Disạmre 15 Tạrik Kho̠n Mit́ Hapta Lạgit́ Calaoḱa Re̠l Gạḍi

Darakan 15 July kho̠n 22 July dhạbić goṭa Disạmre hoṛ dejoḱ re̠l gạdi do̠ calaoḱa. Adha seat phaka do̠ho̠ kate re̠l do̠ ạḱyuroḱa. Commuter re̠l chaḍa jo̠to̠ lekan tikiṭ do̠ Online hotete ạkhrińoḱa. Hola Somber (12 July) Re̠l Montri Nurul Islam do̠e me̠nkeda, Ale do̠ eyae (7) din lạgit́ re̠l calaoḱ re̠aḱle goṭa akada. Lockdown lahare o̠ka ko̠ re̠l calaḱkan tahẽn, ona hõ calaoḱ re̠aḱle kurumuṭuia. Teheń moṅgolbar (13 July) setaḱ kho̠nge re̠l ṭikiṭ ạkhriń do̠ e̠hoṕ akana. Jo̠to̠ ṭikiṭ Online re̠ ạkhrińoḱa. Me̠nkhan Commuter re̠l gạḍi re̠aḱ ṭikiṭ do̠ counter re̠ ńamoḱa.

Source: Dailyinqilab

Darae Kan 23 July Kho̠n 5 August Dhạbić Lockdown: Niạ O̠kte Oka Ko̠ Manao Jạruṛa

Mãhãmạri ko̠ro̠na virus baṅ chạplạuaḱ lạgit́ darakan 23 July kho̠n 5 August dhạbić arhõ lockdown re̠aḱ jạri hoy akana.

23 July kho̠n 5 August hạbić manao ganao re̠aḱ niạm ko̠:

Jo̠to̠ Sarkari, Adhasarkari, Besarkari Office bond tahẽna.
Dahar, re̠l ar Daḱ hoṛte calaḱ gạḍi ko̠ (Disạm bhittri re̠aḱ Biman) são jo̠to̠ gạḍiko̠ do̠ bond tahẽna.
Market ar Dokan ko̠ hõ bond tahẽna.
Jo̠to̠ Tourist center, Resort, Community center ar rạskạjo̠n center ko̠ bond tahẽna.
Jo̠to̠ lekan silpạ kạrkhanako̠ bond tahẽna.
Ḍher hoṛko̠ jarwaḱ nonkanaḱ samajik se̠ gãota re̠aḱ akhṛa, Janam mãhã, Picnic, Party, Political ar Dhorom akhṛa ko̠ bond tahẽna.
Baṅgladisạm re̠aḱ Supreme court adalo̠t babotre jạruṛ hukum do̠e jạria.
Bank/Bima/ kạuḍi gãotako̠ reaḱ seba lạgit Baṅgladisạm bank do̠ / kạuḍi gãotako̠ bibhag hukumko̠e jạria.
Sarkari officer ko̠ apan-ạpin kạmi thạ̃ire tahẽn kate ar office re̠aḱ kạmi ko̠ do̠ virtual (E-mail, E-nothi, sms, Whatsapp) são eṭaḱ madhom hotete ko̠ kạmia.
Ạn rukhiạ ar jạruṛaḱ seba, je̠mon- cas bas re̠aḱ jạruṛ jinis ko̠ ( sahar,itạ, tiju gujuḱ ran, cas bas machine emateaḱ), hoṛmo lạgit́ jo̠maḱ pho̠so̠l ar jo̠maḱ kiriń ạkhriń, hoṛmo seba, covid-19 ṭikạ e̠m, jạtio poricoipotro (NID) e̠moḱ kạihorako̠, Sarkari Tax ạdại kamihora, Current, Daḱ, Gas, Fire survice,Telephone, ar Internet (Sarkari- Besarkari, Print Electronic media, Bank, City Corporation, samajik nirapotta kạmi ko̠, Fharmacy ( Ran dokan) selet́ jạruṛaḱ seba kạmi são jo̠po̠ṛao me̠naḱ ko̠ office re̠n kạmiạko̠ ar gạḍiko̠ sarkari poricoipotro uduḱ kate se̠n heć daṛeaḱa ko̠.

