Maraṅ Montri Aḱ Ti Khon 5 Lakh Kạuḍi Siropa Hisạbte Ataṅkeda SAFF Jitkạr Santal Kuṛi Sohagi Kisku

Bangladesh maejiu Phutbol dol pạhil dhao SAFF Championship 2022 talate nagamre ńutum ol akantakoa. Baḍaeabon je, Bangladesh ren kuṛiko do 19 September Nepal ren phutbol dolko 3-1 golte bhagaokate siropa ko jitạ̣̣̣̣̣̣̣̣̣uena.

Ar noa rạskạte Budhbar (09 November 2022) Maraṅ montri Sheikh Hasina hõ aćaḱ kạmi ṭhaõna/Office re SAFF jitkạr kuṛiko man manot selet́ mimit́ko kạuḍi em hạṭińat́koa. Onka leka noa phutbol dolre tahẽkana barea kheloḍiạ Raṅgatuṅgi United Footbal dolren santal kuṛi Sohagi Kisku ar Sowpna Rani. Maraṅ montri seć khonaḱ nokin hõ man manot selet́ Maraṅ montri aḱ tite siropa hisạbte mõṛẽ lakh (5) kateć kạudi reaḱ check kin ataṅkeda.

Man manot akhṛare Maraṅ montri do eneć khiloḍ são sãote oloḱ paṛhao sećte hõ laha calaḱ lạgit́e udgạuket́koa. Akhṛare selet́ko tahẽkana Krira Protimontri Zahid Ahsan Russel Ar BFF (Bangladesh Football Fedaration) ren sabha mukhiạ Kazi Salahuddin.

Santal Goćen Koaḱ Bicạr Ko Khojena Gobindogonj Re

Aṭhwar hiloḱ (06 November) Gobindagonj reaḱ kaṭamor ṭoṭha re Santal goćen koaḱ bicạr ńam lạgit́te Sahebgonj Baghda Farm bhumi uddhar songram committee, Jatiya Adivasi porisod, Bangladesh Adivasi Union, Adivasi-Bangali songhoti porisod, Association For Land Reform and Development (ALRD), Kapaeeng Foundation, Gaibandha samajik porisod ar Nagorik songothon jonouddog te mit́ bạisi se somabes do hoe purạuena.

Setaḱ 8:00 baja khon ehoṕkate upajila Joypur atore benao akan onkoaḱ anman pinḍ re baha ko emkeda ar mombạti ko jeret́keda. Inạkate setaḱ 9:00 baja santal ato Madarpur ar Joypur khon aḱ-ạ̃pãṛĩ, Benar, aema lekan dạbiko olakan festoon/kagoj selet́ michil ko oḍokena. Onkage aḍepase hoho hohote Gobindogonj-Dinajpur ḍahar kaṭamor reko mucạt́keda. Onḍege 10:00 baja do mit́ṭen dupuṛuṕ se somabes hoyena.

Noa dupuṛuṕ bạsie ạḱyurkeda Sahebgonj – Baghda Farm bhumi uddhar songram committee ren sabha mukhiạ Philimon Baskey. Ona bạisi re kathae roṛkeda Dhaka Biswabidaloy ren Gonojogajog ar Sangbadikota bibhag ren Mahasoe Robayet Ferdous, ALRD ren Maraṅ mukhiạ bhumi odhikar kormi Shamsul Huda, Bangladesh Hindu boddho Christian oiko porisod ren sabhạ mukhiạ ren mit́ sodosso Kajol Debnath, Jela jas ren sabha mukhiạ Golam Maruf Mona, Adivasi-Bangali songhoti porisod ren bạisi hohoić Sirajul Islam Babu, Suprime Court ren bicạrpati Rofiq Ahmed Siraji, Adivasi koren ạḱyurić Adv.Probhat Tudu, Sufol Hembrom, Pricila Murmu, Sondha Malo, GouroChondro Pahari, Swpon Shekh. Bạisire sawaliạ (bokta) ko menkeda je, Shaymol Hembrom, Romesh Tudu, Mongol Mardi noko pea adivasi ạḱyurko goć oco akan reaḱ nit dhạbić jahan bicạr do baṅ ńam akana. Bicạr ńutumte ạuṛigeko ạnḍuṅ baṛayet́ kana. Menkhan onko asami dusi hoṛko nirạiteko daṛa baṛaekana. Okoege baṅko giriptaret́koa. Noa ghoṭna karonaḱte santalko talare botor se raṅgao doe kạmi kana. Ar Bicạr ńam lạgit́ko khojkeda.

