Teheń kho̠n ehoṕena China disạm kho̠n heć akan Synoform  ṭikạ e̠m re̠aḱ kạmihora ko̠. Ar gapa Moṅgolbar (13 July) kho̠n City Corporation Haspatalko̠ re̠ Covax Moderna re̠aḱ ṭikạ e̠m kạmihora do̠ e̠hoṕ lạgidoḱ kana. Jo̠to̠ jilạ re̠ Synoform re̠aḱ ṭikạ do̠  e̠m hoe akana. Hola Robibar (11 July) Sastho odhidaptor re̠n ạḱyurić Dr.Shamsul Hoqe do̠ ko̠ro̠na Bulletin re̠ no̠a kathae lại so̠do̠r akada. Teheń bhitrirege goṭa disạmre̠ ṭikạ e̠m center ko̠ re̠ Synoform ṭikạ do̠ e̠m hoyoḱa. Ar Sunibar ńindarege City corporation bhitri re̠aḱ ṭikạ do̠ center ko̠re̠ Moderna ṭikạ e̠m hoe akana. Baḍaeabon je̠, nitoḱ do̠ 35 se̠rma umer kho̠n cetan umer re̠n hoṛko no̠a ṭikạ do̠ ko̠ ńam daṛeaḱa. Nit do̠ ạḍi algate www.surokkha.gov.bd web portal se google re̠ bolo kate “Surokkha” App download talate hoṛko̠ tikạ hatao lạgit́ ńutum ko̠ ol caṛhao daṛeaḱa.  Registration se̠ ńutum ol caṛhao tayom SMS ko̠ e̠moḱa ar ona ńelte niṭ akat́ dinre̠ tikạ center se̠n kate tikạ hatao hoyoḱa.

Source: Banglar Janapad

Rongpur re̠aḱ Pirgonj upạjilạ, Boṛo Alompur Union re̠aḱ Patgram atore̠ Santal hoṛko̠ aema din kho̠naḱ ko̠ girobas akan re̠ hõ Bo̠so̠tbhiṭa kho̠n bedo̠kho̠l reaṅ bo̠to̠rre̠ me̠naḱkoa. Sor din re̠aḱ ghoṭna Bonbibhag do Santalkoaḱ bo̠so̠tbhiṭare̠ Samajik Bon se̠ dare rohoe re̠aḱ ko̠ goṭaket khan unko̠ do̠ ạḍi  maraṅ bo̠to̠rre ko̠ paṛaoena. Thoṛa din lahare̠ Santal koaḱ bo̠so̠tbhiṭare Bonbibhag ren hoṛko dare rohoe lạgit́ko̠ hećen khan Santalko̠ do̠ ona birudre ko̠ teṅgoena. Me̠nkhan Bonbibhag ren hoṛko̠ do̠ onkoaḱ katha ko̠ bataoket́tako re̠hõ aema dho̠mok̠ ko̠ uduat́koa. Santal ko do Akoaḱ ạidạri ko̠ ruạr ńam akat́re̠ hõ bako kiriń-ạkhriń daṛeaḱ kana. No̠a muskil re̠aḱ roṛ ruạr ko̠ khojket́ khan Jopoṛao akan  montronaloi são  galmarao kate jãhãn phanḍao aḱ do̠ bako ńam akada mente ko̠ lại so̠do̠r keda.  Baḍae ńam akana, Ona atore amdaj 98 ekor jumi do santal koaḱ dokholre menaḱa. Onḍe do menaḱa bir gajaṛko̠, phosol ko̠ são oṛaḱ duạrko̠. 2017 se̠rmare̠ Bonbibhag ạn do̠ manao ganaoe e̠mat́koa baṅma dare baṅ maḱ lagaḱa ar iṭa oṛaḱ hõ baṅ benao hoyoḱa. Enre̠hõ dare maḱ ar oṛak duạr baenao khạtir aema mamla do̠ santalko̠ birudre̠ heć paṛao akana. No̠a ko̠ dinre̠ Bonbibhag são cukti lekate dare rohoe kate hõ ona re̠aḱ jãhãn lab do̠ bako ńam akada. Ńindạ okte kombṛko̠ dare mak kate idire̠ hõ onko̠ birudre mamla kate hõ polis jãhãn  bako moneaḱ kana. Me̠nkhan Bonbibhag do̠ Santal koaḱ dokholre me̠naḱ jumire dare bae rohoe daṛeaḱte santal ko do ạḍi ãṭko dho̠mo̠ḱao ket́koa. Ona iạte Santalko̠ do̠ akoaḱ bo̠so̠tbhiṭạ ko̠  ńam ruạr kate onako̠ upạrte ako mạliki ko̠ calao daṛeaḱ ona bondobos lạgit́ ko̠ dạbi akada  Santal mukhiạ ko̠.

