Calaen se̠rma re̠aḱ December cando khon KO̠RO̠NA virus goṭa dhạrti re pasnao̠ lena.O̠na virus te̠ china re 4 hajar 734 goṭen ho̠ṛko go̠ćle̠na. Te̠he̠ń 26 go̠ṭe̠n ho̠ṛko go̠ćente,go̠ć ho̠raḱ le̠khate̠ chinae paro̠mke̠t́ koa Baṅgladisom.

Baṅgladiso̠m re̠ 24 gho̠nṭare KO̠RO̠NA ajar te̠ko jạbune̠̠na 1812 ho̠ṛ, ar mit́ din re̠ ko go̠će̠na 26 ho̠ṛ. IECDR reaḱ hisạbte̠ ajar re̠ko paṛao̠e̠n ho̠ṛaḱ le̠̠kha do̠ hoena 3 lakh 39 hajar 332 ho̠ṛ arko go̠će̠na 4 hajar 759 hoṛ.

24 gho̠nṭa re̠ko bogeye̠na 2 hajar 512 ho̠ṛ. O̠nko se̠le̠t́ moṭ ko̠ro̠na ajar khon boge akanko do̠ko hoyena 2 lakh 43 hajar 155 ho̠ṛ. Te̠he̠ń diso̠m so̠mbat buleṭin re̠ no̠̠a katha ko so̠do̠r keda Sastho Odhidoptor.

Baṅgladiso̠m re 8 March pạhil KO̠RO̠NA ajarte paṛawakan ho̠ṛ ko ńamledeya.O̠na 10 din taeno̠m 18 March pạhil KO̠RO̠NA ajarte ho̠ṛe goćle̠na.

Johns Hopkins university aḱ mente KO̠RO̠NA ajarte̠ jạbunen hoṛ koaḱ le̠khate baṅgladiso̠m reaḱ Nombor do̠(obosthan) hoyoḱ kana 15 (gel mõṛe) ar jạbunen ho̠ṛkoaḱ gujuḱ re̠do̠ 28 no̠mbo̠r.

KO̠RO̠NA ajar talate̠hõ college re bhurti mucạt́ kate̠ October cando re̠aḱ pạhil khonge online class ko e̠ho̠ba.

Anto sikkha bord somonnoy sub-committee ren ạyurić Md. Ziaul haq Robbar hilo̠ḱ kho̠bo̠r sakam ko ṭhe̠n no̠a kathae so̠do̠r ke̠da.

Unie̠ me̠nke̠da, October cando re̠aḱ pạhil se̠ć khon ge online class do̠ e̠ho̠bo̠ḱa.ar siknạt gão̠ta jhić taeno̠m niạm le̠ka class do̠ hoyoḱa.

Tho̠ṛa piṛhi paro̠m kate̠, robibar khon arhõ college re bhurti e̠ho̠ṕ akana.jahae gidrạ 17 tạrik hạbić college korey bhurti daṛeyaḱae.

Dhaka bord re̠n college bhurti ńe̠ńeliạ Md. Harun-Ar-Raside me̠ne̠da,laha khon ro̠ṛ saḍẹ le̠kage robibar khon siknạt gidrạko college re̠ko bhurtiḱ kana.bhurti babo̠t dhe̠r paesa hatao̠ hoyoḱ kana me̠nte̠ ańjo̠mo̠ḱ kana tho̠ṛa siknạt gão̠ta babo̠t.ale̠ onko são̠te̠ katha le̠ ro̠ṛ.So̠rkar o̠kaṭaḱ bhurti babo̠t paesa hatao̠ lạgit́e̠ tol bandhao̠ akat́ o̠na khon bạṛti do̠ o̠ko̠e hõ bako hatao̠ daṛeḱa.

Niạ se̠rma S.S.C  ar o̠na soman man re̠aḱ biḍạu re̠ 16 lakh 90 hajar 523 go̠ṭe̠n siknạt gidrạkoko pass akada ar 14 lakh college re̠ bhurti lạgit́ko ardas akada.

Haspatal re̠ cikitsa hatao̠ o̠kte̠ KO̠RO̠NA ajar te̠ go̠ć calao̠e̠nae̠ o̠bhine̠ta Sade̠k Baccu.

Raj nagraha re̠aḱ Universal medical college hospital re̠ teheń 12 baja ar 5 minute o̠kte be̠nḍao̠ e̠nae me̠nte̠y me̠nke̠da haspatal re̠n ạyurić Asis Chakraborty.