Mohadevpurre Ạdivạsi Hoṛko Talare Bhiḍi Em Hạṭiń Akhṛa

Naogaon Mohadevpur re pon sae (400) goṭen adivasi horko bhiḍi ar bhiḍi tahẽn ṭhạ̃i/oṛaḱ benao lạgit́ hõ samagiri ko ńamkeda. Sombar (31 October) setaḱ 11 baja okte upojila porisod Auditorium re bondobos akan akhṛare upojila nirbahi ạpiser Md:Abu Hasan aḱ ạḱyurte maraṅ peṛa hisạbte selet́e tahẽkana Upajila Chairman Md:Ahsan Habib.

Inạ chaḍa hõ akhṛare johar kathae roṛ sodorkeda upajila Pranisompot ạpiser Dr.Md: Abdul Malek. Ar bises peṛa lekate kathae roṛkeda jila Pranisompot ạpiser krisibid Md:Mohir uddin, Upajila porisod Vice Chairman Anukul Saha Budu ar Mohila Vice Chairman Rabeya Rahman Poly, Naogaon jila Awami League ren sodosso birbanṭa Ajit Kumar Mondol, Cheragpur Up Chairman Sibnath Mishro.

Gapalmarao mucạtre ạdivạsi hoṛko akoaḱ jion jingire lahanti ar kạuḍi sõćjoṅ khạtirte bhiḍiko em hạṭińákoa. Akhṛare pon sae (400) goṭen hoṛ talare irạl sae (800) goṭen bhiḍi ar bhiḍiko dohoko lạgit́ oṛaḱ tearako lạgit́ hõ samagiri/saranjam hõko em hạṭińat́koa.

Primary School Re Mahasoe Hataoko Reaḱ Jo 1-15 November Bhitrite Sodoroḱa

Darakan 1-15 November bhitrite Sarkari Primary School re Mahasoe hataoko reaḱ hudis-bhabna menaḱa mente Prathomik Sikha Odidaptor ren Maraṅ ạḱyuriće lại sodor akada. Cedaḱje nit dhạbićte Mahasoe haotaoko reaḱ joto lekan bidạuko hatao purạu akana mente Prathomik ar Gonosikha Montronaloy ren socib Aminul Islam-e baḍae ocokeda. Aṭhawar hiloḱ (30 October) tikin ber songsilisto montronaloy reaḱ mit́ dupuṛuṕre senior socib noa kathakoe lạikeda.

Un okte Prathomik ar Gonosikha Protimontri Md:Jakir Hossen selet́ Montronaloy ar Daptar ren kạmiạko/ạpiser seṭerko tahẽkana. November talate Mahasoeko hatao reaḱ jo/result sodoroḱa. Noa lahare jo sodoroḱ reaḱ kathako tahẽkanre hõ jahan karonaḱte baṅ sodor akana. Menkhan ar bilom baṅkate, darakan 1-15 November bhitritege jo do sodoroḱa.

Ar Pạri Pạrite Baṅkate Primary Skul Reaḱ Kelas Mit́ Shift-tege Hoyoḱa

Disom reaḱ joto Sarkari Primary sikhnạt ṭhãonakore mit́ shift-tege kelas hoyoḱa mente Prathomik ar gonosikha socib Md:Aminul Islam Khan-e lại sodorkeda. Ar noa niạm se ạri do darakan serma reaḱ January cando khonaḱge ehoṕa.

Teheń Robibar (30 October) mit́ dupuṛuṕ talate noae baḍae ocokeda. Goṭa disomre Skulkore kelas do inạ mit́ okterege ehoṕ ar mucạt́ reaḱ kurumuṭu calaḱ kana. Arhõe menkeda je, Menkhan kelas oṛaḱ, pạṭhuạ gidrạko ar mahasoekoaḱ soṅkha hudis ganḍon katećge noa mit́ shift-tege kelas do ehoboḱa.

Dhamoirhatre Adivasikoaḱ Ạidạri Ar dạbiko Babotre Gapalmarao Akhṛa

Naogaon jilạ reaḱ Dhamoirhat re adivasikoaḱ mạnmi ạidạri ar dạbiko babotte bhoṭre bachao ńamakan ạḱyuriạ são mit́ dupuruṕ hoyena. Sombar (25 October) tikin ber 11:00 baja okte Besarkari Unnoyon Songstha Dascoh Foundation goṭa lekate ar Heks/Eper Swizerland aḱ goṛo gopoṛote adivasikoaḱ ạidari hameṭ se ńam babotre 1 no Dhamoirhat union porisod re noa gapalmarao akhṛa hoe purạuena.