Lukhibar Kho̠n Ho̠ṛ De̠jo̠ḱ Gạḍiko̠ Calaḱ Ehoboḱ Kana.

Ko̠ro̠na Mãhãmạri birudre̠ teṅgo daram lạgit́ calaḱkan kajak lockdown do̠ darakan Lukhibar (15 July) kho̠n 23 July hạbić ḍhil ńoḱ re̠aḱe goṭakeda Sarkar. No̠a o̠kte sasthobidhi ko̠ manao ganao kate gạḍiko̠ calaḱa. Montriporisod bibhag, Sombar no̠a kho̠bo̠r do̠e lại so̠do̠r keda . Kurbạni Eid re̠ hoṛkoaḱ daṛan ar Daṅgra Haṭre̠ kiriń ạkhriń re̠aḱ katha ko̠ hudis kate no̠a do̠e goṭakeda. Arhõ niạ o̠kte virtual lekate Sarkari Office do̠ jhić tahẽna ar Besarkari gãotako̠ do̠ bond tahẽna. Sanam market ar Dokan ko̠ hõ jhić tahẽna.

Source: Bd-pratidin

Ko̠ro̠na Ṭikạ E̠m Ehoṕena:Teheń Kho̠n Goṭa Disạmre̠ Synoform Ar Gapa Kho̠n Do̠ Moderna Ko̠ro̠na Tikạ

Teheń kho̠n ehoṕena China disạm kho̠n heć akan Synoform ṭikạ e̠m re̠aḱ kạmihora ko̠. Ar gapa Moṅgolbar (13 July) kho̠n City Corporation Haspatalko̠ re̠ Covax Moderna re̠aḱ ṭikạ e̠m kạmihora do̠ e̠hoṕ lạgidoḱ kana. Jo̠to̠ jilạ re̠ Synoform re̠aḱ ṭikạ do̠ e̠m hoe akana. Hola Robibar (11 July) Sastho odhidaptor re̠n ạḱyurić Dr.Shamsul Hoqe do̠ ko̠ro̠na Bulletin re̠ no̠a kathae lại so̠do̠r akada. Teheń bhitrirege goṭa disạmre̠ ṭikạ e̠m center ko̠ re̠ Synoform ṭikạ do̠ e̠m hoyoḱa. Ar Sunibar ńindarege City corporation bhitri re̠aḱ ṭikạ do̠ center ko̠re̠ Moderna ṭikạ e̠m hoe akana. Baḍaeabon je̠, nitoḱ do̠ 35 se̠rma umer kho̠n cetan umer re̠n hoṛko no̠a ṭikạ do̠ ko̠ ńam daṛeaḱa. Nit do̠ ạḍi algate www.surokkha.gov.bd web portal se google re̠ bolo kate “Surokkha” App download talate hoṛko̠ tikạ hatao lạgit́ ńutum ko̠ ol caṛhao daṛeaḱa. Registration se̠ ńutum ol caṛhao tayom SMS ko̠ e̠moḱa ar ona ńelte niṭ akat́ dinre̠ tikạ center se̠n kate tikạ hatao hoyoḱa.

Source: Banglar Janapad

Bo̠so̠tbhiṭạ kho̠n Bedo̠kho̠l Reaṅ bo̠to̠rteko Bilbilạuḱ Kana Rongpur Re̠n Santalko