Unie̠ me̠nke̠da,Sade̠k baccu do̠ COVID Pneumonia ajartey jạbunakan tahẽkana. Melty organ failure iạte no̠a gujuḱ do̠ hoye̠na taya.

Sade̠k Baccu ren lạṭuić kuṛi Sadika Fairoz Mehjabine me̠ne̠da,sahẽt́ re̠aḱ halo̠t te̠ 6 August dhaka medical college rele bhurti ledea.O̠nḍe̠ KO̠RO̠NA ajarko ńamke̠t te̠ Universal medical college hospital rele bhurti ledea.

Sade̠k baccu do 1985 se̠rma khon cinema re o̠bhinoye̠ e̠ho̠ṕle̠da.aema ńutumakan cinema kore̠ hoe o̠bhinoi akada.

2018 se̠rma re “ekti cinema golpo” cinema re o̠bhino̠e kate̠ diso̠m jakat cinema awarde ńamle̠da.

KO̠RO̠NA virus ajar khon aema ńutuman khilạḍiạ ko ruạṛe̠n re̠hõ bako daṛe̠le̠na PSG.holano̠ḱ 0-1 go̠al te̠ko harao̠ ocoe̠na Marseille ṭhe̠n.

Franch ligue 1 haparao̠ re̠aḱ khilạḍ re 2011 se̠rma taeno̠m PSG birud pạhil jit ko hame̠ṭ ke̠da Marseille.khilạḍ re̠aḱ 31 minute re no̠a go̠al do̠e goal ke̠da Marseille ren gạkhuṛ khilạḍiạ Thauvin.o̠nate̠ Ligue re̠aḱ haparao̠ re̠ pạhil banar khilạḍ re̠ge do̠sar dhao̠ ko harao̠ ocoe̠na PSG.No̠nka do̠ e̠ke̠n hoele̠na 1978-79 se̠rma re̠aḱ haparao̠ re.

Me̠nkhan khilạḍ re 5 go̠ṭe̠n araḱ card ar 12 go̠ṭe̠ṇ sasaṅ card oḋok lēda khilạd ạyurić.o̠kaṭaḱ do̠ 2000 se̠rma khon pạhil o̠nako ḍhe̠r card ko ńamke̠t́ khilạḍiạko Franch Ligue 1 haparao̠ re.

Source-Sky Sports

Go̠ṭa dhạrtire mit́ dinre ḍhe̠r ho̠ṛ KO̠RO̠NA ajar te̠ko jạbune̠na me̠nte baḍae ocoe̠na dhạrti jakat niro̠po̠n ho̠ṛmo̠ gão̠ta.24 gho̠nṭa re nãwã jạbunakan ho̠ṛkoaḱ le̠kha do̠ hoyoḱ kana 3 lakh 7 hajar 930 go̠ṭen.

Ar mit́ din te̠ko go̠ćena 5 hajar 500 go̠ṭe̠n ho̠ṛ.o̠nate moṭ go̠ce̠n ho̠ṛaḱ le̠kha do̠ hoyoḱ kana 9 lakh 17 hajar 417 go̠ṭe̠n.  

Ḍhe̠r jạbunakan hor do̠ko ńam akana Inḍia, America ar Brazil re.

Niạ laha ḍhe̠r jạbunakan ho̠ṛko ńamle̠na  6 september.un o̠kte̠ re̠aḱ le̠kha do̠ tahẽkana 3 lakh 6 hajar 857 go̠ṭen ho̠ṛ.

Source – BBC

Am do̠ ce̠t́e̠m baḍaea te̠he̠ń khon 54 se̠rma laha khonge Hand Sanitizer (Ti Saphaḱ aḱ) be̠bo̠har he̠ć hijuḱ kana! Tahle̠ bujhạue̠t́abon 54 se̠rma lahare̠ be̠nao̠ hoele̠na Ti Saphaḱ aḱ do̠.  Pạhil o̠ko̠e̠ṭaḱ no̠aye̠ be̠nao̠le̠t́ uni do̠ Amerika diso̠m ré̠aḱ California bekarsflied nagraha ren Lupe Harnandaj. O̠kte̠ do̠ tahẽkana 1966. Harnandaj do̠ Nurse class ren paṛhao̠ḱ kuṛiye̠ tahẽkana. Ruạḱ rugiko ṭhe̠n calaḱ lahare̠ doctor ar nurse kodo̠ jao̠ge sạbun te̠ ti ạrubo̠ḱ hoyoḱ kan tahẽkana. O̠nate uniye hudiske̠da, ce̠t́ le̠kate̠ se̠ ce̠t́ be̠nao̠le̠re̠ daḱ ar sạbun re̠aḱ jạruṛ do̠ baṅ hoyoḱa. O̠kte̠ nạpitre daḱ ar sạbun baṅ ńam le̠nre je̠mo̠n o̠nako be̠bo̠har daṛeaḱ.