Source: Bangla Bazaar

Father Bonifas Murmu do̠ ko̠ro̠na ajaṛ re̠ jạbunkate teheń 10/07/2021 tarik ạḍire̠ Isor hirlạre̠ do̠e jirạuena. Uni do̠ 1955 sermare Rajshạhi jilạ, Godagari upạjilạ re̠aḱ Borgachi (kạnhupaṛa) atoreye janamlena. Apat́ ńutum  do̠  Andrias Taracad Murmu. Unko̠ do̠ turui (6) boeha ko̠ tahẽkana. Pe̠a (3) kuṛi ar 3 (pea) koṛa boeha. Boeha ko̠ modre  Father Bonifas Murmu do̠ maraṅ utạriće tahẽkana. Uni do̠ ko̠ro̠na ajaṛrey jạbunen o̠kte pạhilre Sant Vincent Haspatal re̠ ko̠ro̠na cikit́sae hataoet́ tahẽna. Me̠nkhan ar hõ mońj cikit́sa ńam lạgit́ Dhaka re̠aḱ Sant Jho̠n Mery Viyanni Haspatal re̠ ko̠ idilidea. Ar o̠nḍege teheń ạḍire Probhuraḱ hoborreye jirạuena. Uni do̠ 66 se̠rma umerrene tahẽkana. Father Bonifas Murmu do̠ acaḱ gharoṅjren boeha ko̠  sãote aema pe̠ṛa ko̠ ar dulạṛiạ ko̠e bạgiat́koa. Isor uniaḱ atma sulukrey do̠ho̠ema.

Mãhãmạri ko̠ro̠na viruste jạbun kate calaoen 24 ghonṭare̠ goṭa disạmre̠ arhõ 8 hajar  bar sãe turui gel are (269) hoṛko̠ goćena. Niạ o̠kte ko̠ro̠na re jạbun akan hoṛkoaḱ sȯ̠nkha do̠ 4 kạruṛ 54 hajar 244. International (Antorjatik) porisȯ̠nkhan website worldmater kho̠n ńam akan Lukhibar  setaḱ re̠aḱ kho̠bo̠r lekate , niạ okte ko̠ro̠na kho̠n ko̠ pharnao akana 3 lakh 67 hajar 347 hoṛko̠. Nãwãte jạbun akan ar gujuḱ sȯ̠nkha banar milạu kate 18 kạruṛ 58 lakh 22 hajar 579 manwako̠ hoy akana. Moṭre gujuḱ so̠ṅkha 40 lakh 17 hajar 208 manwako̠ do̠ ko̠ goć akana. Ko̠ro̠na kho̠n ko̠ pharnao akan moṭ sȯ̠nkha 17 kạruṛ 77 hajar 830. Ko̠ro̠na rog te bạṛti hoṛko̠ jạbun akan disạm do̠ Juktorasṭro. Me̠nkhan calaoen 24 ghonṭa re̠ bạṛti hoṛko̠ gujuḱ kan disạm do̠ Latin America re̠aḱ disạm Brazil. Niạ okte ona disạmre 1595 hoṛko̠ goćena. No̠a ko̠ Disạmre̠ moṭ gujuḱ sȯ̠nkha 5 lakh 28 hajar 611 hoṛko̠. Calaoen 24 ghonṭare Juktorastrore̠ 244 hoṛko̠ goćena. Moṭ gujuḱ sonkha hoy akana 6 lakh 21 hajar 843 hoṛko̠. Niạko̠ dinre̠ arhõ ko̠ro̠na rogte jạbunkate calaoen 24 ghonṭare goć akan hoṛkoaḱ sȯ̠nkha 817. Moṭ gujuḱ sȯ̠nkha 4 lakh 5 hajar 57 hoṛko. Ko̠ro̠na te̠ jạbun ar gujuḱ sonkha ạḍi usạra bạṛti kan disạm ko̠ modre hoyoḱ kana Argentina, Colombia ar Indonesia. Calaoen 24 ghonṭare no̠a pe disạmre  456, 559 ar 1 hajar 40 hoṛko̠ goć akana.  Baṅgladisạ mre̠ hõ ko̠ro̠na rog ạḍi ãṭ bạrti pasnao akana. Worldmater re̠aḱ ona tạlika lekate Baṅgladesh do̠ nitoḱ 29 number re̠ menaḱa. Dinạm dinge ko̠ro̠na rogte gujuḱ re̠aḱ sȯ̠kha do̠ ḍher idiḱ kana.  Disạmre̠ nit hạbićte gujuḱ kan hoṛkoaḱ sȯ̠nkha do̠ 15 hajar 593. Ar nãwãte ko̠ro̠na rogte jạbun akan 9 lakh 77 hajar  468 manwako̠ ńamakana.

