UEFA Champios League Reaḱ Final Reko Rakaṕe̠na FC Bayern Munich

UEFA Champions League final re rakaṕ enae FC Bayern Munich. Hola tala ńindạ hoyen semi-final khelạḍre Frence re̠n football dol Olympique Lyonnais 0-3 goal te̠ harao kate haparao reaḱ final re̠ khilạḍoḱ reaḱ ạidạri ko hameṭ keda.Ona khilạḍ re̠ko goal akada Serge Gnabry (18 ar 33minute re̠), Robert Lewandowski (88 munite re̠).Pạhil kho̠n ge̠ ạḍi mońj le gate̠lena ar aema ạt le tear leda menkhan bale goal dareada. Onatege̠ aleaḱ noa harao do, menkhan aema sarhao gidrạko noa haparao re ạḍi soros ko gati akana-nonkae men o̠co̠keda Lyon ren coach (gate cecet́ić) Rudi Garcia.

Daraekan robbar hiloḱ France re̠n football ḍol Paris St Germain sãote final re harpraoḱ re ko ńir ńapamoḱa 11 dhao final re rakaṕen dol FC Bayern Munich.

Niropon Hoṛmo ạn manao kate Ko̠ro̠na tayom Iskulko Jhić reaḱ hudis

Ko̠ro̠na tayom pạhil Iskulko jhićlenre o̠nako Iskul re̠n adha pạṭhuạ gidrạko mit́ din ar dosar din adha gidrạko calaḱa. Noṅkage̠ mit́ din kate tayom ona Iskul ren sanam pạṭhua gidrạ ko do Iskul teko calaḱa. Iskul re̠ boloḱ lahare gidrạkodo ti ar-jańga ạruṕ kate Iskul oṛaḱ ko boloḱa.Onkage̠ mãhãsoe ar gidrạ koaḱ Hoṛmo reaḱ lolo (tapmatra) ńel se soṅ do hoyoḱa, Onka chaḍa Iskul boloḱ do manage̠a.Nonkanaḱ aema ạn ariko benao kate nãwã te Iskul jhić lạgit́ ko hudiseda Prathomik ar Gonosikkha Montronaloe.
Prathomik ar Gonosikkha montronaloe re̠n senior socib Md. Akram-al-hossaine mene̠da, ko̠ro̠na tayom Iskulko ce̠t́ lekate calaoḱa ona reaḱ miṭ́ṭen ạṅ-ạrile teareda. Noa kạmido mucạt́ heć akana.Tehe̠ń gapare ạṅ-ạri lekate noa kole̠ sodora.Tobe Iskul tiskote e̠hoboḱa onado̠ sarkare̠ hudisa.

Moṅgol hiloḱ noa babot ko duṛuṕ lena Prathomik ar Gonosikkha Montronaloe re o̠nḍe̠ do noako goṭa keda, Iskul saṕ-daṕko jonoprotinidhi ar sthaniyo prosanon noako ńel jutạ.

Goṛoko ńamkeda Ṭhakurgaon ren Ạdibạsi Pạṭhuạko

Teheń Ṭhạkurgaon jilạ reaḱ sodor Upojila Porisod reaḱ Gapalmarao oṛaḱ re Upojila Somaj susar(Somaj seba) Ṭhakurgaon sador reaṅ 8 goṭen Union re tahen kan Ạdibạsi gharońj renko reaḱ jion jingi lahanti ar onkoren kolejre paṛhaoḱ kan 16 goṭen pạṭhuạko talare 4000 hajar kate moṭ 64000 kạuḍi ko em hạṭiń keda. Niạ emoḱ akhṛa re maran pera hisạbte setere tahekana Upojila Maran Mukhia(Nirbahi Officer) Abdullah Al Mamun

Niạ se̠rma PEC biḍạu baṅ hatao reaḱ ko ṅum uduḱ keda

Ko̠ro̠na ajar iạte tala-mala re̠ Primary Education Certificate biḍạu baṅ hatao reaḱ ko hudis e̠da.Iskul kore okako biḍạu hoyoḱ onako bac bicạr katek ge jemonko mulại,nonkan ṅum uduḱ ko kol akada Marań montri ṭhen. Te̠he̠n Prathjomik ar Ganasikkha halat montri jaker hossein noa kathai roṛkeda khobor sakam re̠n khoboriạ ko ṭhen.

Ko̠ro̠na ajar iạte niạ se̠rma reaḱ PEC ar JSC biḍau bań hoe oco reaḱ goṭawaḱ ko hatao keda.nia cando no̠a lạgit́ Maraṅ Montri re̠n mukhiạ kạmiạic(socib) Ahmed Kaikaisar raḱ hạjir te̠ sikhnạt,pạhil ar sanamko lạgit́ sikhnạt kạmiạic talare miṭṭen gapalmarao hoelena.onare noa ko goṭa keda.

