2021 sermaren JSC pạṭhuạko certificate ko ńama. Metaḱme okoe do ona sermare JSC biḍạu reko selet́len onko gidrạko certificate ko em hạṭińakoa. Darakan 21 May khon Dhaka Madhomik ar Uchomadhomik sikha board do certificate emoḱe ehoboḱa. 21 May-darakan 7 June dhạbić certificate emoḱ kạmihora calao idiḱa. Niṭ akan dinre niṭaḱ jilạ ren sikhnạt ṭhãonaren Headmaster ko sikhnạt board khon certificate tumạl lạgit́ men hoyakana. Pusṭạute baḍae lạgit́te sikhnạt ṭhãonaren maraṅić se Headmaster ṭhen Sikhnạt board do ciṭhi kol akada. Sikhnạt board reaḱ 4 no. bhobon reaḱ cetan tala metaḱme turui tala building khon 2021 serma ren JSC pạṭhuạ koaḱ certificate do sikhnạt ṭhãonaren maraṅ mukhiạ koaḱ tire emogoḱa.

Oka din oka jilạre emogoḱa thoṛa bon baḍaelege, 21 May do Kishargonj jilạ re, 22 May do Manikgonj jilạ, 23 May Gopalgonj jilạ, 25 May do Madaripur, 28 May Earidpur jilạre, 29 May do Tangail, 30 May Munshigonj, 31 May Rajbari, 1 June Shariatpur, 4 June Dhaka, 5 June Narshingdi, 6 June Gazipur, 7 June do Dhaka nagraha reaḱ Iskul ko reaḱ certificate em hạṭińoḱa.

Dhaka sikhnạt board-e baḍae oco akada je, sikhnạt ṭhãona reaḱ mul certificate hatao lạgit́ tinạḱ gan gidrạko rakaṕ akan, onako bibioron soṅge kateć certificate hatao hoyoḱa. Iskul ren mahasoe se Headmaster se bharapon Headmaster aćaḱ se protinidhi belare, metaḱme banar oktege Governing body se managing committee koaḱ goṭawaḱ copy selet́ mul certificate ataṅ hoyoḱtakoa. Certificate ataṅ bakhra ardas lạgit́te Governing body ren Chairman se jopoṛao menaḱko upajila nirbahi kormokorta koaḱ suhi ạgui hoyoḱa. Baṅkhan mul certificate baṅ ńamogoḱa.

Ti tege abo do jomaḱbon teara, jomabon, ar jahae hõ bon emakoa. Ti tege nawa gidrạ se bale gidrạ ar dulạṛiạkobon joṭet́koa. Noa ti tege aema lekan rog do pasnaoḱ kana. Onate ti sapha-sạphi dohoe jạruṛ kana. 5 May goṭa disomre sapha sạphi babotre goṭa disomre cehaona sabha se mãhã do manao hoyena. Eken gharońj redo baṅ, sãota reaḱ joto porjaire cehaona sombat ko pasnao hoyoḱa.

Tin jokhen ti ạruboḱ hoyoḱa:

• Jomaḱ tear, jomaḱ hạṭiń ar jom lahare ti ạruboḱ hoyoḱa. Berel sạbji se pholmul saṕ lahare ti ạruṕ sapha hoyoḱa.
• Berel sạbji se pholmul bohoe katet́ rehõ ti do sạbun saphaḱ hoyoḱa. Ente berel sạbji ar pholmul rehõ jibanu metaḱme tijo ko tahẽ daṛeaḱa.
• Bale gidrạ ar umerte laha akan hoṛko jotet́ lahare ti ạruboḱ hoyoḱa. Onkoaḱ beoharoḱ kićrićko joṭet́ lahare hõ ti ạruboḱ hoyoḱa.
• Ruạḱ hoṛ joṭet́ laha ar joṭet́ tayom ti ạruboḱ hoyoḱa. Onkoaḱ beoharoḱ kićrićko joṭet́ lahare hõ ti ạruboḱ hoyoḱa.
• Bahre jaha seć khon hećkate ti ạruboḱ hoyoḱa.
• Mẽt́-mũ-moca joṭet́ lahare hõ, ar joṭet́ tayom hõ ti ạruboḱ hoyoḱa.
• Lutur joṭet́lre hõ ti ạruboḱ hoyoḱa.
• Bahre khon hećkate jahan ạsul jib janwar ko joṭet́ ko lahare hõ ti ạruboḱ hoyoḱa.Jahan ruạḱ ạsul janwar ko joṭet́ tayom ti ạruṕ saphaḱ hoyoḱa.
• Racate-tạnḍite kateć ti ạruboḱ hoyoḱa. Ar mạilạ tite racate-ṭạnḍite kateć saphaḱ hõ baṅ bogea. Hoe daṛeaḱa gạḍite jaha sećem calaḱ kana. Tala hor re racate-ṭạnḍite kạmi purạukeda. Goṭa ḍaharre gạḍire cet́ko coṅem joṭet́ akat́, janla, duṛuṕ aḱ siṭ ko. Nonkate bin bujhạute aema jibanu ko titem ḍohao joṅa. Noa okte tite racate-ṭạnḍite purạulere aema lekan rog ko hoe daṛeaḱa. Onate racate-ṭạnḍite lahare ti ạruṕ saphae hoyoḱa.