Sarkare lại so̠do̠r akda Lockdown re̠aḱ o̠kte do̠ arhõ eyae (7) din ḍher hoy akana. Darakan 14 July hạbić lockdown o̠kte Bank re̠aḱ kạmihorako̠ mit́ ghonṭa ḍher re̠aḱ goṭa akadae baṅgladeh Bank. Darakan 8 July kho̠n setaḱ 10 baja kho̠n tikin 2:30 hạbić lo̠nbo̠n do̠ calaḱa. Teheń moṅgolbar no̠a babotre̠ hukum do̠e e̠mkeda baṅgladesh Bank. No̠a hukumre̠ me̠n akana, ko̠ro̠na virus birudre teṅgo daram lạgit́ sarkari manao ganao re̠aḱ o̠kte do̠ darakan 14 July hạbić ḍher hoy akana. Hapta re̠aḱ chuti Sokolbar ar Sonibar chaḍa hõ 11 July Robibar hõ Bank do̠ bond tahẽna. Lo̠nbo̠n re̠aḱ tayom daram kạmiko̠  sạutạu lạgit́ Bela 4 baja hạbić Bank jhić tahẽ daṛeaḱa. Niạ re̠ arhõ me̠n akana, laha re̠aḱ ciṭhi re̠ ulek akan bibhag chaḍa hõ hoṛmo joton ko̠ manao ganao kate  thoṛa hoṛko̠ talate bank jhic daṛeaḱa. No̠a lahare haptare̠ po̠n dinBank jhić re̠aḱ (Sokolbar, Sunibar ar Robibar ) hukum e̠mkate 30 June circular do̠e jạri akada Bangalesh Bank. O̠nate̠ sanam Santal boehape baḍae ocoḱ kana je̠ Bank do̠ bond tahẽna ar o̠kte̠ nạpit́re̠ no̠a do̠ jhićjoḱa.

Source: Banglar Janapad

Baṅgladisạm re̠ 1 July  kho̠nge nãwã se̠ bahre kho̠n ạgu akan jo̠to̠ lekan Mobile Phone (Smartphone/ Botam phone ) ko̠ re̠aḱ ol caṛhao hoyoḱa me̠nte Baṅgladesh Telejogajog Niyontrok Soṅgstha – BTRC do̠e lại so̠do̠r akada. Niạ o̠kte o̠kako̠ Mobile phone mạsul eḱṛe kate binho̠k upại te se oko katet́ ạguḱ kan ona do̠ bondo̠ḱa. Eken caloen cando 30 june hạbić Baṅgladisạm re̠aḱ Mobile Network re̠ beoharoḱ kan mobile ko do̠ hikạhok upại te se̠  oko kate kiriń akan sanam lekan  mobile seṭ  do aćtege ol caṛhaoḱa. Niạ tayom okote kiriń se ko̠mṛo mobile hatao ar dokan kho̠n ho̠ begor registration akat́ mobile hatao lekhan onare do sim se network bae kạmiya. Me̠taḱme mobile phone bondoḱa. BTRC re̠n maraṅ ayurić Shamsul Alom do̠e so̠do̠r akada onko̠ do̠ pạhilte eken  baṅ registration akanaḱ  phone birudre jạruroḱ bebosthako̠ hataoa. Onate abo bo̠n beboharet́ kan mobile do registration lagaoabo̠na. Ente niạ reaḱ registration somoe do pe cando̠ ńamoḱa; ona tayo̠m sanam begor registration aḱ mobile do apanaạpni bondo̠ḱa.