Rongpur re̠aḱ Pirgonj upạjilạ, Boṛo Alompur Union re̠aḱ Patgram atore̠ Santal hoṛko̠ aema din kho̠naḱ ko̠ girobas akan re̠ hõ Bo̠so̠tbhiṭa kho̠n bedo̠kho̠l reaṅ bo̠to̠rre̠ me̠naḱkoa. Sor din re̠aḱ ghoṭna Bonbibhag do Santalkoaḱ bo̠so̠tbhiṭare̠ Samajik Bon se̠ dare rohoe re̠aḱ ko̠ goṭaket khan unko̠ do̠ ạḍi maraṅ bo̠to̠rre ko̠ paṛaoena. Thoṛa din lahare̠ Santal koaḱ bo̠so̠tbhiṭare Bonbibhag ren hoṛko dare rohoe lạgit́ko̠ hećen khan Santalko̠ do̠ ona birudre ko̠ teṅgoena. Me̠nkhan Bonbibhag ren hoṛko̠ do̠ onkoaḱ katha ko̠ bataoket́tako re̠hõ aema dho̠mok̠ ko̠ uduat́koa. Santal ko do Akoaḱ ạidạri ko̠ ruạr ńam akat́re̠ hõ bako kiriń-ạkhriń daṛeaḱ kana. No̠a muskil re̠aḱ roṛ ruạr ko̠ khojket́ khan Jopoṛao akan montronaloi são galmarao kate jãhãn phanḍao aḱ do̠ bako ńam akada mente ko̠ lại so̠do̠r keda. Baḍae ńam akana, Ona atore amdaj 98 ekor jumi do santal koaḱ dokholre menaḱa. Onḍe do menaḱa bir gajaṛko̠, phosol ko̠ são oṛaḱ duạrko̠. 2017 se̠rmare̠ Bonbibhag ạn do̠ manao ganaoe e̠mat́koa baṅma dare baṅ maḱ lagaḱa ar iṭa oṛaḱ hõ baṅ benao hoyoḱa. Enre̠hõ dare maḱ ar oṛak duạr baenao khạtir aema mamla do̠ santalko̠ birudre̠ heć paṛao akana. No̠a ko̠ dinre̠ Bonbibhag são cukti lekate dare rohoe kate hõ ona re̠aḱ jãhãn lab do̠ bako ńam akada. Ńindạ okte kombṛko̠ dare mak kate idire̠ hõ onko̠ birudre mamla kate hõ polis jãhãn bako moneaḱ kana. Me̠nkhan Bonbibhag do̠ Santal koaḱ dokholre me̠naḱ jumire dare bae rohoe daṛeaḱte santal ko do ạḍi ãṭko dho̠mo̠ḱao ket́koa. Ona iạte Santalko̠ do̠ akoaḱ bo̠so̠tbhiṭạ ko̠ ńam ruạr kate onako̠ upạrte ako mạliki ko̠ calao daṛeaḱ ona bondobos lạgit́ ko̠ dạbi akada Santal mukhiạ ko̠.

Source: Bangla Bazaar

Copa America Reaḱ Siropa Ko̠ Jitạuena Argentina

No̠a mit́ṭen siropa lạgit́ bar gel irạl (28) se̠rma tạṅgire̠ ko̠ tahẽkana Argentina. Sạrige, 1993 se̠rmare Copa American siropa ńam tayom Argentina jãhãn International shiropa bako̠ ńam akada. Bissocup hijuḱkan tahẽna, ar copa hõ, calao paromoḱkan tahẽna. Me̠nkhan Argentina koaḱ tạṅgi do̠ baṅ cabaḱkan tahẽna. Mucat́re 28 serma tayom ona tạṅgi se̠ koyoḱ hor re ko̠ tahẽkan do̠ mucạ́tena. Argentinako̠ jitạuena jãhãn International turnamate re̠aḱ siropa. Lionel messi mucạt́re ti tey saṕ keda mit́ṭen International siropa. 2014 sermare Bissocup re̠ do̠l ko̠ Finalre̠ bae rakaṕ daṛeaḱ koa. Inạ tayom uniaḱ barea copa-siropa re̠aḱ kukmu do̠ losoponḍo akantaea. Me̠nkhan teheń America re̠aḱ mit́ṭen akhṛa re̠aḱ siropa jitạu kate ạḍi ãṭ do̠e landakeda. Argentina supporter ko̠ ạḍi rạskạ salaḱ no̠a khiloḍ ko̠ ńelkeda. Messi do̠ no̠a trophy saṕ kate manao kedae siropa jitạuen re̠aḱ gorob. Argentina re̠aḱ ona namḍaḱ Akhasi nil-ponḍ jạrsi horoḱ kate teheń ạḍiko̠ rạskạḱ kana Argentina do̠l ko̠.

