Ceṭer Seṅgelteye Boṅga talayena Gainaha Lukhiram Hasdaḱ

Phuṭbol kheloḍ ńeńel calaokate ceṭer ńurteye rapaḱ goćena sanam koren oporomić gainaha Lukhiram Hasdaḱ (35), Uni chaḍa hõ sãoreko tahẽkan Bappa Pạuria (25), Bikash Soren (25), ar Johor Murmu (22), bajao̠ akana

Niạ ghoṭona do hoeakana 23 August 2020, tikin amdaj 1 baja okte, Puruliạ jilạ Manbajar-1 thana reaḱ Bishri ato poncayet reaṅ Cirubbhitạ ato reaḱ phuṭbol ṭạnḍire. Phuṭbol kheloḍ calaoḱ kan tahẽkanre thoṛa thoṛae daḱet́ kan tahẽna. Ṭhik inạ okte ackage huḍurate ceṭer ńurena Lukhiram Hasdaḱre ar são sãote inạ ghạṛi rege Lukhiram Hasdaḱ doe goćena ar ać sãoten ko onko pe hoṛ do são sãote Manbajar haspatal reko bhurti akat́koa.

Gainaha Lukhiram Hasdaḱ do Santali ḍaknam gainaha Sorosoti Hasdaḱ ren jãwãye tahẽkana. Lukhiram Hasdaḱ ar aćren oṛaḱ hoṛ Sorosoti Hasdaḱ aḱ do `Rahala Arkestra’ ńutuman mit́ sereń durạṅ dol menaḱ takina. Ona Rahala Arkestra sereń durạṅ dol do goṭa serma Pạchim baṅgla, Urissa, Jharkhanḍ Bihar ar hõ aema ṭoṭha kore sereń akhṛako uchạneda. Niạ Arkestra Sereń durạṅ dol hotete aema kuṛi-koṛawaḱ ae-rojgar reaḱ maraṅ kạmi ạt hoe kana. Ạkinaḱ niạ sereń duraṅ dol khạtir ạdibạsi ko talare aema namḍakkin kin hameṭ akada.

Namḍak gainaha Lukhiram Hasdawaḱ niạ ackage dhạrti puri khon calaḱ tedo Manbajar ṭoṭhare rạskạjoṅ kusiaḱkan boeha Miserako talare homor halaṅ hoyoḱ kana. Uniaḱ niạ acka gujuḱre sanam koge ạḍiko bhabna seledoḱ kana.

– Tumạl Sarsagun khobor sakam khon

Ko̠ro̠na Ajarte Jạbun akana Disom Guru Shibu Soren

Ko̠ro̠na do okoe ho bae baxgi akat́koa, gidrạ sẽṛa, haṛam buḍhi, koṛa kuṛi sanamge niạ ajarteko jạbunoḱ kana. Niạ dhao do Disom Guru Sibu Soren ko̠ro̠na ajarteye jạbunena mente khobor ńamena. Calaoen 22 Agust 2020 sạnicar hiloḱ Jhaṛkhanḍ ren mare maraṅ Monrti, Rajsabharen Rạsiạ Shibu Sorenaḱ Covid-19 report re noa ajarte jạbun reaḱ khobor baḍae akana. Ać ren oṛaḱ hoṛ Rupi Soren ho noa ajarteye jạbun akana. Niạ laha Shibu Sorenaḱ oṛaḱ reko kạmi kan 17 goṭen hoṛkoaḱ hoṛmo rehõ niạ ko̠ro̠na ajar ńam akana. Niạ halotre Guru goṅkeaḱ oṛaḱre arhõ 7 hoṛ niạ ajarte jạbunoḱ reaḱ khobor ńamakana.

Teheń 24 August aćren hopotet́ metaḱme nit menae Maraṅ Montri Hemonto Soren ar uniren oṛaḱ hoṛ ar uniaḱ oṛaḱ re kạmikan sereć ko covid-19 reaṅko biḍạu ocoḱa. Soren gharońj re ko̠ro̠na ajar reaḱ so̠mbat ńam tayom ge goṭa Jhaṛkhanḍ ṭoṭhare bạṛti sonto̠r ko hatao akada. Niạ khạtir disomre Guru goṅkeren celako talare mirluṅ ar bahbna mon ńelogoḱkan takoa. Sanamko Shibu Soren ar uni gharońjren koaḱ usạra pharnaḱ ko koejoṅeda Sisirjạić ṭhen.

Sarsạgun khobor sakam khon ol tumạl akana

Goṭa Dhạrtiren ko hẽtaoada Dhạrti-jakat gidrạ pạṛiạre kạmi

niạko o̠kte Kingdom Of Tango pạhilko mạnjur let́ tayom ILO ren 187 goṭen disom ren jo̠to̠hoṛ ko mạnjur keda.

Khobor sakam kore noako kathae sodor keda dhạrti jakat utrạu gaõta (unnoyon songstha) good neighbors,Bangladesh

Good Neighbor,Bangladesh ren ạyurić M Mainuddin Mainul mạnjur kate noa kho̠bo̠r ko baḍae ocoyena,Korona ajar oktere gidrạ pạṛiạre kạmi kore kajak ko̠ṭo̠ḱ re menaḱ koa.nitoḱ ILO aḱ noa arjao bangladisom ar dhạrti ren koaḱ ạḍi porho anaḱ hoyoḱa.enḍekhan dhạrti ren jo̠to̠ gidrạko bhạlại ko ńama.

Onare arhõ ol tahẽkana 1996 sal khon good neihbor bangladisom re kạmiạ gidrạkoaḱ rohot́ pohot́(surokkha) re ko kạmi idieda.

Ona chaḍa gidrạko lạgit́ judạ montronaloi tear lạgit́ ardas ko dohoeda Sarkar ṭhen.nit hạbić te Sarkar gidrạko lạgit́ judạ Mahale̠ (odidoptor) tear keda.nitoḱ ILO reaḱ noa hameṭ kạmi gidrạko lạgit́ ạḍi porhoanaḱ hoyoḱa, noa asle dohoeda.