;

Mohṇḍainạń ḍipcu,

Go̠ḱ kateḱ nahe̠l kuḍi mẽ̠ṛhẽ̠t́.

Ko̠ro̠na mãhãmạri, gujuḱ ar bharot re̠aḱ veyrient birudre̠ teṅgo daram lạgit́ chapai nawabgonj re̠ arhõ  (7) din re̠aḱ manao ganao baṛhao hoy akana.  Mit́ Lagamte̠  ge̠l pon (14) din re̠aḱ lockdown  mucạten tayom jilạ prossason do̠ lockdown khạtir eyae (7) din re̠aḱ manao ganaoe jạhirakada.

Hola budhbar jilạ prossasok Monjurul Hapiz bises manao ganao mead baṛhao babotre̠ hoṛkoe baḍae ocoket́koa. Noa jilạ re̠ ko̠ro̠na rog ko̠m ńoḱ akana. Enre̠ hõ dosar dhapte arhõ  eyae (7) din lạgit́ bidhinisedh hatao hoy akana. Teheń 17 june lukhibar ńindạ 12:00 baja kho̠n e̠hob akana ar 23 june budhbar 12:00 baja hạbić noa bidhinisedh do̠ calaḱa.

Jilạ prossasok Monjurul Hapiz do̠e roṛ sodor ke̠da, jo̠to̠ lekan do̠kan ko̠ sasthobidhi manao kateć se̠taḱ 9:00 baja kho̠n ạyuṕ be̠la 5:00 bajaḱ hạbić jhić tahena. Moṭorcyle re̠ mit́ hoṛ ar CNG gạḍi re̠ bar (2) hoṛ kin deć darṛeaḱa.

DC arhõe me̠nkeda, bises bidhinisedh ãota re̠ jo̠to̠ le̠kan bapla,janam mãhã,picnic se̠le̠t́ jo̠to̠ lekan gãota re̠aḱ akhṛa ko̠ bond tahẽna.Hotel ar jo̠maḱ dokan se̠taḱ 6 bajaḱ kho̠n ńindạ 10 bajaḱ hạbić jhić tahẽ daṛeaḱa. Press Briefing re̠ hạjire̠ tahe̠kana, arhõ jilạ prossasok (surbik) Jakiul Islam,  ar ona selet́ jilạ prossasok (rajosso) Debendronath Urao.

19 June khon ar hõ disomre COVID-19 tikạ emoḱ kạmihora ehoṕboḱ kana mente sodor akadae sastho montri Jahid Malek. Somber mit́ akhṛare sastho montri arhõ menakada, disomre din din aema ṭhạire arhõ korona rog chạplạo do̠ ḍher akana. Nit khonge sanam ko arhõ aodhanoḱ hoyoḱ tabo̠na. Uniye menakada, hospitalre gitić jaega se seat do thoṛa gea. Ko̠ro̠na ajar bạrti chạplạolen khan saṕdaṕ kạmire tạkić aḱ hoyoḱa ar jiwi hõ ḍher nasaḱa. Onate niạ rog teṅgo daram cetan regi jor emogoḱ hoyoḱa, kobja lagaḱa niạ ajar saphasaphi tahen ar niropon hoṛmo tahen lạgit́ sastho montronaloy reaṅ ạn ạri batao lagaoḱa. Onate diso̠m re darakan 19 june khon joto hoṛko lạgit́ ṭikạ emogoḱ ehoboḱ kana onate niạ dhao sanamko niạ tikạ hatao lạgit́e iń uskuret́ bona.

Rajshạhi medical re̠ ko̠ro̠na ãjaṛ te̠ ko̠ goć akan modre̠ bạrtige delṭa veyrient te̠ ko̠ jạbun akana doctor ko̠ moneyeda. Haspatal re̠n ạyuriće me̠nke̠da, Ko̠ro̠na rogte̠ jạbun kateć hsapatal re̠ bhurti me̠naḱ ko̠ 40 persent hoṛge ṭola- paṛa re̠n kana ko̠. Ko̠ro̠na rogi din din te̠ ko̠ bạṛti idiḱkan te̠ gujuḱ soṅkha hõ baṅ komoḱ kana. Lockdown re̠aḱ mońj jo̠ ńam lạgit́ eyae (7) din do̠ baṅ, (14) din re̠aḱ poramorsoi dako doctor  ko̠.