Sanitizer beohar: Hand sanitizer boehar hõ bhageaḱ kana. Enḍekhan 30 second bhor goṭa ti talkare mońjte ojog hoyoḱa. Menkhan onkan ńel ńamoḱ mạilạ tire tahẽlen khan se joṭet́ lekhan sạbun daḱte ti ạruṕ saphaḱ hoyoḱa.                                                                                                              

Utu sunum (soabin) reaḱ dam arhõ ḍherena. Sunum upjạn se arjoniạ somiti reaḱ mit́ ḍhạrwạḱ re men akana je,  Bangladesh Vegetable Oil Refiners and Bonaspati Manufacturers Association Ministry of Commerce ar Bangladesh Tariff Commission são gapalmarao kate sunum dam ḍher reaḱ ko goṭakeda.

Nawa niṭaḱ se goṭa lekate, nit́ khon mit́ liṭer soabin sunum 199 ṭaka kateć ạkhrinoḱa. Noa lahare 187 ṭaka kateć ạkhrińoḱ kan tahẽkana. Inạ chaḍa hõ 5 liṭer botol sunum reaḱ dam 960 ṭaka  paṛaoena. Noa hõ inạ laha do 906 ṭaka kateć ạkhrińoḱ kan tahẽkana. Nawate 54 ṭaka ḍherena. Eṭaḱ sećbon ńel lekhan, khola soabin reaḱ dam hõ liṭer re 9 ṭaka ḍherena. Khan onkage khola sunum reaḱ dam liṭer re 176 ṭaka paṛaoena. Onka leka khola naṛkoṛ sunum hõ liṭer re 135 ṭaka kateć ạkhińoḱa. Nõkõe nonka nawate rakaṕ akan dam lekate nit́ khon hạṭiạ bajar re sunum kiriń ńamoḱa.

Calaoen 14 tạrik Sokolbar din do tãhekana Baṅgla Nãwã Serma 1430 ar Pata mela. Ona din re iń soṅgeye tãhekana Dhaka khon hećlen mit́ official kạmi peṛa. Amnura khon Rajshahi airport te ruạṛ okte re horre nunạḱ hoṛaḱ calaḱ hijuḱ tãhekana je, disom re 40/45 degree Lolo Setoṅ do cet́ hõ bako moneaḱ kana.

Baṅgladisom redo calaoen 9 serma reaḱ jharla jhạrli lolo setoṅ doe parom akada. Nonkan lolo setoṅ re hoṛ hoponko do cet́ hõ bako moneaḱ kana; 14 tạrik do hoe purạuena Cobbis nogor pata mela ar dosar din do Jhalpukur mela. Onka leka goṭa Baṅgladisom re aema jaega re hoe purạuena Pata mela do. Nonkan botor lolo setoṅ re jhaḱ jhạbur lohot́ katet́ re hõ gogo baba boeha misera ar hopon gidrạko soṅge katet́ jiwire botor baṅ katet́ Pata mela teko seṭerlena. Iń soṅgeye tãhekana irạlgel mõṛẽ (85) umer ren haṛam hoṛ, adoye kulikedińa nunạḱ jharla jhạrli setoṅ re cedaḱ noko hoṛ hopon do pata mela teko calaḱ kana; ado roṛ ruạṛ do tãhekana; hoṛko soṅge ńapam ar rạskạ joṅ lạgit́. Ado nunạḱ lolo setoṅ? Hẽ nunạḱ lolo setoṅ rege. Ar Santali sereń doń disạ keda ariń gapalmarao adea;