Cet́ lekate mobile seṭ bon registration a?

Mobale phone kiriń se̠ hatao lahare̠ ona do̠ olcaṛhao se̠registrationgea se baṅ ona mońjte ńel hoyoḱa. Me̠nkhan ona phone registration baṅ khan baṅ kiriń hoyoḱa. Ar jaha leka kiriň tayo̠m oṛaḱ ạgu kate ńelle khan ona̠ reaḱ registration do̠ bạnuḱa, enḍekhan o̠na do̠ ruạṛkaḱ lagaoḱa. Uni ạkhriń dokandar bae hataole khan BTRC baḍae ocoko hoyoḱa. Tahole onkoge no̠a birudre bebosthako̠ hataoa.

Mobile seṭ registrationa se̠ baṅ algate o̠na bujhạu re̠aḱ upại:

Mobile phone re̠ jahaṭaḱ sim chạlu kate phone re̠aḱ message option re̠ senkate KYD<Space> mobile phone seṭ re̠ 15 digiṭte IMEI  number ol lagaḱa. Inạ tayo̠m noa do̠ 16002 numberre kul hoyoḱa. Khan o̠na mobile phone do̠ registration gea se̠ baṅ message re̠ baḍae ńamoḱa. Mobile phone reaḱ IMEI number baḍae tahẽlen khan Dial option calakate *#06# lin lekhange IMEI number ńamoḱa. Inạ chaḍa hõ mobile box re̠  mit́ṭen stikar re̠ no̠a ol tahẽna. neir.btrc.gov.bd web link re̠ calaokate sitizen portal ar mobile operator customer care centre re̠ hõ no̠a seba bon ńam daṛeaḱa.

Baṅ beoharoḱkan mobile phone registration hoyoḱa?

Jãhãeaḱ aema phone me̠naḱ ar oka do̠ baṅ beboharoḱkan khan ona do aćtege olcaṛhaoḱa se Auttomatically registration hoyoḱa. Ona phonre mucạt́ okaṭaḱ sim beohar hoelena onage registration hoyoḱa. Onka lekhan ona phonre̠ eṭaḱ ńutuman sim baṅ caluḱa.

Mit́ṭen mobile re̠ bạṛti sim beohar hoyoḱgea?

Registration akan sim Mobile re̠ chạlu lekhan mobile seṭ do̠ ona ńutumte auttometically registrationoḱa. O̠na phone rege eṭaḱ sim beohar le̠khan ona hõ registration jạruṛa. Jãhãeaḱ bạṛti sim aćaḱ ńutumte registration me̠naḱ khan uni do̠ mit́ṭen registration akat́ mobile phone re̠ jo̠to̠ sim do̠e laṛcaṛ daṛeaḱa.

Phone ạkhriń se̠ jãhãe e̠mako khan se Mare phone kirińlekhan do…..

 Jãhãe acaḱ registration akat́ mobile seṭ eṭaḱ hoṛe emako khan, se ạkhrińe menjoṅle khan se̠ eṭaḱ hoṛko beoharakat́ seṭ kirińe me̠nlekhan ona seṭ do̠ nãwã okeye hataoa khạṭige uniaḱ ńutumte registration jạruṛa. Okoe laharei beohar akat́ uniaḱ NID card re̠aḱ mucat́ ponea nombor koe daṛeaḱa ko̠. Nombor milạu len khan ar sim ar seṭ registration hoylen khage nãwãte registration hoyna ar o̠na do̠ laṛcaṛ daṛeaḱa.