Pheraoḱ soṅgete Mahasoe ko milạuḱ jạruṛakoa: Siknạt Montri

Mahasoe doko hoyoḱ kana hoṛ benao ren kạrigol. Jaoge biggan reaḱ pherao do hoyoḱ kana. Mahasoe ko hõ niạ pherao soṅge apnar nije manao hatao lagao akoa menteye roṛkeda Sikna̠t Montri Dr. Dipu Moni.

Moṅgolbar (18 august) Jạtiạri Bhabna mãhã diḱsạ akhṛa re Sadhinota Shikhok Porisodaḱ saṕṛaote Boṅbondhuaḱ siknạt dorson ńutuman online gapalmarao dupuṛuṕ re niạ kathae menakada Dipu Moni.

Sadhinota Shikhok Porisod ren mukhiạ Professor Abdul Mannanaḱ ạyurte ar Sadharon Sompadok Shajahan Alom Sajuaḱ saṕraote Sadhinota Shikhok Porisodren aema mukhiạko ko noa gapalmarao akhṛare selet́ ko tahekana.

Siknạt Montrie menkeda Mahasoe kodo eken siknạt em kạmire lạgiạpaṛao baṅkate siknạt gidrạko nana hunạr online akel hameṭjoṅ cet́ ako hoyoḱa. Boṅgo bondhue menakada mońj sãota benao rakaṕre siknạt re kạudi em cetan jahan maraṅ do baṅ hoe daṛeaḱa. Uni do disạm reaḱ hoyoḱkan airojgar reaḱ 4% siknạtre em lạgit́e menleda.

Boge Siknạt lạgit́ Sarkar do karikulam bodol ar ona reaḱ man baḍhao, Mahasoe ko cet́ako ar Mahasoe nawate hataore jemon mońj hoyoḱ ona cetan re bạṛtie nojor akada. Gidrạko iskul koleje reaḱ siknạt sãosão gạkhuṛ, apan apin sahao daṛe ar jahan muskilrego paṛaoḱ ona reaṅ khon oḍoṅ daṛeaḱ ona siknạt emako hoyoḱa.

Pạhil dhạo leka UEFA Champios League Football Haparao Reaḱ Final Reko Rakaṕe̠na Paris St Germain

Franch club o̠koi do̠ moṛe gel janam mahã ko manao lạgit́ onku ge netoḱ Chanpions League final ko gateḱ lạgit́. Paris St Germain pahil dhao leka UEFA Champions League final reku rakap ena.Hola tala ńindạ hoen semi-final re Germany re̠n football club RB Leipzig 3-0 goal te̠ harao kate haparao reaḱ final re̠ khilạḍoḱ reaḱ ạidạri ko hameṭ keda. Pahilre Marquinhos ar Di Maria aḱ goalte khilạḍ re̠ku laha akan tahẽkana PSG. Menkhan khilạḍ 56 minute re̠ Juan Bernat tesaraḱ goal te jitao do nisṭạe̠n takoạ.

Daraekan aṭhwar hiloḱ dosar semi-final re̠ jitauḱ kan ḍol saõte final reaḱ jit ṭupri horog lagit ku laṛhaia Thomas Tukhel re̠n ḍol.

HẠNḌI

Daḱ leka saḍar – suḍuṛ

Sạḍgur – bạḍgur hạnḍi,

Kạńji kasa jembet́ hoṅgor.

Cakhna sim sạnḍi.

Nana hunạr hạnḍi ńutum

Sodae bodae mońja,

Matkom caole guhum reaḱ

Jhar arda doja.

Pạurạ tạṛi dạru arhõ

cạḍi hạnḍi menaḱ

Lạlu bạcu koyoḱ daram

hoṛo benḍar rạnu.

Neõta peṛa ato gharna

joto geko ńue.

Cand begar kukmu kumbạ

saram leka mẽt́

Awaṭapa saõta sushạr

Baṅ daṛeaḱ cet́.

Anduṛ mạnduṛ setaḱ ạyuṕ

ńu tegebon tahen.

Nit dhạbić saõta – gaõta

taenom idiyen.

Baṅdo hạnḍi asol gate

Baṅdo orom bạiri.

Laweroḱ ko haṛam buḍhi

jạsti koṛa- kuṛi.

Jiwet́ jion ṭarhao lạgit́

onkoge ạyuriạ.

Hạnḍi baṅa hoyoḱ mabon

manwa dulạṛiạ.

Abo joto santal hopon

pạrsi muṭhạn baṅ hạṭiń

Goṛo –gopoṛo kạmie mabon

am maraṅ iń huḍiń.

Biḱcạr ńam asre paromena 20 Serma !

