Dosar dhao fina reko rakaṕena Argentina. Tayomre paṛaokate rehõ 2-1 golte England ko hirạukate onko do sirpạ hameṭ lạṛhạire menaḱkoa. England gol tayom Argentina do aema ạtko at́keda. Mucạt́re Argentina do joto golko sod ruạṛkeda. 85 miniṭre joto golko ruạṛkeda. Inạkate Injuri okte Lautaro Martineze gol keda. 92 miniṭre 2-1 golte Argentina ko lahayena.

Gonzalez do 64 miniṭre Liandro Paredes bodolte maṭhre pheḍena. Dosar miniṭre jojom seć khon hećen bole heḍ keda. Gonzalez do 69 miniṭre jojom aṛe khon Messi seć hećen bole heḍ keda. Menkhan Pickford aḱ daiv te Argentina ko nirạsena.

72 miniṭre Argentina pea bodolko ạgukeda. Skalono do Simeone, Molina ar Lisandro Martinez rakaṕ kate De Paul, Montiel ar Otamendi ko pheḍena.

Pon miniṭ tayom De Paul aḱ crossre Alexis Mac Allister heḍ ket́ bol golpostre tạkićkate ruạṛ hećena. Inạkate Gonzalez aḱ heḍ bol hõ gol aṛete parom calaoena. Inạḱtege linesman aćaḱ off side jhạnḍi udạukeda.

Pickford do 84 miniṭre Enzo aḱ shot bol golpost cetante maṭh bahre kolkeda. Inạ tayom kornar seć Messi aḱ tạṅkhi bol 25 goj sạṅgiń khone shot keda. Khange Pickford aṛete bol do gol bhitri boloyena.

Dhạrti kap phuṭbol khilạḍre bar dhao jitạu akan France do 2-0 golte Spain ṭhenko hirạu ocoyena. Nonkate Spain do 16 serma tayom final reko rakaṕena. Spain do pạhil dhao leka 2010 sermare sirpạko jitạulena. Inạkate niạ dhao 2026 reaḱ dhạrti kap phuṭbol khilạḍre arhõ final reko rakaṕena.

Are miniṭre France reaḱ baksa samaṅre Olmo do Free Kicke khojkeda. Baena do kicke hataokeda. Menkhan bol do ḍefence pạcir re paṛaoena. 14 miniṭre France do mońj ạtko ńamleda.Menkhan Mbappe do usạra counter khon bol ạgukate baksare bolokeda. Ać samaṅre eken Porro ar gokipare tahẽkana. Kubarci ar Leparto do Mbappe aćaḱ jaega khonkin akoṭ kedea.

Noa laha serma jitạuakan dolko do 22 miniṭre Mikel Oyarzabal aḱ penalṭi golte ruạṛoḱ reaḱ jãhãn horge bako ńamleda. Kylian Mbappe-Usman Dembele-Michael Olise ḍher do bako pharaka. Break se jirạu tayom Pedro Perro aḱ golte France doko hirạu ocoyena. Dhạrti kap phuṭbolre nunạḱ mońj khilạḍ katet́ France ko calaoena noa do sạrige ạḍi bhabna reaḱ kangea.

Disạmren gidrạko ḍher din hạbić ṭaiphoiḍ ruạ khon bańcaoko lạgit́ ṭikạ emoḱ kạmihora (EPI) 15 cando umerren gidrạko lạgit́ Ṭaiphoiḍ Conjugate Vaccine ṭikạ emoḱe goṭakeda. Darakan August cando reaḱ 1 tạrik khonge ṭikạ emoḱ kạmihora do  ehoboḱa.

Sombar (13 July) mit́ ḍhạrwạḱ hotete Sastho Odhidaptor reaḱ ṭikạ emoḱ kạmihora (EPI) noa khobore baḍae ocokeda. EPI reaḱ hukum lekate 15 cando umerren joto gidrạ noa ṭikạko ńama. Ṭikạ do disạm reaḱ joto centerkore emogoḱa. 

Mit́ṭen birre boḍa bińe basoḱkan tahẽkana. Boḍa biń do ạḍi bisane tahẽkante uni pheḍ calaḱ okoege bako rebenkan tahẽkana. Onate biń do ạḍi gorobe aṭkaret́ tahẽkana. Apnarte ạḍi dil ar daṛeane hudisoḱkan tahẽkana.

Mit́din boḍa bińe tạṅkhikeda, aćaḱ bhugạḱ pheḍre mit́ dol mućko bhugạḱ akada. Ona ńelte ạḍi ãṭe edreyena. Adoe menkeda, muć aḱ nunạḱ maraṅ sạhũs, ińaḱ bhugạḱ pheḍreko bhugạḱ akada! Ado onko muć laga ocoḱko lạgit́ boḍa biń do onko upạrte dhawakeda. Mit́ okte muć do akoaḱ jiwi bańcao lạgit́te boḍa bińaḱ hoṛmoreko ger bit́ena. Khange boḍa biń do hasote kiriṛ kiriṛ kikiạue dhurạuena. Enrehõ onko muć do bako aṛaḱledea. Mucạt́ dhạbićte boḍa biń do muć khon bańcaoḱ khạtirte bir khone dạṛkeda.