Serma setoṅ dada jarat́ jarat́

Ot lolo dada rukuṛ dhiri

Serma setoṅ dadań sahaoa

Ot lolo dadań sahaoa

Jurie bạgiạń dada bạń sahaoa

Ạḍi ãṭ doe hahaṛayena. Inạ tayom ge ińren ạḍi sor mit́ hoṛ doń phone adea ariń kuli kedea okare menaḱ mea? Adoe lại adińa iń do Cobbis Nogor reaḱ pata ṭanḍi re. Uhh ạḍi lolo ar aema hoṛ doko jaroa akana, mela hõ ạḍi bes lagao akana. Santal hoṛ hoponko do ạḍi rạskạ selet́ mela re aema lekan jinisko kiriń eda; jom ńũ ar ạḍi rạskạ selet́ aema kạuḍi doko khorcaeda. Ar haire deku pusi tinạḱ rạskạ selet́ santal gogo baba boeha miserako ar gidrạko ṭhen khon sanam kạuḍi doko luṭuć hataoeda. Gubli reaḱ sanam kạuḍi caba katet́ ar hõ oṛaḱ teko ruạṛena; oṛaḱ khon hijuḱ ar calaḱ lạgit́ herel hopon leka Bhaṛate gạḍiko ạgu akada. Santalko, ạdibạsiko tinạḱ rạskạ!!!

Menkhan aboaḱ jumi jaega khon bon laga ocoḱ kana; jahan katha bạnuḱa; ạidạri babon khaṭao daṛeaḱ kana, Oloḱ paṛhao calao idi lạgit́ oṛaḱ re kạuḍi bạnuḱ tabona, khet baṛge cas bas lạgit́ kạuḍi bạnuḱa, oṛaḱ duạr benao lạgit́ kạuḍi bạnuḱa, bhageaḱ jom ńũ lạgit́ kạuḍi bạnuḱa; ruạ hasore paṛao lenkhan kạuḍi bạnuḱa; bhage kạmi hora purạu lạgit́ kạuḍi bạnuḱa; Somoe bạnuḱa; haire santal hopon delabon ruạṛ ma; bhage kạmire lạgit́ kạuḍi bon khorcai ma; ar darakan din lạgit́ bon ganḍon joṅ ma.    

Niạ serma 2023 reaḱ Secondary School Certificate (SSC) ar ona man reaḱ biḍạu do̠ gapa Robibar (30 April) khon eho̠bo̠ḱ kana. Niạ dhao SSC biḍạure 20 lakh 72 hajar 163 goṭen pạṭhuạ gidrạko seledoḱ kana. Calaoen serma khon niạ dhao do̠ 50 hajar 295 goṭen pạṭhuạ gidrạko ḍhera.

Biḍạu do̠ pe (3) hajar 810 goṭen centre re hoyoḱ lạgidoḱ kana. Ar Setaḱ 10:00 baja khon biḍạu eho̠bo̠ḱa. Onate biḍạu emoḱko do̠ adha ghonṭa lahare biḍạu centre te seṭere hoyoḱtakoa. Ona sãote apnar jạruṛ jinis kolom iskel, admit card soṅge darae hoyoḱa. Darakan 23 May SSC, ar SSC ar Dakhil (Vocational) olaḱ biḍạu do̠ mucạdoḱa. Ar onka leka Dakhil olaḱ biḍạu do̠ 25 May mucạdoḱa.

Lukhibar 27 april 2023 setak’ bela  11 baja Amnura Adorsho Balika Ucco bidhaloy reak’ hol rum re gidra umer re ban bapla ar gidra koclon bond cetan mit’ cehaona cepet’ sabha hoyena. Ona cehaona cepec’sabhare maran mukhia hisabte selet’e tahekana manotan Quadrat -E-Khuda, Head Mahasoy Amnura Adorsho Girls High School , 03 no Jhilim Up panel chairman Md. Masud Parvej, Jhilim UP family planing FPI officer Md. Barkatullah , NAGR (National Agency for Green Revolution ) ren Program Officer Prodip Hembrom, Chapainawabganj sadar Somaj seba re somaj kormi Md. Moktazzaman, Asraful Islam , ena chada ho nia totharen mukhia, iskul koren mahasoy, dhorom ak’yurko ar sadharon hor ko selet’ ko tahekana. Nia sabha khon sanam hor cehaona ko emak koa jemon katic’ gidra aloko koclon ko ar gidra umer re aloko bapla ko ente nia kami lekhan gidra ko do aema lekan muhim reko parok’a. Nia cehaona cepec’ sabha do saprao leda World vison Bangadesh reak Strengthening Social and Behavior Change Project (SBC). Nia project ren ayuric’ Manotan Uttam Mondol doe badae ocoket koa ban ma nia kami cetan darakan bar bochor do nia chapainawabganj sadar ar sibganj upojila re nia cehaona kamiye kamiea.

