Giriptare̠nae̠ He̠phajot ren ạyurić Mamunul Hauque

Hephajo̠t Islamren Kendro jugmo mohaso̠cib ar Dhaka maraṅ naṅgrharen secretạri Maolana Mamunul Haque ko̠ giriptar akadea Dhaka maraṅ naṅgraha goyenda (DB) police. Teheń robibar (18/04/2021) tikin 1 baja seć Mohammodpur Jamiya Rahmania Arabia Madrasa kho̠n uni do̠ ko̠ giriptar akadea.

Dhaka maraṅ naṅgraha DB police ren jugmo̠ ko̠miso̠nar Mahbubul Alam e̠ baḍae oco̠ḱ kana baṅma, 2013 serma reaḱ 5 May Sapla co̠tto̠r re gho̠ṭaolen gho̠ṭo̠na reaḱ mamla rege nui do̠ ko̠ giriptar akadea. No̠a chaḍa ho̠ uni birudre So̠nargã thana ar Dhaka reaḱ Motijhil thanare mit́ṭen cetan kate mamla menaḱa. Niạko̠ mamlare nui do̠ remand re hatao̠ kate ko̠ kuliyiya.

Sulukrey Jirạuena Mukti joddha So̠m Murmu

Teheň setaǩ ber niạ Baṅladiso̠m phurgạl ren birbanṭa lạṛhaić Mn Som Murmu do noa̠ dhuṛi dhạrtiy bạgiyada. Uni gujuḱ okte umer do̠ hoelentaya 65 serma. Uni do̠ jolahar re aćaḱ janam atorege ko hasawadea. Gujoḱ okte uni do̠ aćren oṛaḱ hoṛ ar 7 goṭen gidrạ ar 11 goṭen goṛom gidrạ niạ dhạrtirey bạgeakat́koa. Som Murmu do̠ diso̠m phurgạl re samna sạmniy selet́ lena. Uniaḱ id no. do̠ 6312. Mn Som Murmu aḱ mạrị bae okte mucat́ dhao leka gard of honor ko emadea chapainãwabganj sador thanren Police ar selet́e tahekana Chapainawabganj sodor Upojila nirbahi Officer Md. Najmul Hasan Sarkar ar hō ade̠ paseren lekman hoṛko.

Ko̠ro̠na ajarte Diso̠m reaḱ Nagam re joto kho̠n Ḍher hoṛ ko Gurena teheň

Teheń do̠ Diso̠m re Lockdown reaḱ do̠sar din kana. Ar teheńge Diso̠m re joto kho̠n ḍher hoṛ ko̠ro̠na ajarteko̠ ja̠bun akana. Gujuḱ hõ aema ḍher akana. Calao̠en goṭa dinre Diso̠m reaḱ nagam re joto̠ kho̠n ḍher 66 hoṛko goćena. Niạ halo̠ḱ diso̠mre ko̠ro̠na ajarte gujuḱ hoṛkoaḱ lekha do̠ no̠nka 9 hajar 384 hoṛ. Ar calaoen din re Ko̠ro̠na ajarteko̠ jạbunena 7 hajar 213 hoṛ. Nit hạbić niạ ajarte jạbun akan hoṛkoaḱ lekha do̠ no̠nka teheń hạbić 6 lakh 51 hajar 652 hoṛ. Ko̠ro̠na ajar te jạbun akan kho̠n nit hạbić ko̠ pharnao̠ akana 5 lakh 58 hajar 383 hoṛ.

Ko̠ro̠na ajar te joto̠ kho̠n ḍher ho̠ṛ jạbun ar goć akan diso̠m do hoyo̠ḱ kana America. Niạ diso̠mre ko̠ jạbun akana 3 kạruṛ 14 lakh 90 hajar 563 hoṛ ar ko̠ goć akana 5 lakh 69 hajar 197 hoṛ.

Do̠sar dhaṕre menaḱ diso̠m do̠ Brazil. Niạ diso̠m re nit hạbić ko jạbun akana 1 kạruṛ 30 lakh 23 hajar 189 hoṛ. Goć akanako̠ 3 lakh 33 hajar 153 hoṛ.