Note̠ ṭola- paṛa re̠ ko̠ro̠na rog ạḍi ãṭ chạplạu akan khạtir o̠na toṭha ko̠ re̠n prosason ko̠ ạḍi  ko̠ bo̠to̠r akana.No̠a rog são lạṛhại lạgit́ mit́ galmarao re̠ jilạ prosasok do̠ goṭa katha hatao re̠aḱe me̠nke̠da. Lockdown re̠aḱ gota katha baḍae ńamoḱa gapa budhbar 8:30 bajaḱ okte̠ so̠ho̠r re̠aḱ sarkit house re̠ jilạ prossasoḱ Abdul Jolil do̠e me̠nakada. Haspatal re̠n  maraṅ mukhiạ do̠e lại sodor ke̠da, ko̠ro̠na do̠ khạli so̠ho̠r do̠ baṅ, me̠nkhan ato paṛa ko̠ re̠ hõ chạplạu akana.

Nãwãte̠ arhõ  mõṛẽ ge̠l irạl (58 ) horko̠ bhurti akana. Rajsạhi medical re̠ ko̠ro̠na unit re̠ teheń hõ ge̠l bar (12) hoṛko̠ goćena.Noko̠ modre̠ eyae (7) baba hoṛ ar mõṛẽ (5) hoṛ maejiu. Haspatal re̠n ạyuriće me̠n akada,goćko̠ modre̠ ḍher bhagge̠ delṭa veyrient te̠ jạbun re̠aḱ sombhabona me̠naḱa bạṛti.E̠nteć haṛam-buḍhi hoṛko são kuṛi-koṛa ko̠ aḱ gujuḱ soṅkha ge̠ bạrtiḱ kana. Ko̠ro̠na rogi samal ko̠ lạgit́ haspatal re̠aḱ ICU se̠le̠t́  ge̠l pe̠ (13) word re̠ cikit́sa calaḱ kana. Arhõ mit́ṭen word ko̠ sapṛaoeda. Bibhag re̠n sasth

Tangail re̠aḱ Sokhipur upạjilạ re̠ pe̠a ko̠ṛa mit́kate̠ć ạdibạsi maejiu ko̠ konac se̠ (Dhorson) ke̠de̠ no̠a ghoṭona duṣau ar protibad lạgit́e̠ jạhir akada jopoṛao akan gãota ko̠. Gãota re̠n sadharon sompadok Saleh Ahomed mit́ bibo̠ro̠n kathate̠ no̠a pro̠tibad do̠e jạhir ke̠da.

No̠a bibo̠ro̠n re̠ ro̠ṛ akana, Nui maejiu do̠ o̠ṛaḱ kho̠n ho̠ho̠ oḍoḱ kateć mitṭen nisun thạ̃i re̠ idikateć pe̠ (3) hoṛte ko̠ dho̠rso̠n ke̠de̠a. No̠a o̠kte̠ uni maejiuaḱ mẽt mũṭhạn se̠le̠t́ hoṛmo re̠aḱ aema jaiga re̠ ko̠ jo̠kho̠m ocoyena. Inạ tayom ạḍi kajake hạn akan okte̠rege uni maejiu do̠ pe̠ṛa ko̠ ato hoṛko̠ bancao ke̠de̠ tayom Sokhipur upạjilạ sastho complex re̠ ko̠ bhorti ke̠de̠a. Arhõ tayo̠mte̠ tangail jenarel haspatal re̠aḱ  (1)one stop crisis centre (OCC) re̠ ko̠ bhorti kedea.

Sokolbar (11 june) uni maejiu aćre̠n iril ko̠ṛa são sokhipur upạjilại calaoen khan OC do̠ mamla bae hatao le̠da. Me̠nkhan ghoṭna são jo̠po̠ṛao me̠naḱ ko̠ sanamkoaḱ ńutum ar ṭhikạna ol do̠ho̠ ke̠da. Soṅgoṭhon re̠n do̠pto̠r so̠mpado̠k  Biplob Chakma aḱ suhi jạhi akan parwana re̠ arhõ me̠n akana, Polis gho̠ṭna são jo̠ṛao me̠naḱ hoṛko giripter re̠aḱ as kathae e̠m akan re̠ hõ nit́ hạbić o̠koe hõ bae giripter akat́ koa.  No̠a gho̠ṭna mońjte̠ to̠jbij ar o̠na so̠ṅge so̠ṅgete̠ onko̠ dusi ko̠ ạḍi usạra giripter lahare̠ kajaḱ sạsti e̠mako̠ re̠aḱ  ko̠ dạbi ke̠da.