Bangladesh Bank disạm reaḱ digital bạnij bepar re nawa bodole ạgukeda. Calaoen Budhbar (1July) Bangladesh Bank bạnij bepar alga ar nirạite hoe purạuḱ lạgit́ “Bangla QR” Code-e cạlukeda. Nit khon bạnij bepar re “Bangla QR” Code beohar hoyoḱa. Noa reaḱ motlob do kana, bạnij bepar re kom khorocoḱa ar algate hoyoḱa. Nit khon eṭaḱ eṭaḱ Bank lạgit́ QR Code do baṅ jạruṛoḱa. Eken mit́ṭeć “Bangla QR” scan lekhange jãhãn Bank se MFS App khon kạuḍi kologoḱa.

Phuṭpat koren dokandar khon ehoṕkate lạṭu lạṭu dokan, markeṭ, shopping mall joto jaegare noa beoharoḱa. Noa kạmihora hotete aema lekan muskil ar jhońjhoṭ khon bańcaoḱa.

Bangladesh Bank doe baḍae ocokeda, nogot ṭaka bin beoharte disạm arhõ lahantiḱa. Sadharon hoṛko ar bạnij bepariko kom khorocte ḍigital subitako hatao daṛeaḱa. Digital khon Smart Baṅgladisạm benao rakaṕre noa do mit́ṭen nawa kạmihora kana.

Meskoć

Mit́din mit́ṭen Joj ar Asamikin galmaraoḱ kana-

Joj: Am dom baḍaea eṛe katha roṛ lekhan cet́ hoyoḱa?

Asami: Hẽ sir, iń do norok reń calaḱa.

Joj: Ạḍi bhage! Ar sạri katha roṛ lekhan cet́ hoyoḱa?

Asami: Mamlareń hirạuḱa.

Jao serma bạrsạ jạput́ din ar inạ tayom daram dinkore dengue ruạ ḍher pasnaoḱa. Nebetar dinre dengue ruạ thoṛa judạ cinha ńeloḱ kana, oka do ḍher hoṛko bhitrire mit́ lekan digdhại sirjạu akat́. Noa okte sontor tahẽn jạruṛa. Disạ dohoe hoyoḱa, ruạ begorte dengue hõ hoe daṛeaḱa. Onate thoṛa thoṛa ruạ, hoṛmo haso se eṭaḱ cinhạko ńel lenkhan baṅ thirkoḱ hoyoḱa.

Gharońj ar apnar hõ rukhiạ reaḱ upại:

-Sikṛĩć geger khon gharońj ar apnar hõ sontor tahẽn hoyoḱa.

-Oṛaḱ aḍepase daḱ baṅ jarowa ocoaḱ hoyoḱa.

-Jãhãn cinhạ ńel lenkhan Sasthokendro calaḱ hoyoḱa.

-Hoṛmo reaḱ seba hatao lạgit́  jatio sastho seba helpline 16263 nomborte phone hoyoḱa.

Sontor ar aodha tahẽnge jotowaḱ khon rukhiạ daṛeabona. Nonkate apnar hõ sontor tahẽnme ar eṭḱko hõ sontor tahẽnre uskurko hoyoḱa.

Dengue ruạ reaḱ maraṅ cinhạ do kana, ackage ruạ ḍheroḱa (101-104 degree pharenhait), bohoḱ haso, mẽt́ haso, hoṛmo haso, beć beć aṭkaroḱa, hoṛmore araḱ dag se pusri leka ḍaha ḍoho rakaboḱa.

Diṅgu ruạ reaḱ cinhạ do bar hạṭińa. Pạhil cinhạ ar muskilaḱ cinhạko.

Pạhil cinhạko: Bohoḱ has oar mẽt́ haso, hoṛmo sir re haso (noa do mit́ leka Break Bone Fevar ko metaḱ kana) reṅgeć baṅ bujhạuḱa, hoṛmore laṅgage aṭkaroḱa, hoṛmore araḱ dag se pusri leka ḍaha ḍoho rakaboḱa.

Muskilaḱ cinhạko:

Ruạ thirkate mucạt́re noako cinhạ ńeloḱ khan bujhạu hoyoḱa bạṛić dosa seć calaḱ kana. Noa okte usạra ḍaktaraḱ solha hatao jạruṛa: lać haso, ghane ghane sahẽt́ hatao, ti-jaṅa reaṛoḱa.