Ko̠ro̠na ajarte jạbun akan sećte Tesar dhaṕ re ar gujuḱ seć lekate po̠n dhaṕre menaḱa Bharot diso̠m. Nit hạbić niạ diso̠m re ko̠ro̠na ajarte jạbun akan hoṛ ko hoyo̠ḱ kana 1 kạruṛ 26 lakh 84 hajar 477 hoṛ ar goć akanako 1 lakh 65 hajar 577 hoṛ.

Ko̠ro̠na ajar do̠ niạ Baṅgladiso̠m re calaoen serma March cando̠ reaḱ 08 tạrik saṕ lena hoṛko̠aḱ hoṛmo̠ re ńamlena.

Ar hõ diso̠mre lock dõwn hoyoḱ lạgido̠ḱ kana Sombar hiloḱ kho̠n

Baṅgladiso̠m re ko̠ro̠na ro̠g te jạbuno̠ḱ ḍher edeḱ kante mit́ hapta reaṅ Lock Down emeda Sarkar.

Jo̠no̠pro̠saso̠n Pro̠timo̠ntri Forhad Ho̠sen e lại so̠do̠rkeda baṅma mit́ hapta reaḱ Lock Down ehoṕ daṛeaḱa So̠m ar baṅkhan mo̠ngo̠l hilo̠k kho̠n. Nit re do̠ jahan din do̠e bae niṭ akada protimo̠ntri. Uni do̠e men akada baṅma diso̠m hoṛko̠ saṕṛaoḱ reaḱ ạte emako̠ jạruṛa. Menkhan Soṛoḱ dahar ar Setu Mo̠ntri ar Awamilig ren Sadharo̠n So̠mpado̠k O̠baidul kader udo̠ḱ kate kho̠bo̠riạ sakamren kạmiạko̠ ko̠ baḍae o̠co̠kana so̠mbar din kho̠n lock down eho̠bo̠ḱ kana. Menkhan cet́ leka kate niạ Lock Down kạmi purạḱa o̠na do̠ nit ho̠ baṅ so̠do̠r akana. Tobe jạruṛ goṛo̠ em são̠tako̠ ar kićrić tear karkhana ar eṭaḱ karkhana ko̠ do̠ Lock Down bhitrire ho̠ jhić tahekana.

So̠ko̠lbar Diso̠m reaḱ Sastho O̠dhido̠ptor reaḱ so̠mbat so̠do̠r re ko̠ baḍae oco̠kana calaoen din re metaḱ 24 gho̠nta re 29,339 goṭen hoṛko biḍạu akat́ koa ar onko̠ mo̠dre 6,830 goṭen hoṛ niạ ro̠g teko̠ jạbun akana. Ar calaoen din re 50 hoṛ do niạ ko̠ro̠na ajarteko̠ gurena. Niạ khạtir diso̠m reaḱ sanak lekan ńeńel ar daṛan ṭhại ko̠ do̠ ko̠ bo̠nd akada daṛan lạgit́.

DINẠJPURRE̠ HOEPURẠUENA SANTAL O̠NO̠LIẠ KOAḰ HE̠LME̠L SABHA

Baṅladisạm reak̕ Dinạjpur jilạ Karitas sobha oṛak̕re̠ holano̠k̕ setak̕ 10:30 am kho̠n tikin tarasiń 2:00 hạbic̕ Santali o̠no̠liạko niạte̠ mit̕ṭe̠n He̠lme̠l hoyena . Noa he̠lme̠l do̠ sapṛao hoyle̠na Shikhạuna, Niro̠pon ho̠ṛmo̠ (Health) ar ạricạli niyạte̠ kạmi idiet̕kan santal juwạnkoak̕ banadhao Kukmu Ḍiṇḍạ .

” Santali sãohẽ̠t̕ reak̕ laha ar nahak̕ o̠bo̠stha : Aboak̕ gaṇḍo̠n ar lạgti be̠bo̠stha” – noa muṇḍhạt̕ rạṛ do̠ho̠ katet̕ he̠lme̠l do̠ hoy paro̠me̠na .