Gapalmarore adivasi ar tayom akan jạtigosthiren hoṛko akoaḱ hike-hok ạidạri ńam babot pusṭaute roṛ sodorkeda Dascoh Foundation ren upajila kormokorta Raunak Laila. Un jokhen akhṛare arhõ mit́ bar kathako roṛkeda Panel Chairman Abu Naser Al Azadi, Up sodosso Sazedul Rahman, Azizul Hoqe, Anowar Hossen, Jaibor Hossen, Maejiu member Sahara Banu, Rebeka Parvin, Up socib Bodiul Alom, Foundation ren CDO Rasel ar Rehana Aktar.

Ona sãote adivasiko modre akhṛare katha roṛ reaḱ ạtkin ńamkeda Asalota Baskey ar Gouri Rani Mali. Ado nukin hõ adivasi ko jemon akoaḱ ạidạriko hameṭ daṛeaḱ noako cetanre pusṭautekin roṛ saḍekeda.

Utarbongo Adivasi Forum Rajshahi Jilạre Nãwã Committee Bandhao

Calaoen Sokol hiloḱ (21 October) Tanor reaḱ Mundumala pourosova sonmelon oṛaḱre Utarbongo Adivasi Forum aḱ mit́ dupuṛuṕ hoe purạuena. Ona dupuṛuṕre committee ko bandaket́koa. Onka leka Rajen Hembrom do convener (ahobayok) ar Sonaton Tudu ar Ovilash Paharia do jugmo ahobayok hisạbte goṭa ocoyena. Inạ chaḍa hõ bar gel (20) sodosso koante Utarbongo Adivasi ren ahobayok committee ko bandhaoena. Noko committee koaḱ ńutume lại jạhirkeda Utarbongo Adivasi Forum ren central committee ren sabha mukhiạ Hingu Murmu. Noa dupuṛuṕre Tanor jila, Godagari, Poba, Durgapur, Puthia upajila khon amdaj sae cetan adivasi hoṛko selet́lena.

Ahobayok committee ren eṭaḱ sodosso menteko goṭayena Rumali Murmu, Bisal Soren, Sukumar Kisku, Pius Hembrom, Nirmol Tudu, Biswajit Robidas, Stephen Soren, Josen Murmu, Jamin Hasda, Martin Mardi, Dilip Murmu, Rajen Hasda, Silpi Soren ar Sontosh Soren.

Utarbongo Adivasi Forum ren sadharon sompadok Adv.Probhat Tudu baḍae ocokeda, Utarbongo Adivasi Forum do 2012 serma khon Baṅgladisom ren adivasi ko são eṭaḱ joto jạti-gosṭhiko lạgit́te rasṭro re ạidạri bạisạu ar bańcao lạgit́te ḍabiko, mạnmi ạidạri rukhiạ adivasi/sonkhaloghu unnoyon songstha ar songothon são miljul se goṛo gopoṛote kạmi kana. Nebetar adivasi ko cetanre calaḱ kan, neṅghao, konac, jumi eḱṛe nonkanaḱ babotre galmaraokeda. Jemon adivasiko akoaḱ hike-hok lekateko laha daṛeaḱ.

Noa dupuṛuṕ re mit́ bar katha ko roṛkeda, Mundumala ren adivasi ạyurić Ronjona Bormon, santal onoliạ Gabriel Hasda, Tanor thana pargana Jetha Tudu selet́ atoren mańjhiko hõ.

HSC Bidạu Reaḱ Nawa Routine So̠do̠rena

Nes bo̠cho̠r reaḱ HSC (Higher Secondary School Certificate) bidạu reaḱ nawate sudhrạu akan routine so̠do̠rena. Dhaka madhomik ar ucchomadhomik sikhnạt board khon so̠do̠ren Nawa routine lekate darakan cando November 6 tạriḱ dọ bidạu eho̠bo̠ḱa. Ar onka leka 13 December dhạbić calao idiḱa.

Niạ dhao jo̠to̠ bisoe cetanre bar ghonṭa talate bidạu hoe purạuḱa. Seteḱ 11 baja khon ehoṕ kate tikin 1:00 baja dhạbić, ar tikin ber 2:00 baja khon ehoṕkate 4:00 baja do̠ mucạdoḱa. Bidạu eho̠bo̠ḱ 30 miniṭ lahare bidạu oṛaḱte bo̠lo̠ḱ hoyoḱa.

5-11 Umer Ren Gidrạ Covid-19 Ṭikạ Ko Ńamkeda

Teheń khonaḱ goṭa disomre mõṛẽ (5) khon gel mit́ (11) umerren gidrạko talare covid-19 ṭikạ emoḱ kạmihora ehoṕ akana. Onka leka Teheń Moṅgolbar (11 October) Chapainawabgonj jilạ reaḱ Amnura Mission reaḱ Tabitha Kindergarten School re gidrạko covid-19 ṭikạko emat́koa.