Lupe Harnandajak bo̠ho̠ḱre no̠a hudis do̠ ạḍige ạcur baṛae kan tahẽkana. Ạḍiye̠ kurumuṭuke̠da be̠nao̠ lạgit́, daḱ ar sạbun baṅ kate̠ hõ jibạnu-tejoko je̠mo̠n ko gujuḱ. Ạḍi din ar aema dhao̠ biḍạu biḍạu mit́ṭe̠n ge̠̠̠l e be̠nao̠ ke̠da, o̠ne o̠ka do̠ alcohol salaḱge. Be̠nao̠ tayo̠m o̠na gel do̠ aćge pạhile̠ be̠bo̠har ke̠t́a aćaḱ tire e̠nte̠ tejokoko gujuḱ kana se̠ baṅ!

Unre̠ye̠ be̠nao̠le̠t́ tire lagao̠ lạgit́ no̠a do̠ nito̠ḱ dhạrtire̠n manwa ko ṭhen ạḍige damanaḱ hoe akana. Ti sapha aḱ be̠bo̠har kate̠ sạrige jibạnuko gujuḱ kana ar daḱ re̠aḱ hõ jạruṛ do̠ baṅ lagao̠ḱ kana. De̠labon bo̠eha ar mise̠rako Ko̠ro̠na virus khon bańcao̠ḱ lạgit́ abokoaḱ tire jao̠ o̠kte̠re̠ ti sapha aḱbon (Hand sanitizer) be̠bo̠har.

Source:

1. Internet
2. Roddur, 16-29 February, 2020

Baṅgladiso̠m re̠ 24 gho̠nṭare KO̠RO̠NA ajar te̠ko jạbune̠na 1476 ho̠ṛ, ar mit́ din re̠ ko go̠će̠na 31 ho̠ṛ. IECDR reaḱ hisạbte ajar re̠ko paṛao̠e̠n ho̠ṛaḱ le̠kha do̠ hoena 3 lakh 37 hajar 520 ho̠ṛ arko go̠će̠na 4 hajar 733 hoṛ.

24 gho̠nṭa re̠ko bogeye̠na 2 hajar 372 ho̠ṛ. O̠nko se̠le̠t́ moṭ ko̠ro̠na ajar khon boge akanko doko hoyena 2 lakh 40 hajar 643 ho̠ṛ. Te̠he̠ń diso̠m so̠mbat buleṭin re̠ no̠̠a katha ko so̠do̠r keda Sastho Odhidoptor.

Baṅgladiso̠m re 8 March pạhil KO̠RO̠NA ajarte paṛawakan ho̠ṛ ko ṅam ledeya.O̠na 10 din taeno̠m 18 March pạhil KO̠RO̠NA ajarte ho̠ṛe goćlena.

Johns Hopkins university aḱ mente KO̠RO̠NA ajarte̠ jạbunen hoṛ koaḱ le̠khate baṅgladiso̠m reaḱ Nombor do̠(obosthan) hoyoḱ kana 15 (gel mõṛe) ar jạbunen ho̠ṛkoaḱ gujuḱ re̠do̠ 29 no̠mbo̠r.

Te̠he̠ń Robibar kho̠ć uḍạuḱ jahajre jo̠to̠ duṛuṕaḱre ho̠ṛ duṛuṕ kate̠ uḍạuḱ gạḍi ko calao̠ daṛeaḱa uḍạuḱ jahaj gão̠ta ko. Me̠nkhan samaṅre ar taeno̠mre bare̠a kate̠ moṭ 4 duṛuṕaḱ do̠ phaka do̠ho̠e lagao̠ḱa.

Jahan ho̠ṛ ho̠ṛmo̠ mo̠ńj bae ạikạu le̠khan se̠ ruạ-hasoe aṭkar le̠khan je̠mo̠ne duṛuṕ daṛeaḱ no̠nka ko hudis akada Besamorik Biman Colacol Kortripokkha(Be.Bi.Co.Ko).

Sunicar hilo̠ḱ uḍạuḱ jahaj gão̠ta ko no̠a hukum ko e̠mat́ koa besamoric biman colacol kortripokkho.