Mit̕ṭe̠n pạrsi do̠ daṛean ocoe lạgit̕ jạruṛa to̠ttho̠ – upatto̠ ar go̠beso̠na. He̠lme̠lre̠ santali pạrsite̠ go̠besona ar to̠ttho̠ – upantto ko saṅge ocoe lạgit̕ santali̇e jạsti jạsti jạsti o̠no̠l o̠lo̠k̕re̠ jor emo̠k̕ko goṭa baṛakeda.

Kukmu Ḍiṇḍạ re̠n mukhiạ So̠mres Ṭuḍu do̠ sanamko PIṚHI samoyiki sakamre̠ ( Magazine) santali o̠no̠lko jạsti jạsti kol reak̕ ardase do̠ho̠keda .

Noa he̠lme̠lre̠ Baṅladisạm re̠n aema o̠no̠liạ ar banadhao ayuric̕ko (organisation leaders ) se̠le̠t̕lena. Baktanko do̠ho̠leda Kukmu Ḍiṇḍạ re̠n maraṅ nạcuic̕ (Chief Adviser) Dr. Hilarius Hembro̠m , go̠ṛo̠ nạcuic̕ (assistant adviser) Sebastian Hembrom, Dinạjpur narsiṅ ko̠lej re̠n Prinsipal Magdalina Soren , So̠mo̠r soren , Raju He̠mbro̠m , Benjamin soren , maikel baske arhõ̠ emanko .

He̠lme̠l cacalaoic̕ le̠kateye tahẽ̠kana Mukul Kisku , Mukhiạ lekateye tahẽ̠kana Kukmu Ḍiṇḍạ re̠n Mukhiạ So̠mres Ṭuḍu .

Niạ Serma BKSP re 16 goṭen adivạsi gidrạko ạt ko̠ ńamkeda

Baṅgladesh Krira Shikkha Protisṭhan (BKSP) niạ 2021 serma re 16 goṭen ạdivạsi kheloḍio gidrạko̠ paṛhaoḱ reaḱ ạt ko̠ ńamkeda. No̠ko̠ kheloḍio̠ko̠ do̠ 7 goṭen khelạḍ bibhag re go̠ṭa diso̠mren 16 goṭen kheloḍio gidrạko̠ pạhil dhaṕreko bachao o̠co̠ akana. Kheloḍio̠ bibhag ko̠ do̠ no̠nka leka- fooṭbol re 06 hoṛ, Hoki re 04 hoṛ, Shooting re 02 hoṛ, Cricket, Boxing, Skoas ar Tabil Tennis re 01 mit́ hoṛ kate ko̠ bachao̠re ạtko̠ ńamakada. Bachao̠ akan ạdivạsi kheloḍi ko̠ do̠ mo̠dre 10 go̠ṭen kuṛi gidrạ ar 06 go̠ṭen ko̠ṛa gidrạ. O̠nko̠ mo̠dre 2 hoṛ Satkhira ren, 03 hoṛ Dinạjpur ren, 04 hoṛ Rangamaṭi, 02 hoṛ Koxbazar ar 01 hoṛ kate Dhaka ren, Joypurhaṭ, Khagṛachuṛi, Cottogram ar Tangail ren meno̠ḱko̠a.

BKSP reaṅ 19 go̠ṭen bibhag re go̠ṭa diso̠m kho̠n 765 kheloḍi ho̠ṛko bạchao̠ akat́ koa. Kheloḍi bibhag ko̠ do̠ hoyoḱkana Archari, Baskeṭbo̠l, Fooṭball, Ho̠ki, Karate, Shooting, Pairaḱ, Gemnesṭics, Boxing, Juḍo̠, Kabaḍi, Skoash, Table Tennis, Tennis, ar Ushu. 2021 serma March cando̠ reaḱ 10 tạrik BKSP ren ạyurić (Prosikhon) Cornel A.K.M. Majaharul Haque aḱ suhian mit́ sakam re BKSP reaṅ website re so̠do̠r akana.

Diso̠m reaḱ moṛẽ goṭen bibhagre teheń hoe bharḍoate daḱ daṛeaḱa

Teheň̌ Diso̠m ́reaḱ moṛẽ ̣goṭen bibhag- Rajshahi, Rangpur, Dhaka, Khulna ar Shilhet reaḱ ṭhạikore daḱ hoe huḍur-bijliate daḱ ar hoe bharḍo hoyoḱ reaḱ as menaḱa mente abohaoa odhidoptore baḍae oco̠kana. Thoṛa ṭhạikore do hoe bhạrḍo hoeyena. Teheńaḱ din ar ńindạ reaḱ tapmatra (lolo) do̠ thoṛa reaṛ tahena.