Ạdibạsi koren ạyurićaḱ biḱcạr koyoḱ hor re paromena 20 serma. 18 august 2000 serma teheńaḱ niạ dinre Alfred Soren do Naoga reaḱ Bhimpur ato re jumi jaega dokhol baṛić hoṛ (diko) tite din reaḱ siń marsal reye goć ocolena. Ạdibạsi ạyurić Alfred Sorenaḱ teheń 20 serma paromen rehõ jahan bicạr baṅ ńam akana. Mamla reaḱ biḱcạr cet́ hoyoḱa daraekan dinre ? Niạ lạgit́ aema hudis ar ganḍon do menaḱa ạdibạsi hoṛko talare. Noko Ạdibạsi hoṛkoaḱ lạire baḍaeoḱ kana; jạmin re menaḱ ko dusi hoṛ do onko Ạdibạsi hoṛko botor ocoyet́koa. Onkoaḱ dhomokte jiwi reaḱ botorte aema hoṛ kodo akoaḱ gharońjko selet́ ona ato khonko dạṛ pharak akana. Nit okoe ko menaḱ ko onko hõ botorte bako cas bas daṛeaḱ kana onako jumire. Okoe ko mamlaren sạkhi ko tahẽkan onko hõ jiwi reaḱ botor te hanḍe nanḍe ko calaoena. Onate Aflred Sorenaḱ hike biḱcạr ńamoḱase baṅ ona reaṅ digdhạ ko sodor akada uni gharońjren ar ạdibạsi mukhiạko.

Mit́ din re̠ Disom re ko goćena 46 hoṛ KO̠RO̠NA Ajarte

Baṅgladisạm re̠ 24 ghonṭare KO̠RO̠NA ajar te̠ko jạbunena 3200 hor, ar mit́ din re̠ ko goćena 46 hoṛ. IECDR reaḱ hisạbte ajarreko paṛoen hoṛaḱ lekha do hoena 2 lakh 82 hajar 344 hoṛ ar goćena ko 3 hajar 740 hoṛ.

24 ghonṭa re bogeyenako 3 hajar 234 hoṛ.

Onko selet́ moṭ ko̠ro̠na ajar khon boge akan ko hoyena 1 lakh 62 hajar 825 hoṛ.

Teheń disom sombat buleṭin re̠ noa kathako so̠do̠r keda Sastho Odhidoptor.

Abo aḍepase disom Bharot re ho niạ ajar do ạḍi bạṛić ḍher calaḱ kana. Ona bhitrere santal disom jharkhan re din din niạ ko̠ro̠na ajar do ḍher idiḱ kana. Rimmy Marcila Tudu Dumka khon santalstimes e baḍae ocokedea teheń Dumkạ ren mit́ docṭor Sitaram Shah do niạ ajr tey goćena Racnchi re. Dumkạren Deputy Commissioner ar uniren driver, police office ko ho niạ rog ńam akat́ koa. Dumka reaḱ santal pargana re aema police ko jạbunakana niạ ko̠ro̠̠na ajar te. Goṭa Bharot disom re teheń hạbić te 27 lakh 2 hajar 742 hoṛ niạ ajar teko jạbun akana. Goṭa dhạrti re niạ rogte jạbun akan hisạte pạhil ṭhại re do America 54 lakh 37 hajar ar dosar do Brajil onḍe do 33 lakh 59 hajar hoṛ niạ rog ńam akat́ koa.

Disạm re 3 lakh so̠r ko̠ro̠na ajar hoṛ ko saṅgeyena

Baṅgladisạm re̠ KO̠RO̠NA ajar re̠ ko paṛao akan hoṛ do din din teko saṅgẽ idiḱ kana. Hola lekhare noa ajarren ko hoyoḱ kana 2024 hoṛ ar mit́ din re̠ ko goćena 32 hoṛ, aṭhwar hiloḱ re̠aḱ disạm sombat buleṭin re̠ noa kathako so̠do̠r keda Sastho Odhidoptor.

Onare ar ho ko sodor keda hola setaḱ 8 baja dhạbić 2 hajar 24 hoṛ nawa ajar hoṛ ko hoyena moṭre 2 lakh 76 hajar 657 hoṛ. IECDR reaḱ hisạbte oṛaḱre ar haspatalre cikitsa hatao kate 1315 ajar rugiko boge akana. Onko niạ moṭ ko̠ro̠na ajar khon boge akan ko hoena 1lakh 58 hajar 950 hoṛ.

Baṅgladisom re ko̠ro̠na ruạ pạhil saṕ ńamlena 8 march, ar nit hạbić niạ khon 2 lakh 50 hajar cetan ko hoyena calaoen 7 august 2020 tạrik. Niạ bhitrire 2 julai 4 hajar 19 hoṛ ko̠ro̠na rugiko ńamlena, oka mit́ dinre joto khon dher.

Pạhil rugiko ńamena 1o maha tayom 18 march, disạm re pạhil niạ ruạte gojoḱ reaḱ khobor ko sodorleda Sastho Odhidoptor. 12 august onko gojoḱ hoṛko do 3 hajar 500 ko paromkeda. Ona bhitrere 30 jun 64 hoṛ ko goć reaḱ khobor ńamlena, oka do niạ ko dinre mit́ dinre joto khon dher hoṛaḱ gojoḱ tahekana.