Bahre Disạm kho̠n phone kiriń ạgule khan se̠ dan ńamlekhan…

 Bahre kho̠n ạguḱ phone se̠ dan hisạbte ńamakan phone re̠ Baṅgladisạm re̠aḱ sim beohar lekange ona do̠ olocoloḱa. Ar unre mobile sms te baḍae ńamoḱa amaḱ sim do̠ registration me  Onḍe website re̠ link e̠m hoyoḱa. Onare click kate jạruṛaḱ kho̠bo̠rko̠ te ona do̠ registrition lagaḱa.

Mobile seṭ at́ se̠ chingạu ocolenkhan…..

Jãhãeaḱ phone se̠ kombṛo len khan BTRC niạm lekate ona bondoḱ reaḱ katha. Me̠nkhan noa bisoi do̠ pe̠ cando re̠aḱ taṅkhire̠ me̠naḱa ona lahare do̠ okaṭaḱ phonege bondo re̠aḱ upại bạnuḱa. Ona lahare jopoṛao me̠naḱ customer care re̠ phone at́ se̠ kombṛo akan lại lekhange amaḱ oprom lekate ona phone ko̠ bondoea eṭaḱ hoṛ je̠mon aloko  beohar daṛeaḱ.

Courporate seṭ ar sim  re̠ cet́ hoyoḱa?

Courtporet sim se̠ okako̠ sim re̠aḱ registration bạnuḱ onako̠ re̠aḱ hõ galmarao calaḱ kana. Pe̠ (3) cando talare no̠a ko̠ goṭaea. Ona laha hạbić jãhãege jãhãṭaḱ seṭre jãhãṭaḱ sim ko̠ beohar daṛeaḱa.

No̠a so̠mbad  talate SantalsTimes seć kho̠n sanam Santal Boeha miserape̠ udgạu ocoḱkana ape̠ do̠ ạḍi usạra apeaḱ phone registration tabo̠npe.

Teheń Moṅgolbar (6 July) Baṅgladisạm re̠n Baṅgla sereń re̠n namḍaḱ gainaha Andru Kishore aḱ pạhil gujuḱ mãhã. 2020 se̠rmare  teheńaḱ dinre acaḱ gharonj re̠n hoṛko soṅge soṅge aema celako̠ bạgi kate nọa dhuṛi dhạrti do̠e bạgi akada. Gel (10) serma cencer ruạ são lạṛhại kate mucat́re calaoen serma 6 July do̠ sisijạuićaḱ hohote calaḱ hoyentaea. Andru kishore aḱ gujuḱ mãhã ńutumte  acaḱ janam thạ̃i Rajsạhi re̠ teheń goṭa din do̠ nacar hoṛko̠ talare̠ jomaḱe e̠meda acren o̠ṛaḱ hoṛ Mrs. Lipika Andru. Nui silpi do̠ ạḍi mońj mońje se̠re̠ń akada. Jãhã lekan se̠re̠ńge ạḍi algatey se̠re̠ń akada. Se̠re̠ń do̠ uni acaḱ ganḍon re̠, mo̠n re̠, akilre̠i do̠ho̠leda. Me̠net́ tahẽnae ‘iń do̠ mit́ṭen se̠re̠ń kạmiạić kạnạń. Se̠re̠nge ińaḱ kạmi do̠. Jãhãe ko̠ mo̠n dukoḱ nonkanaḱ kathage bae roṛet́ tahẽna. Me̠nkhan nitoḱ abo do̠  uni lekan  dosar Andru kishore hõ babon ńam daṛekea. Thoṛa se̠rma lahare̠ Rajshạhi Jilạ, Tanore  Upạjilạ re̠aḱ choknakha atotei hećlena nui silpi do̠. Reṅgeć nacar Santal hoṛko̠ talare̠ kambra se̠ Kombol e̠m hạṭiń akhṛare̠ seṭere tahẽkana. O̠na iạte tehẽnaḱ dinre̠ uni lạgit tahẽn kana aema aema  manot johar.