Usạrage jhijoḱ kana Sikhnạt Sãota

Ko̠ro̠na Mohamari karo̠nte diso̠m reaḱ sanam sikhnạt são̠ta do bo̠ndhgea nit hạbić. O̠na bo̠nd gão̠tako̠ ạḍi usạrage jhićako mentey badae o̠co̠kan diso̠mren sikhnạt mo̠ntri Dr. Dipu Moni. Gurubar Jatiyo̠ Bisho̠ Biddalo̠y latarre menaḱ ko̠lege pạṭhuạ ko̠ mo̠dre go̠ṭa diso̠m kho̠n nanan biso̠yre jo̠to̠ kho̠n so̠ro̠s jo̠an ko̠ 30 pạṭhuạko̠ Vice chancellor Award (so̠na siro̠pa) em akhaṛa re selet́kate niạ kathae lại jạhirakada.

Jo̠to̠ sikhnạt são̠tage jhić lạgit́ saṕṛao̠ akana. Ko̠ro̠na biso̠yren jạtiyạri so̠po̠lha co̠mmittee ko̠aḱ so̠lha ńamlen khan ge ạḍi usarage niạ sikhnạt são̠ta do̠ jhić reaṅko̠ hudiso̠ḱ kana. Dr. Dipu Moni Mahaso̠e ko̠aḱ ko̠ro̠na ṭikạ hatao babo̠te menkeda diso̠mren sanam mahaso̠e ko̠ge niạ ṭikạ do̠ko̠ ńama. Enạ tayo̠m to̠rkhan to̠rkhante jo̠to̠ ko̠lege versiti pạṭhuạko̠ hõ ko̠ro̠na ṭikạ ko̠ ńama.

Diso̠m reaḱ Jatiyo̠ Bisho̠ Biddalo̠y (National Universit́y) do̠ pạhil dhao̠ leka niạ serma kho̠nge Vice chancellor Award (so̠na siro̠pa). Ar nit kho̠n do̠ diso̠mren so̠ro̠s pạṭhuạko̠ talare niạ do̠ jao serma emo̠go̠ḱa. Niạ akhṛare maraṅ mukhiạ hisạbte selet́e tahekana Jatiyo Bisho̠ Biddalo̠y ren Upacarjo̠ D. Harun-Ur-Rashid, Manotan peṛa hisạbte selet́ko tahekana Shiknạt Upo- Montri Mo̠hibul Hasan Chowduri, Bisho̠ Biddalo̠y mo̠njuri co̠mmission ren chairman D. Kazi Sohidullah, Shikhnạt socib Md. Mahbub Hosen, Madhomok ar Ucchomadhomic odhidoptoren Mohaporicalok D. Saiyod Golam Faruk.