Loboḱ kõḱ

Mit́ṭen ato ṭolare ạḍi maraṅ mit́ṭen hesaḱ dare tahẽkana. Ar ona darere ạḍi mońj mit́ṭen Loboḱ kõḱ doe tahẽnkan tahẽna. Onka lekage uni Loboḱ kõḱ do dinạm ạyuṕ jokheć jombi lạgit́ ṭola barhete ạtińe calaḱkan tahẽkana. Dinạm hiloḱge uni Loboḱ kõḱ do ạḍi ńindạ dhạbić ạtiń baṛakate arhõ acaḱ ona tahẽn ṭhạ̃itey ruạroḱkan tahẽkana. Ar onka lekage dinạm din jombi lạgit́ ạtińte doe calaḱ kan tahẽkana . Ar mit́din do ńelme one okare ạtiń ar jombi lạgit́e calaḱkan tahẽkan onḍe do mit́ṭen gate doe ńam kedea.

Ar uni acren gateaḱ ńutum do hoyoḱ kantaea Lạlu seta.

Menkhan Loboḱ kõḱ do okarey ạtiń ona jaegare do aema ghas gajaṛ ar daḱ tahẽlena ar ona soṅgete thoṛa puṭhi ar ruḍgu hako hõko tahẽkana. Ar ona iạte unkinaḱ gate do thoṛagan sạṅgiń sạṅgiń rege tahẽkan tạkina. Menkhan tin okte daḱ cabaena ona jaega reaḱ ado onḍege mit́ṭhećkin ńapamena ar ńapam tayom ạḍikin rạskạena ente aema din tayom dokin ńapamena.

Onka lekage uni Loboḱ kõḱ do acren eṭaḱ boeha ar miserako hõ ać soṅge ạtińtey idiket́koa ona jaegate. Ar inạ tayom Loboḱ kõḱ do acren gate Lạlu seta soṅge aćren boeha miserakoe ńapamket́koa. Menkhan Lạlu seta do Loboḱ kõḱ ren boeha ar meserako ńelte acaḱ monre ạḍi lobh ar laloj hećadea. Ar onka lekage mit́din do Loboḱ kõḱ gateren mit́ boehae galmaraoade tahẽkana ar galmarao galmaraotege uni Lạlu seta do ńelme Loboḱ kõḱ ren gate goć kedea are jom kedea. Noa ńelte Loboḱ kõḱ do ạḍiye bhabnaena are rangaoena. Inạ tayom jojom huḍạr Lạlu seta bạgikate acaḱ oṛaḱtey ruạṛena boeha ar miserako soṅge.

Cecet́aḱ do noage, Dulạṛiạ boeha ar miserako noa dhạrti jion khemaore kạmikore ar daṛankore mońj gatekobon gatekoa ar bạṛićte pereć akan gateko do bon bạgiakoa.

Father Bonifas Murmu Do̠ Probhureye Jirạuena

Father Bonifas Murmu do̠ ko̠ro̠na ajaṛ re̠ jạbunkate teheń 10/07/2021 tarik ạḍire̠ Isor hirlạre̠ do̠e jirạuena. Uni do̠ 1955 sermare Rajshạhi jilạ, Godagari upạjilạ re̠aḱ Borgachi (kạnhupaṛa) atoreye janamlena. Apat́ ńutum do̠ Andrias Taracad Murmu. Unko̠ do̠ turui (6) boeha ko̠ tahẽkana. Pe̠a (3) kuṛi ar 3 (pea) koṛa boeha. Boeha ko̠ modre Father Bonifas Murmu do̠ maraṅ utạriće tahẽkana. Uni do̠ ko̠ro̠na ajaṛrey jạbunen o̠kte pạhilre Sant Vincent Haspatal re̠ ko̠ro̠na cikit́sae hataoet́ tahẽna. Me̠nkhan ar hõ mońj cikit́sa ńam lạgit́ Dhaka re̠aḱ Sant Jho̠n Mery Viyanni Haspatal re̠ ko̠ idilidea. Ar o̠nḍege teheń ạḍire Probhuraḱ hoborreye jirạuena. Uni do̠ 66 se̠rma umerrene tahẽkana. Father Bonifas Murmu do̠ acaḱ gharoṅjren boeha ko̠ sãote aema pe̠ṛa ko̠ ar dulạṛiạ ko̠e bạgiat́koa. Isor uniaḱ atma sulukrey do̠ho̠ema.