ạḍi kajak laṅga aṭkaroḱ reaḱ upại:

Selain daḱ ńũi hoyoḱa, thoṛa ruạ se haso lạgit́ Paracetamol ńũi hoyoḱa. Aspirin se Ibuprofen lekan ran jom khon sạṅgińre tahẽn hoyoḱa. Noa do hoṛmore mãyãme ṭonṭa daṛeaḱa. Dengue ruạ biḍạu lạgit́ Rajshahi Medical College Haspatalse apnar aḍepase jãhãn Diagnostic center kore test hoyoḱa.

Okoeṭaḱ ipil phuṭbol khilạḍ dhạrti marsal akat́ tahẽn. Mit́ṭenge ńutum uni do joto hoṛren opromić Brazil ren Neymar.

Dhạrti kap phuṭbol 2026 reaḱ 16 round reko eneć ńapamena Brazil ar Norway. Ona enećre Brazil do 2-1 golte Norway ṭhenko hirạu ocoakana. Onate Brazil do ạḍi duk salaḱ bidạko hataokeda. Eneć mucạt́re Neymar doe menkeda, iń doń kurumuṭukeda, menkhan bạń daṛeada. Ińaḱ taṛam ḍahar do Metlife stadium khon ehoṕ akana ar nonḍe khonge mucạt́ena. Nit do jotowaḱge cabayena.

2010 sermare Neymar do Brazil aḱ jạrsite horoḱ cikhnạlena. Neymar do 80 goṭen gol ar 4 goṭen heṭrik kate Brazil ren ạḍi namḍak khelowaṛ kanae. Uni do 2013 sermare FIFA Confederation kap ar Olympic sona sirpại jitạu akana.

Arhõ Philisṭiko tuluć Isrạyel hoponko reaḱ lạṛhại hoyena. Philisṭiko modre Goliat ńutuman mit́ṭaṅ maraṅ okoć birbão hoṛ do 40 siń palṭon ḍera khon sen lahakate Isrạyel hopone henostayet́ko tahẽkana, onko modre okoe hõ uni tuluć lạṛhại dil baṅ tahẽkantakote. Khange Dạvid palṭon ḍerate hećkate onae baḍae ńamket́te uni tuluć lạṛhạiye khaṛayena. Menkhan Sạul do tạkićkedeteye metadea, Am do bạbu, eken chonḍro hoṛ, ar uni do koṛa khon lạṛhại hitạu hoṛ. Dạvide roṛ ruạṛadea, Mit́din ạpuńren bhiḍi meromkoń gupire, mit́ṭaṅ dhạcrikul ar mit́ṭaṅ bana hećkate mit́ṭeć bhiḍi hoponkin ạtkiredekan tahẽkana; menkhan iń do ńir senkate goćket́kinte bhiḍi hopon iń bańcaokedea. Dhạcri kul ar bana khone bańcaokidiń Probhu, uni do nui Philisṭi hoṛ khon hõe bańcaoińa. Sạule metadea, Ma bạbu, calaḱme, ar Probhuge am tuluće tahena.

Khange Dạvid aćaḱ ṭheṅga ar ginḍuạr ar soḍoḱ khon 5 goṭeć dhiriante Goliat ṭhene sen sorena. Uni doe hoho daramae kana, Baṅ doń seta kante ya, onate ṭheṅgawantem hijuḱ kana? Dạvide roṛ ruạṛadea, Am do tarwaṛe ar borlomante iń upạrtem hijuḱ kana; menkhan iń do phạdkoren Probhu ńutumte am upạrteń calaḱ kana. Khange ginḍuạrre dhiri sajaokate uni birbão hoṛ cạndiregeye capat́ bit́ got́kadea, ar ńir senkate uni Philisṭi hoṛ reaḱ tarwaṛe boćkate bohoḱe bhuṅgrạuket́taea. Onkate Dạvid do goṭa disom palṭon ren maraṅ sordare hoyena, ar tayomte Sạul do hoponerate goṅadea. Ar Sạulren hopon Jonathon do aćaḱ jivi leka Dạvide dulạṛede tahẽkana.(1 Sạmuel 17.)

Lionel Messi aḱ golte Bissokap reaḱ nagamre nawa rekorḍ hoyena. 3-2 golte Argentina ko jitạuena. Bissokap phuṭbol khilạḍre pạhil khelwaṛ lekate bargel-e gol keda Messi. Pea match re goal sãote sãote knockout rehõ Cape Varde birude golkeda. Bissokap reaḱ nagamre nit dhạbićte Messi leka okoege bako gol daṛeakada.

Bargel (20) gol kate Messi do joto khon p̣ạhilre menaea. Eken inạ do baṅ pạhil phuṭbol khelwaṛ lekate mit́ dhaote irạl (8) goṭen match re gol keda. Nonkate Bissokap reaḱ nagamre jaejug lạgit́ Messi aḱ ńutum ol caṛhaoentaea. Hoe daṛeaḱa jãhãtis paseć Messi lekan arhõ jãhãe hećkate onkoaḱ ńutum ol caṛhaoḱa. Menkhan nit do eken Messi aḱ ńutum ol tahẽyena.