Mujib Bo̠cho̠re O̠ṛaḱ ko̠ ńamkeda 70 hajar Reṅgeć-nacer Gharo̠ńjrenko̠

Niạ Diso̠mre aẽma ho̠r do̠ menaḱ ko̠a o̠ko̠e do̠ bo̠ho̠ḱ aḍo̠n ṭhại bạnuḱtako̠a. Ạḍi haro̠n ar duk salet́ge jion jiṅgeko̠ khemao̠et́ kana. Baṅgladiso̠m furgạl laha se tayo̠m kho̠n nit hạbić no̠ko̠ ho̠ṛdo̠ eṭaḱ ho̠ṛaḱ bhitạre asharaikate ko tahenkana. No̠nkan nacar bạpuṛić ho̠ṛko̠aḱ kuḱmũ mit́ṭen bo̠ho̠ḱ aḍo̠n ṭhại apanar hasre kumbạ o̠ṛaḱ tahen. Ar hẽ niạ kukmũ do̠ purạen tako̠a niạ Mujib Bo̠cho̠rre. Ho̠la 23 january 2021 Mujib bo̠cho̠r ńutumte Sheik Mujibo̠r Rahman ren ho̠po̠nera Sheik Hasinawaḱ kurumuṭute go̠ṭa diso̠mren o̠ṛaḱ ṭhại bạnuḱ tako̠ o̠nkan 66 hajar 189 go̠ṭen gharo̠ń adha paka iṭạ o̠ṛaḱ ar apnar ńutumte o̠ṛaḱ bhiṭạ reaḱ do̠lil sakamko̠ ńamkeda. Enạ chạḍa hõ diso̠m reaḱ 36 go̠ṭen Upojilạre berak benao̠kate 3 hajar 715 go̠ṭen gharo̠ńjrenko̠ tahen reaḱ ko̠ saebo̠sto̠ akat́ko̠a. Jo̠to̠ko̠te Mujib bo̠cho̠r reaḱ sandes hisạbte 69 hajar 904 go̠ṭen reṅgeć nacar o̠ṛaḱ bhiṭạ bạnuḱ tako̠ gharo̠ńj mo̠nj o̠ṛaḱ ko̠ ńamkeda. Ho̠la sạnicar hilo̠ḱ setaḱ ber diso̠m ren maraṅ Mukhiạ Sheik Hasina video̠ conference ho̠tete niạ o̠ṛaḱe uḍhạo̠keda. Nui sarkaraḱ niạ mit́ maraṅ kạmi kana reṅgeć-nacar ho̠ṛko̠ lạgit́ mente diso̠m ho̠ṛko̠ sarhao̠edi kana. Niạ Ashrayan prokolpo ho̠tete ạdibạsiko̠ hõ o̠ṛaḱ ko̠ ńamkeda mente baḍaeoḱ kana.

Amnura re go̠ṛo̠ ko̠ ńamkeda 130 nacar gharońj ar 120 go̠ṭen Pạṭhuạ Gidrạko

Chapainãwabganj so̠do̠r upo̠jilạ reaḱ Amnura re reṅgeć nacar ho̠ṛko̠aḱ 130 gharo̠ńjre jom anaj ar 120 pạṭhuạ gidrạ ko talare siknạt go̠ṛo pạhil dhapte em hạtiń ho̠yena.

14 tạrik 2021 serma Lukhibar hilo̠ḱ setaḱ ber Amnura Mission re ` Emergency Relief program Covid-19 for the Beneficiaries (student’s and families)` project hotete niạ go̠ṛo̠ kạmihora do̠ National Agency for Green Revolution (NAGR) ńutuman mit́ NGO emkeda.

Niạ go̠ṛo̠ em hạṭiń kạmihora re o̠nḍe seṭerko̠ tahẽkana National Agency for Green Revolution(NAGR) ren Maraṅ ạyurić Mukhiạ Manotan Stephen Soren, NAGR ren chairman Mn. Cornelius Murmu, Chapainawabganj so̠do̠r upo̠jilạ Madho̠mic Academic Supervisor Md. Abdul Alim, NAGR ren jugmo secretary Mn. Hingu Murmu, nirbahi so̠do̠sso̠ Mn. Ro̠bindro̠nath Hembro̠m, Bangladesh Northern Evangelical Lutheran Church(BNELC) Rajshahi circle Pasṭo̠r Rev. So̠ban kisku, Chapai Sado̠r 03 no. Jhilim Union Po̠riso̠d ren member Md. Firo̠z Ali ar Mst. Parvin National Agency for Green Revolution (NAGR) ren coordinator Mn. Shamson So̠ren, Program Officer Prodip Hembro̠m, Mn. Markus Murmu gomkeko̠.

Niạ go̠ṛo̠ em kạmiho̠ra do̠ pe cando̠ bho̠r calao̠ḱa ar niạ chapainawabganj so̠do̠r upojila ren 334 nacar gharo̠ńj lạgit́ cao̠li, dal, sunum, ạlu ar mo̠ca esedo̠ḱ mask ar 155 pạṭhuạ gidrạko̠ khata ko̠lo̠m ar rulko̠ emako̠a ar niro̠po̠n ho̠ṛmo tahen lạgit́ cehao̠na siknạtko emako̠a mente National Agency for Green Revolution (NAGR) ren Maraṅ Mukhiạ Mn. Stephen So̠ren do̠e lại so̠do̠rkeda.