Nes bochor reaḱ SSC biḍạu do̠ darakan 30 April khonaḱge eho̠bo̠ḱ kana. Biḍạu eho̠bo̠ḱte ar eken pe din bạki menaḱa. Noa biḍạu napaete hoe purạu lạgit́te 26 April-23 May hạbić disom re menaḱ jo̠to̠ koching centre bond reaḱ jạhir akana.

Moṅgolbar (25 April) tikin ber 12 baja okte Rajdhani reaḱ Antorjatik Matrivasa Institute melanayoton re SSC ar ona man reaḱ biḍạu napaete hoe purạuḱ babotre galmarao akhṛare Sikhnạt Montri Dr.Dipu Moni noa kathae lại so̠do̠rkeda. Ona jokhen onḍe seṭere tahẽkana Sikha upomontri Mohibul Hasan Chowdhury, Karigori ar Madrasa sikhnạt bibhag ren Sinior Socib Md.Kamal Hossen, Madhomik ar Uchomadhomik bibhag ren socib Md.Soleman Khan, Madhomik ar Uchosikha bibhag ren Maraṅ ạyurić Professor Nehal Ahmed, ar ona sãote seṭere tahẽkana Dhaka sikhnạt board ren Professor Topon Kumar.

Esian phuṭbo̠l konpheḍareson (AFC) -ak̕ asraete ar Siṅgapur phuṭbo̠l pheḍareson-ak̕ sap̕ sapṛaote daraekan 26 kho̠n 30 epril 2023 tạrikh dhạbic̕ mit̕ phuṭbo̠l khilạḍ reak̕ haparao hoyok̕a.̠̠

Noa haparaore Baṅgladesh, Siṅgapur ar Turkeministan un-umạr-17 jạtiạri phuṭbo̠l do̠lko se̠le̠do̠k̕a . AFC un-umạr-17 maejiu esian kap indonesia 2024 reak̕ bachao hõ̠ noa khilạḍ hotete hoyogo̠k̕a. Siṅgapur disạm reak̕ Jalanbasi maedanre khilạḍ haparao do̠ hoyok̕a . Ona khilạḍ haparaore seledo̠k̕ lạgit̕ Baṅgladesh un-umạr-17 maejiu jạtiạri phuṭbo̠l do̠l holanok̕ (23-04-2023) tạrikh ńindạ 10:30 taṛaṅre US BAṄGLA eyarlains reak̕ phlaiṭte Siṅgapurko senena. Niạ̣ khelạḍ re Onnona Murmu Bithi ńutuman mit́ santal kuri hoe khelạḍoḱa mente baḍaeoḱ kana. 

Goṭa Disom Khon Bharot Re Hoṛko Ḍhergea Niạ dhao Chin hõe laga paromkedea Bharot disom. Ar onate goṭa disom khon Bharot disomre ḍher hoṛ menaḱkoa mente lekhayena. UNAFA-reaḱ report lekate, nit Chin re mit́ sae pongel bar (142) karoṛ mõṛẽ gel eyae (57) lakh hoṛ menaḱkoa. Baḍae abon je, 1950 serma khon The State Of World Population report lekate niạ dhao pạhil Chin hõe laga paromkedea Bharot disom. Metaḱme Chin disom khon Bharot re nit ḍher hoṛ menaḱ koa.UNAFA-reaḱ report 2023 lekate, nit Bharot disomre hoṛkoaḱ soṅkha 1428.6 milion. Ar Chin disomre 1425.7 milion, noa talare pharak se begartet́ do hoyoḱ kana 2.9 milion. Eken hoṛko ḍher akana ona do baṅ, ona disom do joto sećte ae-rojgar se bạnij-bepar sećte hõ lahagea.

Moṅgol hiloḱ (18 April) 2021 reaḱ Honors pạhil bo̠cho̠r ren pạṭhuạkoaḱ biḍạu jo̠ so̠do̠rena. Noa biḍạure 31 goṭen bisoe cetanre 880 goṭen College ren ,moṭre 4 lakh 76 hajar 982 goṭen pạṭhuạko selet́lena.

Cet́lekate biḍạu reaḱ jo̠ baḍae ńamoḱa-

Ḍharwạḱre men akana, moṅgol hiloḱ ạyuṕ 7:00 baja tayom biḍạu reaḱ jo̠ so̠do̠r akana. Ado̠ biḍạu jo̠ ńam lạgit́te sms talate mobile option bolokateć nu<space>h1<space>Registration No ol hoyoḱa. Inạkate 16222 nombor re kol lekange Biswabidaloy reaḱ website www.nu.ac.bd ar www.nubd.info khon ạḍi algate biḍạu reaḱ jo̠ baḍae ńamoḱa.