Source:ipnews.com.bd

Diso̠m re̠aḱ high iskul ar  college (Secondary) porjai re̠ me̠naḱ sanam siknạt gãota ko̠ re̠aḱ calaḱkan chuṭi do̠ ar mit́ dhap baṛhao  hoy akana. No̠a chuṭi do̠ darakan 30 june hạbić baṛhao hoy akana.

Sunibar (12 june)  siknạt montronaloy re̠aḱ  kho̠bo̠r ar jonosoṅjog kormokorta M A khayer re̠ suhi jạhi akat́ mit́ dhaṛwaḱ re̠ baḍae oco akana. Diso̠m re̠aḱ aema ṭotha ko̠ re̠ ko̠ro̠na ãjaṛ arhõ ḍher chạplạu akan te̠ ar ado̠m ado̠m ṭotha ko̠ re̠ kajaḱ lockdown calaḱkan te̠, pạṭhuạ ko̠, mahasoe, kạmiạ ko̠ ar go babawaḱ hoṛmo jogao joton re̠aḱ katha ko̠ hudis kate Covid- 19  são joṛao me̠naḱ ko̠ parames committee ko̠ são gal marao kate diso̠m re̠aḱ high iskul ar college (secondary) porjai re̠ menaḱ jo̠to̠ siknạt gãota ko̠ ar abtedayi, Qaumi madrasa ko̠ re̠aḱ calaḱ kan chuṭi darakan 30 june 2021 hạbić baṛhao hoy akana.

Ko̠ro̠na re̠aḱ halsal ko̠ lahanti lạgit́ 13 june diso̠m re̠aḱ high iskul ar college (Secondary) porjai re̠aḱ siknạt gãota ko̠ jhić re̠aḱ kathae lại sodor leda siknạt montronaloy.  Ko̠ro̠na virus khạtir amdaj 15 cando kho̠n diso̠m re̠aḱ jo̠to̠ siknạt gãota ko̠ bond me̠naḱa.

BKSP re̠ irạl (8) class re̠n pạthuạ gidrạ Prodipto Chakma ṭhe̠ne bhagao ocoena Tokyo olympics khilạḍ re̠i jitạule̠n Malyasia re̠n khayrul Anwar. Dạkhin koria re̠ me̠naḱ Asia world Raking aḱ ạḱpạṛi haparao turnamate re̠ stage 10- re̠ selet́ akana Bangladisom hõ. Raṅgamaṭi  Parbotto jilạ re̠n Prodipto Chakma do̠ hara hạri re̠aḱ noa ponaḱ din re̠ ạḍi maraṅ mit́ moṛhaḱ do̠e uduḱkeda.

Netharlands re̠ aḱ aḱpạṛi haparao Bissocup re̠ bar (2) se̠rma lahare̠  nui khayrul ṭhe̠nge semifinal re̠ bhagao ocolena Roman Sana do̠. Khayrul do̠e jitạulena Rupạ Ar Roman do̠e jitạulena bronze. Khan o̠na bronze do̠ Romane̠ ạgu adaea Tokyo Olympics re̠aḱ tickets.   Ar teheń do̠ nui hara rakaboḱ kan koṛa prodipto chakma do̠ Romane̠  harao ocolen  metaḱme ona re̠aḱge badla do̠e hatao ke̠da.

Pre- quarter final re̠ ạḍi mońj do̠e e̠neć khilạḍ akana. Khayrul birud re̠ 6-4 set point re̠ do̠e jitạuena. Me̠nkhan quarter final re̠ uni do̠e thir hapeyena. Semifinal lạṛhại re̠ prodipto do̠e bhagao ocoena  Japan re̠n haparaoić Furkawa Takaharu ṭhen, 2-6 point bebodhan re̠. Rojoni são hõe eneć khilạḍ akana prodipto. Japan re̠n do̠l ṭhen bhagao ocoenae 0-6 point te̠. Korea kho̠n  Baṅgladisom aḱ aḱpạṛi haparao Federation re̠n sadharon sompadok Kaji Rakib Uddin do̠e me̠nkeda, ‘Baṅgadisom ńutumte̠ no̠a hara hạri rei enećjoḱ kana BKSP.