DAḰGE JHO̠MO̠R JHO̠M

Daḱge jho̠mo̠r jho̠m,

Ghane kajak ghane ko̠m,

Ghane ṭipir-ṭipir,

Ghane jhipir-jhipir.

Daḱge jho̠mo̠r jho̠m,

Ghane kajak ghane ko̠m,

Ghane ho̠e huḍur,

Ghane reaṛ rabaṅ ṭukur.

Daḱge jho̠mo̠r jho̠m,

Ghane kajak ghane ko̠m,

Cạriạ kona daḱge daḱ,

Ceṛem- ceṛem ḍubạ daḱ.

Daḱge jho̠mo̠r jho̠m,

Ghane kajak ghane ko̠m,

Ghane ṭipạḱ ṭo̠ṛo̠ḱ,

Ghane ṭho̠p-ṭho̠p jo̠ro̠ḱ.

Daḱge jho̠mo̠r jho̠m,

Ghane kajak ghane ko̠m,

Ạndhi tuphante ho̠ṛmae ko̠clo̠n,

Ghane Yas ghane saeko̠lo̠n.

Mask kho̠n hõ hoe Daṛeaḱa Ko̠ro̠na

Ko̠ro̠na teṅgo daram lạgit́ mit́ṭenge alga upại menaḱa ar o̠na do̠ mask ho̠ro̠ḱ. Bajare̠ aema lekan mask ńamoḱ kana. Teheń gapama ho̠ro̠ḱ bandenaḱ são milạu kate mask ko̠ ho̠ro̠ḱeda. Me̠nkhan aema ho̠ṛge mask do̠ bako ho̠ro̠ḱeda. Ar o̠ko̠e ko̠ horo̠ḱeda onko̠ mo̠dre ado̠m ho̠ṛ do̠ o̠ktere̠ kewa ar o̠ktere do̠ lutur sãote ko̠ ṭińkạrkaḱ kana. Ado̠m ho̠ṛ do̠ mit́ṭen maskge begor saphate ghane ghane ko̠ ho̠ro̠ḱet́ kana. Baḍaekaḱabon Baṅma, Surgical mask mit́ dhaoge beboharoḱa. Ar kicrić re̠aḱ mask do̠ thoṛa din bebohar daṛeaḱbon. Me̠nkhan ho̠ro̠ḱ tayom saphae jạruṛa.

Kicrić re̠aḱ mask cet́leka saphakate ghane ghane ho̠ro̠ḱ hoyoḱa:

O̠ṛaḱte ruạṛ kate baber, fitạ se̠ rabbar band sap kate mask tut́ hoyoḱa, mask do̠ baṅ jo̠ṭet́ hoyoḱa. Inạ tayom sạbun daḱre ạruṕ saphae hoyoḱa. Daṛeaḱ khan setoṅre tase ro̠ho̠ṛ lagaḱa, enḍekhan mask do̠ saphaḱa. Lo̠lo̠ daḱ ar buluṅ daḱre mask lo̠lo̠ daṛeaḱabon. Inạkate setoṅre tase ro̠ho̠ṛ hoyoḱa.
Lo̠ho̠ḱ mask do̠ alobon ho̠ro̠ḱ ma. No̠ate rog ńam re̠aḱ bo̠to̠r menaḱa.
Ro̠ho̠ṛlen khan mask do̠ iron hoyoḱa
Sapha haron baṅ kate Surgical mask bebohar daṛeaḱbon. No̠a ko̠ ho̠ro̠ḱ se̠ bebohar tayom giḍikaḱ hoyoḱa.
Bahre seć calaḱ o̠kte bagre barea mask do̠hoe jạruṛa. Ho̠ro̠ḱ akat́ mask jãhã karonte bạṛićlen khan se̠ lo̠ho̠t́len khan soṅge torao akat́ o̠na mask bo̠n ho̠ro̠ḱ daṛeaḱa.
Mask sapha kate ho̠ro̠ḱ hoyoḱa. Baṅ khan mạilạ se̠ baṅ sapha akat́ mask bebohar talate ko̠ro̠na rog são aema lekan rogtebon jạbun daṛeaḱa.

Sanam Santalko̠ de̠labn no̠ako̠ manaote̠ ko̠ro̠na lekan maraṅ rog kho̠n rukhiạ bon ńama.

Source: Sonali songbad