Source: Pothmatimes 

Disạmre̠ arhõ kajak manao ganao reaḱ o̠kte ko̠ ḍher kate Baṅgldisạm Sarkar do̠ parwanae  jạri keda. Noa Lockdown do̠ 14 July hạbić ḍher hoy akana.  No̠a lahare, kajak lockdown do̠ arhõ mit́ hapta ḍher lạgit́ suparis ledako̠ (Covid- 19) babot́ re̠n jạtio solha committee ko̠.  Robibar (4) July ńindạ no̠a babotre baḍae hataoe menjoṅen khan committee member Odhapok M. Iqbal do̠e me̠nkeda, ko̠ro̠na  poristhiti koboj lạgit

lahare ale do̠ bar hapta lockdown reaḱ solhale emleda. Montri porisod ren mit́ officer me̠nleda, ko̠ro̠na poristhiti nitoḱ hõ baṅ ṭhik akana.

Gujuḱ soṅkha nitoḱ hõ mit sãe (100) cetan.  Onate manao ganao re̠aḱ okte arhõ ḍher reaḱ hudis cintạ calaḱ kana.  Noa̠ lahare sarkar do̠ 1 July setaḱ 6 baja kho̠n 7 July tala ńindạ hạbić lockdown re̠aḱe lại so̠do̠r akada. No̠a khạtir calaoen 30 June montri bibhag kho̠n parwana jạhir hoy akana. Lockdown re̠ jạruṛaḱ seba soṅgstha ko̠ chaḍa jo̠to̠ Dokan, Market ko̠ bond me̠naḱa. Manao ganao ko hoe purạu lagit́  ạn rukhia bạhini ko̠ são maṭh re̠ me̠naḱkoa Army ko̠.

Disạm re̠aḱ utạr nakha ṭot̠hako̠ re̠aḱ gaḍa daḱ ḍher  akante darakan 48 ghonṭa se̠ bar din bhitrire̠ dubạ daḱ heć daṛeaḱa me̠nte baḍae oco akadae Pani Unnoyon Board re̠aḱ dubạ laha sapṛao ar sontor tahẽn center. Robibar (4) July ḍubạ daḱ lạgit́ sapṛao ar sontor tahẽn centre gaḍa re̠aḱ poristhiti ar lahare so̠ntor reaḱ tạlikạre̠ no̠a bo̠to̠r re̠aḱ katha do̠e lại so̠do̠r akada. No̠are̠ me̠n akana abohaoa odhidaptar ar bharot abohaoa odhidaptar re̠n reaḱ kho̠bo̠r lekate, darakan 48 ghonṭa re̠ disạm re̠aḱ utạr nakha, utạr- purub nakha ar ona so̠r Bharot reaḱ Himalaya latar reaṅ pạchim boṅgo, Sikkim, Meghalaya ṭoṭha re̠ ạḍi jhomo̠rate daḱ heć daṛeaḱa. Noa̠ karonte, niạ okte disạm re̠aḱ utạr nakha re̠aḱ Teesta, Dhorla, Dudhkumar gaḍa re̠aḱ daḱ okte re̠ ạḍi usạra ḍher kate thoṛa thạ̃iko̠ re̠ cehel cepel dubạ hoy daṛeaḱa. Ḍubạ daḱ purbabas ar sontor tahẽn centre ren Nirbahi Engineer Md: Arifuzzman Bhuiya do̠e me̠nkeda, Bramahputra- Jumuna gaḍa re̠aḱ daḱ ḍher idiḱkana, darakan 72 ghonṭa hạbić niạ daḱ ḍher idi daṛeaḱa. Gonga- podda gaḍa daḱ ṭikạu menaḱa oka do̠ darakan 24 ghonṭa hạbić tahẽ daṛeaḱa. Disạm reaḱ utạr- purub nakha  cetan  Meghna maraṅ gaḍa ko̠ re̠aḱ daḱ do thir tahena, ar no̠a do̠ darakan 24 ghonṭa re̠ thoṛa daṛeaḱa me̠nte tạlikạ re̠ so̠do̠r akana.