Holano̠ḱ US Bangla uḍạuḱ jahaj gão̠ta re moha bebosthapok Md. Kamrul Islame me̠ne̠da,gapa khon jo̠to̠ duṛuṕaḱ re ho̠ṛ duṛuṕ kate uḍạuḱ jahaj calao̠ lạgit́ hukumle ńamke̠da.me̠nkhan samaṅre ar taeno̠mre 4 go̠ṭe̠n duṛuṕaḱ do̠ phaka do̠ho̠ kaḱ lagao̠ale̠a.

Biman Bangladesh Airlines ren maraṅ mit́ kạmiạ Dhaka Times kho̠bo̠r sakam re no̠a kho̠bo̠r re̠aḱ sạriaḱ te̠t́e̠ lại saḍe ke̠da.KO̠RO̠NA ajar iạte 21 march khon dis̠m re̠aḱ jo̠to̠ le̠kan uḍạuḱ jahaj bond ge tahẽkana.Me̠nkhan niro̠po̠n ho̠ṛmo̠ ạn manao̠ kate̠ diso̠m bhitrire̠ uḍạuḱ jahaj calao̠ lạgit́ chaṛ(permission) ko ńam le̠da uḍạuḱ jahaj calao̠ gão̠ta ko.ar  June go̠ṭa dhạrti re uḍạuḱ jahaj calaḱ-hijuḱ lạgit́ chaṛe̠ (permission) e̠mle̠na so̠rkar.

Koṅgo reaḱ mit́ṭe̠n sona khãdre hasa dạsuṛe̠nte̠ 50 go̠ṭe̠n ho̠ṛko go̠će̠na me̠nte̠ ko hudise̠da o̠na diso̠m ren calao̠ banao̠ko.ạḍi kajak se̠rma daḱ iạte kivu Pradesh reaḱ Kami tuga nagrahare̠ mit́ṭe̠n so̠na khãdre hasa dạsao̠e̠na.O̠nate̠ 50 go̠ṭe̠n ho̠ṛ be̠nḍao̠en re̠aḱ kho̠bo̠r do̠ko lạieda o̠na diso̠mren Ạḱyurko.Go̠će̠n ho̠ṛko modre ḍhe̠rge juạn ho̠ṛko tahẽkana.

Baḍae̠na,bar-pe̠ din khon o̠na ṭo̠ṭhare ạḍi kajake̠ daḱe̠t́ tahẽkana.O̠na iạte̠ no̠a gho̠ṭna do̠ gho̠ṭao̠ena me̠nte̠ ko hudiseda ạkilan ko.

Kamituga ren mayor alexandr eBundyai me̠ne̠da,so̠ko̠l hilo̠ḱ 3 baja o̠kte̠ khãd reaḱ bhit rạput́ kate̠ daḱ bo̠lo̠ḱ e̠ho̠ṕlena bhitri se̠ć.O̠nḍe̠ 50 go̠ṭe̠n ho̠ṛ ko kạmie̠t́ tahẽkana.Ale̠ren Rurukhiạ kạmiạko se̠nkate̠ akoaḱ kạmi ko e̠ho̠ṕ akada.

O̠nḍenko Ạḱyurićaḱ me̠nlekate 50 go̠ṭe̠n ho̠ṛko go̠će̠na.Mạṛi rakaṕ lạgit́ ko kurumuṭueda Rurukhiạ Kạmiạko.

Source -aljazeera

Mit́ dinre Inḍia re amdaj mit́ lakh ho̠ṛ ko jạbunena KO̠RO̠NA ajarte  Por por 3 dinte 95 hajar cetan ho̠ṛko jạbunena Inḍiare. Inḍia reaḱ kendrio sastho montronaloe baḍae ocoena ,24 gho̠nṭare o̠na diso̠m re 97 hajar cetan ho̠ṛ ko jạbune̠na KO̠RO̠NA ajarte.

KO̠̠RO̠̠NA ajar (ho̠ṛko lekha) babot dhạrt ijakat gãota (World Meter) aḱ lại lekate,Inḍiare nit hạbić jạbun akan ho̠ṛ koaḱ moṭ lekha do̠ hoyoḱ kana 47 lakh 51 hajar 788 ho̠ṛ. Me̠nkhan diso̠m re̠aḱ kendrio sastho montronaloe me̠ne̠da, jạbun akan 77.77% ho̠ṛge̠ko bo̠geakana.

source-Hindustantimes.