Tabitha Kindergarten School ren do eyae gel (70) goṭen gidrạ noa covid-19 ṭikạko ńamkeda. Ar inạ chaḍakate hõ aḍepase School Amnura Mission Primary School, Brac School khon ạḍi utạr gidrạ covid-19 ṭikạ hataojoṅ lạgit́ko hećlena. Onka leka noa Pea school ren moṭre amdaj bar sae (200) gidrạko ṭikạko hataokeda.

Ar ạḍi rạskạ salaḱ huḍiń huḍiń gidrạko ṭikạko hataojoṅana. Ṭikạ emoḱko do napaete gidrạko talare ṭikạko em hạṭińat́koa. Covid-19 ṭikạ em hạṭiń kạmihora napaete hoyena.

Kurikuaḱ SAFF Jitkạrre Sohagi Kisku ren Baba aḱ Santali pạrsite lekcar

Calaoen October cando reaḱ 2 tạrik 2022 aṭhowar din do̠ Thakurgaon Jilạ reaḱ Ranisongkel Degree College maṭh re hoe puraoena ataṅ daram kạmi horako. Ạḍi rạskạ ar man manot selet́ko ataṅ daramket́kina dulạṛiạ rạni Sohagi Kisku ar Sowpna. Noa maraṅ akhṛa ataṅ daramre penḍel cetanrekin tahẽkana Baṅgladisomren dilgạṛia khiloḍiạ Sohagi Kisku ar aćren Baba Guljar Kisku.

Nonkan maraṅ raj rạni ataṅ daram do̠ santal kuṛi lạgit́ ạḍi bhạgạn ar hahaṛage tahẽkana. Ińaḱ baḍaere Baṅgladisom sạdhin tayom nonkan khiloḍiạ ar bhage hameṭ akat́ kuṛiko bako tahẽkana. Onate Santal jạtiạriko lạgit́ ạḍi maraṅ man manot, sarhao ar dulạṛ johar do̠ tahẽnkana. Santal jạtiạriko do̠ ạḍi cetan do̠e tul rakaṕ akat bona dulạriạ Rạni Sohagi Kisku beti. Beti Sohagi Kiskuren Apat Guljar do̠ Santali pạrsite ạḍi rạskạ selet́ aćak rạskạ johar katha do̠e so̠do̠r akada.

25 September 1974 serma re 29 mãhã reaḱ General Assembly re, Baṅgladisomren Jạtiạri Apat Baṅgobondhu Shekh Mojibur Rahman hõ United Nation re Bangla teye roṛleda ar nit́ habić ona lekcar do̠ calao ediḱ kana. Onkage manotan dilgạṛiạ khiloḍiạ Sohagi Kiskuren apat Guljar Kisku hõ ạḍi maraṅ Itihãs do̠e tear do̠hoakada Baṅgladisomren sanam santal jạtiạriko lạgit́.

Samiel Mardi Ranisongkel Upozila ren Program Implement Officer soṅge ạḍi jeliń ggalmarao do̠ hoyena. Santal hisabte uni hõ ạḍi rạskạ ar go̠ro̠b do̠e aṭkareda. Uni hõ Sohagi Kiskuaḱ manot ataṅ daram bo̠ndo̠bo̠sreye tahẽkana.

Noa maraṅ ataṅ daramren sobha mukhiạ do̠e tahẽkana UNO Sohel Sultana Julkar Nain Kobir Stive aćaḱ lekcarreye so̠do̠rkeda je, sanam lekan go̠ṛo̠ do̠ tahena Sohagi Kisku lạgit́. Dilgạṛiạ Khiloḍiạ Sohagi Kisku do̠ Ranisongkel Upozila Baṅgladisom ar disom barhe hõ cetanteye tul rakaṕakada.

Sohagi Kisku do̠ ạḍi rạskạye aṭkarkeda; ar Upozila re nonkan ataṅ daram do̠ ać lạgit́ hahaṛage tahẽkana. Nonkan dulạṛ do̠ tis hõ bạṅ hudis akat́ tahẽkana. Onate Thakurgaon jilạren sanam hoṛko ar Ranisongkel renko lạgit́ tahen kana ạḍi manot johar.

Mucạt́ re ạḍi rạskạ eneć sereńteko daramket́kina. Noa ataṅ daram akhṛare selet́ tahẽkan sanamko ạḍiko rạskạyena. Ataṅ daram akhṛa do̠ rạskạ salaḱ napaete hoe purạuena.