Niạ dhao re̠aḱ Kurbạni Eid  bajare re̠ Mohonpur upạjilạ re̠ soros daman daṅgra ńutum do̠  ‘Baṅgla re̠n Hende Hạti’. Hende rong re̠n daṅgra do̠ ńeloḱre̠ ạḍi maraṅ hạti leka. Nui daṅgraaḱ o̠jo̠n do̠ amdaj 37 mo̠n. Dam  ko̠ khojo̠ḱ kana gel mõṛẽ (15) lakh kạuḍi. Nui daṅgra re̠n mạlik Rezaul Korim babu sonhar do̠e me̠nkeda, dam do̠r re̠ thik hoylen khan oṛaḱ kho̠nge nui daṅgra do̠e akhrińea.  Baḍae ńam akana, Mohonpur upạjilạ Raighati Union re̠n Sormoil ato re̠n Korim babu sonhar do̠ Chowbạriạ bajar kho̠n calaoen serma kurbạni bajar kho̠n  Holstein jạt re̠n nui daṅgra do̠e kirińledea. Niạ dhao Kurbạni Eid bajarre akhrińe lạgit mit́ sermae jo̠to̠n kedea babu sonhar ar acaḱ gharońj re̠n hoṛko̠. Sunibar onḍe sen kate sonhar são katha roṛ tayom baḍae ńam akana, Uni daṅgra kiriń tayom kho̠nge acren gidrạ leka nui ḍaṅra do̠e jo̠to̠n kedea. Dinạmge eṭaḱ jo̠maḱ ko̠ soṅge soṅge Apple, komla ar malta ko̠ jo̠m ocoedea. Dinạm din jo̠maḱre̠ me̠naḱa suji, bhusi, ar khudi daka. Nitoḱ dinạmge pe (3) kg apple, komla ar malta jo̠maḱe jo̠ma  nui ḍṅgra do̠. Jao candoge nui daṅgra do̠ 3.5 mon suji, bhusi ar pe̠ (3) mon khudi daka jo̠m ocoea. Kiriń tayom kho̠n nit hạbić jo̠maḱ ar cikit́sa selet́ nui ḍaṅgra tayomrey kho̠ro̠ć akada amdaj pon (4) lakh kauḍi. Lo̠lo̠ okte nui hende hạti  do̠ dinre̠ bar dhao kate ko̠ paeraea. Lo̠lo̠ge bae sahao daṛeaḱa. O̠nate current dạrle khan charger phen calao hoyoḱa.  37 mo̠n o̠jo̠n re̠n hende hạti ḍaṅra do̠ okte okte jokheć bahrete ko̠ oḍoḱea daṛa phranao lạgit́.  Rezaul Korim sonhar do̠e me̠keda, ạḍi jo̠to̠n kate do̠ń hara akadea nui ḍaṅgra do̠. Tinaḱiń khojoḱ kan inạḱ damiń ńamle khan oṛaḱ kho̠nge ạkhrińea. Ar bạń ńamle khan bajarre idi kateń akhrińea. Babu sonhar re̠n oṛaḱ hoṛ do̠e me̠nkeda, iń jãwãe do̠ mit́ṭen sona bepari kanae . Nui ḍaṅgra do̠ acren gidrạ lekae jo̠to̠n hara akedea. Nui daṅgra do̠ ale ṭhen ạḍi apnar akanae. Unile ạkhrińle khan ạḍi bhabnale ạuikạua. Me̠nkhan ạkhriń do̠ lagaḱgea. Dam thoṛa ̣ḍher ńoḱle ńamlekhan bhabnaḱre hõ  thoṛa kom ńoḱle ạikạua. Mohonpur upạjilạ pranisompod ren  kormokorta do̠e me̠nkeda, Ale do̠ nui ḍaṇgra mońjgele jo̠to̠ndea. Upạjilạ re̠ nui ḍaṅgrage jo̠to̠ daṅgra kho̠n maraṅ utạrić ḍaṅgra kanae.

Source: Sonali Sangbad