Nonde do̠ Japan,Korea, Malyasia re̠n  Olympics do̠l selet́ lạṭu lạṭu dol ko̠ eneć khilạḍoḱ kana. Lạṭu ko̠ são ko̠ eneć khilạḍoḱ kana aboren kạṭić do̠l ko̠ hõ. Prodipto jatio do̠l camp re̠ ạt́e ńam akada. Darakan  October cando̠ uni do̠ Bissocup re̠i kol ocoḱ kana. Baṅgladisom aḱ aḱpạṛi haparao Federation do̠ Prodipto chakma talare̠ Roman Sanawaḱ umulko̠ ńel ńameda. 

Naogan re̠aḱ bodolgạchi re̠ ạdivạsi ko̠ lạgit́ benaoet́kan tahẽn oṛaḱ ạuri benao mucạt́ rege dasaoena. Baḍae ńam akana, ko̠m dam re̠aḱ jinisko̠ te ko̠ benao akat́te̠ ona do̠ dasao akana. Budhbar hiloḱ sodor  union jirol atore̠ ńel baṛakate ko̠ bujhạu ńam akada. Me̠nkhan Oṛaḱ benao lạgit́ iṭa,gitil, ar bhit se̠ gonḍa ko̠ la akat́ kạmiạko̠ lạgit́ akoge̠ dam e̠moḱ lagaoat́koa.

Baḍae ńam akana, 2020-21 se̠rma re̠ Manotan Maraṅ Montri Sekh Hasina do̠ ạdivạsi hoṛ ko̠aḱ jion jiṅgi lahanti lạgit́ o̠ṛaḱe bkhrawat́ ko̠a .No̠a  irạl (8) got̠en oraḱ modre̠ ko̠ e̠m akan hoṛ ko̠ hoyoḱ kana jiol atore̠n Jogen Nath re̠n ko̠ṛa hopon Bikas Pahan ar Akash Pahan.  O̠na  ato re̠n hoṛ ko̠ lại sodor ke̠da, o̠ṛaḱ benao re̠  mit́ (1) no: iṭa beohar re̠aḱ katha tahẽkan re̠ hõ 3 no: iṭa ko̠ e̠m akat́ ko̠a. Ar gitil re̠ ạḍi thoṛa cement ko̠ me̠salaḱ kana. Ona iạte bhit dasao ńurena. Akash pahan do̠e lạike̠da, mistri ko̠ do̠  oṛaḱ lạgit́ irạl (8) hajar 3 no: iṭa tho̠ṛa dam re̠aḱ gitil hõ ko̠m dam re̠aḱ ko̠ ạgukeda. Inạ cdaḍa arhõ bar (2) hajar iṭa ar 1 gạḍi mońj gitil ar aleaḱ nijeraḱ tk te̠ kirin lagaoakat́lea. Ona bar oṛaḱ benaoić mistri do̠e hoyoḱ kana sor upạjila re̠n Sumon ńutuman ar uni sãotei tahẽkana kirisno pahan.

Bikas pahan ar Akash pahan kin me̠nkeda ạuri benao mucạt́ rege bhit do̠ dasao ńurena. Tayom daram arhõ rạput́ daṛeaḱa baṅ meno̠go̠ḱ kana. No̠a babodre̠ Sumon mistri são  katha roṛ re̠aḱ ko̠ kurumuṭu ket́ khan phone ge̠ bae risiv leda. Ać re̠n são kạmiạić kirisno pal do̠e  lại ke̠da ona oṛaḱ re̠ 3 no: iṭạ ar ko̠m dam re̠aḱ gitil ko̠ te̠ benao akan te̠ bhit do̠ dhasao ńurena.  Onka ge Akash pahan aḱ oṛaḱ be̠nao re̠ hõ ko̠ dam jinis ko̠ beohar akat́te̠ thoṛa din lahare̠ bhit do̠ paṛaḱ ńoḱlena. Menkhan tayom te̠ ona hõ ko̠ jut́ aro ke̠da.

Prokolpo Upạjilạ Committee member Socib (PIO) Mahububur Rahman do̠e me̠nkeda. Uni do̠ noa oṛaḱ benao babo̠d cet́ hõ bạṅ baḍaea.  Upạjilạ Nirbahi Officer (UNO) prokolpo sabha mukhiạ Alpona Iasmin do̠e me̠nke̠da,Tinạḱem daṛeaḱa olme. Bho̠nḍ lekhan ińgeń bho̠nḍeda, ar lahantiyet́ khan ona hõ ińge.